Departement Lozère
|
|
|
|---|---|
 |
|
 |
|
| Regioun |  Languedoc-Roussillon |
| Prefecture |  Mende |
| Ënnerprefecture |  Florac |
| Bevëlkerung | 76.800 Aw.(2006) |
| Fläch | 5 167 km² |
| Arrondissementer | 2 |
| Kantoner | 25 |
| Interkommunalitéiten | 21 |
| Gemengen | 500 |
D'Lozère (48) ass e franséischt Departement, am Languedoc-Roussillon. Den Numm huet d'Departement vum Biergmassiv Mont Lozère.
[änneren] Geschicht
D'Lozère ass eent vun den 83 Departementer déi an der Zäit vun der franséischer Revolutioun de 4. Mäerz 1790, an Ausféierung vum Gesetz vum 22. Dezember 1789, gegrënnt goufen. Et besteet zum gréissten Deel, mat Ausnam vum Canton de Saugues, aus dem Territoire vum fréiere Bistum Gévaudan.
Well Mende déi Zäit de Sëtz vum Bistum war, an och d'Haaptstad vun der Provënz, gouf do d'Prefecture ageriicht.
[änneren] D'Lozère am Zweete Weltkrich
Am Zweete Weltkrich goufen et an der Lozère véier Maquisorganisatiounen déi sech géint d'Wehrmacht gestäipt hunn.
Dräi franséisch Gruppen, déi eng aus dem Aubrac déi aner aus den Cevennen an aus der Géigend vum Mont Mouchet hunn der däitscher Besatzung d'Liewe schwéier gemaach.
Déi véiert stoung ënner dem Kommando vum Monsieur Schumann engem däitsche Kommunist an Antifaschist dee mat aneren däitschen antifaschistesche Resistenzler vun 1943 bis 1944 do géint déi däitsch Arméi gekämpft huet.
[änneren] De Wopen
Beschreiwung:
Parti au premier de France ancien (d'azur semé de fleurs de lis d'or) et au second d'or à quatre pals de gueules.
[änneren] Geographie
D'Lozère ass dat nërdlechst Departement an der Regioun Languedoc-Roussillon. Et grenzt un d'Regiounen Rhône-Alpes, Auvergne a Midi-Pyrénées.
Nopeschdepartementer sinn de Cantal, d'Haute-Loire, d'Ardèche, de Gard an den Aveyron.
Déi gréisste Stied si Mende a Florac
D'Departement Lozère besteet gréisstendeels aus Bierger a Koppen. Am Departement gëtt et véier grouss Biergmassiver.
De Plateau vum Aubrac
De Plateau vum Aubrac am Norwesten, läit op enger Héicht tëscht 1.000 a 1.450 Meter, an ass eng Basaltformatioun. De Klima ass kal a fiicht, a huet atlantesch Caracteristiken. Et gëtt do vill gutt Weede fir Ranner.
Monts de la Margeride
D'Monts de la Margeride am Norden an Nordwesten leien op enger Héicht tëscht 1.000 a 1.550 Meter a si Granitformatiounen. Et ass eng kal Géigend déi méi dréchen ass wéi den Aubrac. An der Margeride wuessen haaptsächlech Dännebëscher.
De Plateau des Causses
De Plateau des Causses am Südwesten deelt sech op an d'Causse de Sauveterre an d'Causse Méjean. Déi zwee Gebidder gi vunenee gespléckt duerch d'Griechte vum Tarn. Et ass eng Géigend op Kallekfielsen déi dréchen ass. Et gëtt vill karsteg Formatiounen mat Hielen, Triichteren am Buedem déi do Aven genannt ginn, ënnerierdesch Waasserleef a Resurgenzen.
D'Cevennen
D'Cevennen am Südweste bestinn haaptsächlech aus Schifer- a Granitformatioune mat géien Häng. De Mont Lozère huet mat dem Pic de Finiels op 1.699 Meter déi héchste Plaz am Departement. Am Süde läit de Mont Aigoual mat 1.567 m, op deem en Wiederstatioun steet, huet vill Reen a Schnéi, an et bléist dacks a staarke Wand.
[änneren] Kuckt och
- Lëscht vun de Gemengen am Departement Lozère
- Arrondissementer am Departement Lozère
- Kantonen am Departement Lozère
01 Ain · 02 Aisne · 03 Allier · 04 Alpes-de-Haute-Provence · 05 Hautes-Alpes · 06 Alpes-Maritimes · 07 Ardèche · 08 Ardennes · 09 Ariège · 10 Aube · 11 Aude · 12 Aveyron · 13 Bouches-du-Rhône · 14 Calvados · 15 Cantal · 16 Charente · 17 Charente-Maritime · 18 Cher · 19 Corrèze · 2A Corse-du-Sud · 2B Haute-Corse · 21 Côte-d'Or · 22 Côtes-d'Armor · 23 Creuse · 24 Dordogne · 25 Doubs · 26 Drôme · 27 Eure · 28 Eure-et-Loir · 29 Finistère · 30 Gard · 31 Haute-Garonne · 32 Gers · 33 Gironde · 34 Hérault · 35 Ille-et-Vilaine · 36 Indre · 37 Indre-et-Loire · 38 Isère · 39 Jura · 40 Landes · 41 Loir-et-Cher · 42 Loire · 43 Haute-Loire · 44 Loire-Atlantique · 45 Loiret · 46 Lot · 47 Lot-et-Garonne · 48 Lozère · 49 Maine-et-Loire · 50 Manche · 51 Marne · 52 Haute-Marne · 53 Mayenne · 54 Meurthe-et-Moselle · 55 Meuse · 56 Morbihan · 57 Moselle · 58 Nièvre · 59 Nord · 60 Oise · 61 Orne · 62 Pas-de-Calais · 63 Puy-de-Dôme · 64 Pyrénées-Atlantiques · 65 Hautes-Pyrénées · 66 Pyrénées-Orientales · 67 Bas-Rhin · 68 Haut-Rhin · 69 Rhône · 70 Haute-Saône · 71 Saône-et-Loire · 72 Sarthe · 73 Savoie · 74 Haute-Savoie · 75 Paräis · 76 Seine-Maritime · 77 Seine-et-Marne · 78 Yvelines · 79 Deux-Sèvres · 80 Somme · 81 Tarn · 82 Tarn-et-Garonne · 83 Var · 84 Vaucluse · 85 Vendée · 86 Vienne · 87 Haute-Vienne · 88 Vosges · 89 Yonne · 90 Territoire de Belfort · 91 Essonne · 92 Hauts-de-Seine · 93 Seine-Saint-Denis · 94 Val-de-Marne · 95 Val-d'Oise · 971 Guadeloupe · 972 Martinique · 973 Guyane · 974 Réunion · 976 Mayotte
| Commons: Lozère – Biller, Videoen oder Audiodateien |
