Auguste Laval
Vu Wikipedia, der fräier Enzyklopedie.
Den Antoine Marie Auguste Laval, gebuer de 4. Februar 1843 an der Stad Lëtzebuerg, a gestuerwen den 29. Oktober 1915 zu Bern, war e lëtzebuergeschen Affekot, Industriellen a Politiker.
Hie war vun 1878 bis 1890, 1891 bis 1902 a vun 1904 bis 1913 Deputéierten an der Chamber a vun 1905 bis 1913 Chamberpresident.
Hie war Member vum Verwaltungsrot vun der Arbed, déi 1911 gegrënnt ginn ass.
Den Auguste Laval war mat der Marie-Albertine-Petronille-Therese Metz, Duechter vum Auguste Metz, bestuet.
An der Stad Lëtzebuerg, zu Eech, resp. Weimerskierch, sinn eng Strooss an e Park no him genannt.
