Éiereplack Dicks-Rodange-Lentz

D'Éiereplack Dicks-Rodange-Lentz ass eng Verdéngschtplack, déi d'Actioun Lëtzebuergesch zanter 1984 un eng oder méi Persounen iwwerreecht, fir se fir hiren Asaz fir d'Lëtzebuergescht ze belounen. Déi eigentlech Plaquette mat den Dimensiounen 9,2×5,4 cm ass an engem breeden hëlze Kader agelooss. Si ass aus Bronze, a gëtt jee no Laureat, vergëllt oder versëlwert iwwerreecht. Op der Plaquette sinn, wéi den Numm et scho seet déi dräi lëtzebuergesch Dichter a Schrëftsteller Dicks, Rodange a Lentz duergestallt. Op der Récksäit ass de Logo vun der AL, d'Joreszuel vun der éischter Ausgab, d'Ursaach vun der Éierung, sou wéi den Datum vun der Iwwerreechung agravéiert. D'Plaquette gouf vun der lëtzebuergescher Medailleurskoppel Julien an Nina Lefèvre realiséiert an an den Ateliere Fibru-Fisch zu Bréissel gegoss.

Laureaten

Gëlle Plaquette

1989	Henri Rinnen	fir säin Asaz op ville Pläng an der AL
2003	Lex Roth	fir säin onermiddlechen Asaz, op alle Pläng, fir eis Sprooch
2012	René Faber	fir seng Verdéngschter als Grënnungsmember a laangjärege President vun der AL
2021	Alain Atten	fir säi ganzt Wierk a seng Verdéngschter iwwer a fir eis Sprooch

Sëlwer Plaquette

1984	Pierre Werner	Fir Lëtzebuergesch als Nationalsprooch am Gesetz ze verankeren
	Robert Krieps	fir Koherenz am Geschriwwenen eranzebréngen duerch den Arrêté fir d'Orthographie
1985	Tit Schroeder	als Lyriker an Auteur vu villen Theaterstécker
1986	Chrétien Clement	als Dichter
	Lily Unden	fir Lëtzebuerger Konscht
1987	Will Flener	fir seng Essayen, Theaterstécker a Bicher
1988	Pir Kremer	fir säi Stamminee um Radio, d'Revuen am Theater a seng aner Wierker
1989	Will Reuland	fir säin Asaz beim Dictionnaire a säi Gesamtwierk fir d'Sprooch
1990	Norbert Weber	dee se aus perséinleche Grënn net wollt behalen a se zréckgeschéckt huet
1991	René Kartheiser	fir säi Wierk an eiser Sprooch
1992	Néckel Kremer	als Resistenzler an Auteur vu fënnef Bicher an deem Kontext
1993	Paul Leesch	fir seng Sproochinitiativen am Cactus
1994	Jean Hengen	fir eis Sprooch an der Kierch
	Fernand Franck
1995	Ger Schlechter	fir seng intressant Emissioune ronderëm den Alter an eis Sprooch
	Pe'l Schlechter	fir säi Wierk a Lëtzebuerger Sprooch
1996	Pol Greisch	als Auteur vu Bicher an Theaterstécker
1997	Alain Atten	als Spezialist vun eiser Sprooch
1998	Josy Braun	fir säi Wierk a seng Impulser an der Orthographie
1999	Aloyse Raths	fir d'Schreifweis op eng exemplaresch Fassong un d'Schoulmeeschtesch-Studente bruecht ze hunn
2000	Norbert Stomp	fir den Direkter vum Natur musée a seng Mataarbechter
2001	Henri vu Lëtzebuerg	fir den exemplareschen Asaz fir Lëtzebuerg heibannen an dobaussen
	Maria Teresa Mestre
2002	Jeanine Theis-Kauth	fir hiert Wierk als Auteur vu Spréchelcher Geschichten a Gedichter
2004	Fernand Lorang	fir seng Verdéngschter ëm eis Sprooch, apaart am Minett
2005	Germaine Goetzinger	fir den 10. Gebuertsdag vum CNL a fir hiren Asaz
2007	Emil Angel	fir seng Verdéngschter fir eis Sprooch a Bicher an an der Press
2008	Patrice Schonckert	fir d'Opschaffe vun de Lëtzebuerger Flouer- a Stroossennimm
2009	Claude Bache	fir den Evangeliar op Lëtzebuergesch
	Fränz Biver
	Jeannot Gillen
	Carine Hensgen
2010	Pol Pütz	als Literat, Revuë-Schreiwert a Léiermeeschter
2014	Christiane Ehlinger	fir hir Verdéngschter, Lëtzebuergesch als Schreifsprooch ze benotzen a virun allem Kannerbicher op Lëtzebuergesch
2017	Gemeng Walfer	als Initiator vun de Walfer Bicherdeeg wou ons Sprooch eng gutt Plaz huet
2018	Mil Goerens	fir säi Wierk a besonnesch déi dräi Bänn Eiser Soen
2019	Jérôme Lulling	fir säi Wierk an der Sprooch an iwwer d'Sprooch
2021	Wikimedia Lëtzebuerg a.s.b.l.	fir hir sëllegen Artikelen op Wikipedia a Lëtzebuerger Sprooch.

Bronze Plaquette

2023 : Clara MORARU - fir hiren Asaz fir eis Sprooch