Jean-Claude Brialy

Vu Wikipedia
Wiesselen op: Navigatioun, sichen
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.
Jean-Claude Brialy

De Jean-Claude Brialy, gebuer den 30. Mäerz 1933 zu Aumale an Algerien a gestuerwen den 30. Mee 2007 zu Monthyon, war e franséische Schauspiller, Regisseur, Dréibuchauteur, Schrëftsteller a Restaurantsproprietär. Hien huet a méi wéi honnert Filmer matgewierkt.

Säi Liewen[änneren | Quelltext änneren]

Als Fils vun engem franséische Colonel ass hie vill dorëmmer geplënnert. Nodeem d'Famill Brialy sech zu Angers niddergelooss hat, ass hie mat sengem Brudder do an de Lycée gaangen.

1946 koum en an de Prytanée national militaire vu La Flèche an der Sarthe, éier d'Famill op Saint-Étienne geplënnert ass. Säi Baccalauréat huet e schliisslech am Collège Episcopal Saint-Etienne zu Stroossbuerg gemaach, wou e niewelaanscht Coursen als Acteur besicht huet.

Hie krut de Premier prix de Comédie am Conservatoire vu Stroossbuerg an en ass dunn an de Centre d'art dramatique de l'Est agetratt wou e verschidden Theaterrollen interpretéiert huet. Während sengem Militärdéngscht zu Baden-Baden gouf hien an de service cinématographique de l'Armée an Däitschland versat, wou hien d'Geleeënheet hat säin éischte Kuerzfilm "Chiffonard et Bon Aloi" ze dréien.

1954 koum en op Paräis wou e vun de Realisateure vun der "Nouvelle Vague" entdeckt gouf. Sou gouf hien e gudde Frënd vum François Truffaut an e war Zeien op dësem sengem Mariage (1968) mat der Claude Jade. Als grousse Schaffert huet hien e puer Filmer pro Joer gedréint an donieft och nach Theater gespillt. 1971 huet hie säin éischte Film („Églantine“) als Régisseur a gläichzäiteg fir d'Televisioun gedréint. Säi leschten Téléfilm koum 2006 eraus („Monsieur Max“).

Hie war 1977 Direkter vum Théâtre Hébertot, 1986 vum Théâtre des Bouffes-Parisiens a vun1985 bis 2001 artisteschen Direkter vum Festival d'Anjou a vum Festival de Ramatuelle.

2000 an 2004 huet hien autobiographesch Bicher geschriwwen (Le ruisseau des singes (éd. Robert Laffont), J'ai oublié de vous dire (XO Éditions)) déi allen zwee vill Succès haten. 2006, no enger Rees a säi Gebuertsland, huet hien d'Buch Mon Algérie (Timée éditions) erausginn. Hien huet och Anthologië geschriwwen: Les pensées les plus drôles des acteurs (2006, Ed. Le Cherche-Midi) an Les répliques les plus drôles du théâtre de boulevard, (kënnt 2007 eraus, Ed. Le Cherche-Midi).

De Jean-Claude Brialy, eng Paräisser Perséinlechkeet, huet och a ville Radios- an Tëleesemissioune matgeschafft. En huet regelméisseg op RTL beim Philippe Bouvard senge "Les Grosses Têtes" matgewierkt.

Hie war Proprietär vum Restaurant L'Orangerie op der Île Saint-Louis zu Paräis, wou en och gewunnt huet.

Filmographie[änneren | Quelltext änneren]

als Regisseur[änneren | Quelltext änneren]