Alternativ Demokratesch Reformpartei

Vu Wikipedia
Wiesselen op: Navigatioun, sichen
Logo Parteizentral
ADR.png Waassergaass 20

L-1449 Lëtzebuerg-Stad

Basisdonnéeën
Grënnungsdatum: 12. Mee 1987
Nationalpresident: Jean Schoos
Generalsekretärin: Liliana Miranda
Vizepresidenten: Michèle Retter a Carlo Kirsch
Caissier:
Fraktiounspresident: Gast Gibéryen
Éierepresident: Robert Mehlen
Websäit: www.adr.lu

Alternativ Demokratesch Reformpartei (ADR) ass den Numm vun enger Lëtzebuerger politescher Partei, déi den 12. Mee 1987 als Aktiounskomitee 5/6 Pensioun fir jiddwereen gegrënnt gouf. 1989 gouf se an Aktiounskomitee 5/6 ëmbenannt, dee sengersäits 1993 an Aktiounskomitee fir Demokratie a Rentegerechtegkeet ëmgedeeft gouf. Am Mäerz 2006 koum eng weider Ëmbenennung zum Numm, wéi en elo ass. An der EU-Politik ass d'ADR Member vun der Allianz vun europäesche Konservativen a Reformisten (AECR).

Geschicht[änneren | Quelltext änneren]

D'ADR ass aus enger Een-Themepartei ervirgaangen, déi mat enger eenzeger Fuerderung – gläichhéich Pensiounen an alle Secteuren – bei de Chamberwale vum 18. Juni 1989 ugetrueden ass a mat 4 Deputéiert an d'Parlament gewielt gouf.

Den 10. Oktober 1993 ass d'ADR a 7 Gemengeréit gewielt ginn. Den 12. Juni 1994, bei de Chamberwalen, huet d'ADR 1 Sëtz dobäigewonnen, a bei deene vum 13. Juni 1999 nach eng Kéier 2 sou datt se der ewell 7 hat. Bei de Gemengewale vum selwechte Joer koum d'ADR op 10 Gemengerots-Sëtzer.

Bei de Chamberwale vum 13. Juni 2004 huet d'ADR 2 Sëtzer par Rapport zu virdru verluer. Och bei de Gemengerotswale vum 9. Oktober 2005 huet se manner Sëtzer kritt wéi virdrun.

Bei de Chamberwale vum 7. Juni 2009 huet d'ADR 1 weidere Sëtz verluer a war ewell mat 4 Deputéierten an der Chamber vertrueden. Am Dezember 2012 hunn souwuel de Jacques-Yves Henckes[1] wéi och de Jean Colombera[2] der Partei de Réck gedréit fir Deputéierten ouni Partei ze ginn, sou datt just nach 2 ADR-Deputéiert Rescht bloufen. Bei de Chamberwale vum 20. Oktober 2013 krut d'ADR 3 Mandater.

Bei de Chamberwale vum 20. Oktober 2013 huet d'ADR nees e Sëtz verluer an ass mat dräi Deputéiert an déi nei Chamber agezunn. Gewielt goufen de Gast Gibéryen, de Fernand Kartheiser an de Roy Reding.

D'Jugendsektioun vun der ADR nennt sech adrenalin, déi jonk adr.

Deputéiert am Laf vun der Zäit[änneren | Quelltext änneren]

Um Spaweck[änneren | Quelltext änneren]

Referenzen[änneren | Quelltext änneren]

  1. Tiefe Gräben in der ADR: Henckes und Gatti treten zurück, wort.lu 14. Dezember 2012
  2. "Jean Colombera trëtt awer aus adr aus a behält säi Mandat." RTL.lu - 21.12.2012, 11:00 | Fir d'lescht aktualiséiert: 21.12.2012, 14:16