Fränk Schleck

Vu Wikipedia
Wiesselen op: Navigatioun, sichen
National Meeschterschaft 2007: De Fränk Schleck uewen um Keeler Poteau
De Fränk Schleck (l.) mat engem jonke Fan

De Fränk Schleck, gebuer de 15. Abrëll 1980 zu Lëtzebuerg ass e lëtzebuergesche Vëlosportler.

Hien ass de Jong vum Johny Schleck, de Brudder vum Andy Schleck an en Enkel vum Auguste Schleck.

De 16. Abrëll 2006 huet de Fränk Schleck als éischte Lëtzebuerger den Amstel Gold Race gewonnen.

Den 18. Juli 2006, 40 Joer nodeem den Edy Schütz d'Alpenetapp Ivrea - Chamonix gewonnen hat, huet de Fränk Schleck d'Kinneksetapp vum Tour vu Gap op L'Alpe d'Huez gewonnen.

Am Tour de Suisse 2007 huet de Fränk Schleck den 19. Juni d'Biergetapp vun Nauders (A) op Triesenberg-Malbun (FL) gewonnen. Eng 7 km virun der Arrivée, an der Montée am Bierg fir op Malbun, hat de Fränk Schleck déi decisif Attack gemaach a konnt sech definitiv vum Spëtzegrupp léisen. Op der Arrivée hat hien e Virsprong vun 32 Sekonnen op den zweetplazéierte Vladimir Efemkin. Nom Marcel Ernzer am Joer 1955, dee sech an der Etapp vu Bad Ragaz op Luzern duerchgesat hat, gëtt domat no 52 Joer erëm eng Etapp vun engem lëtzebuergesche Coureur am Tour de Suisse gewonnen.

2009 huet de Fränk Schleck als éischte Lëtzebuerger nom Lucien Didier am Joer 1983 den Tour de Luxembourg gewonnen.

2010 huet hie fir déi zweet Kéier a senger Carrière eng Etapp an der Tour de Suisse gewonnen, an zwar déi 3. Etapp vu Sierre op Schwarzenburg. Zum Schluss stoung hien dunn och ganz uewen um Podium an huet als éischte Lëtzebuerger den Tour de Suisse gewonnen.

Zanter der Saison 2011 fiert de Fränk Schleck, wéi och säi Brudder Andy, an dem neigegrënnten Team Leopard Trek (Enn 2011 ëmbenannt a RadioShack-Nissan-Trek, 2013 a Radioshack Leopard Trek).

De 14. Juli 2012, no der Etapp vum Tour de France, gouf de Fränk Schleck positiv op Xipamid, en Diuretikum[1], getest. Wéi d'Resultat vum Test matgedeelt gouf, huet RadioShack-Nissan-Trek hien de 17. Juli aus der Course geholl.[2] Och d'B-Prouf war, wéi den 20. Juli 2012 gemellt gouf, positiv.[3] Den 30. Januar 2013 huet d'Agence Luxembourgeoise Anti Dopage (ALAD) de Fränk Schleck fir ee Joer gespaart, an dat réckwierkend vum 14. Juli 2012 un[4].

Kuerz ier d'Spär ofgelaf war, huet Radioshack Leopard Trek matgedeelt, dowéinst de Fränk Schleck aus hirer Equipe z'entloossen.[5]

Palmarès[änneren | Quelltext änneren]

2000[änneren | Quelltext änneren]

2001[änneren | Quelltext änneren]

2002[änneren | Quelltext änneren]

2003[änneren | Quelltext änneren]

2004 (Team C.S.C.)[änneren | Quelltext änneren]

2005 (Team C.S.C.)[änneren | Quelltext änneren]

2006 (Team C.S.C.)[änneren | Quelltext änneren]

2007 (Team C.S.C.)[änneren | Quelltext änneren]

2008 (Team C.S.C.)[änneren | Quelltext änneren]

2009[änneren | Quelltext änneren]

2010[änneren | Quelltext änneren]

2011[änneren | Quelltext änneren]

Virdrun Olympic rings with white rims.svg  Sportler vum Joer  Olympic rings with white rims.svg Duerno
Kim Kirchen 2006 Kim Kirchen


Kuckt och[änneren | Quelltext änneren]

Um Spaweck[änneren | Quelltext änneren]

Commons: Fränk Schleck – Biller, Videoen oder Audiodateien

Referenzen an Notten[änneren | Quelltext änneren]

  1. De Xipamid huet keen Afloss op d'sportlech Leeschtung. E gëtt wéi aner Diuretika benotzt fir Dopingsubstanzen ze maskéieren.
  2. Luxemburger Wort vum 18. Juli 2012, S. 1 a S. 31-32.
  3. Luxemburger Wort vum 21. Juli 2012, S. 43.
  4. Décision du Conseil de Discipline contre le Dopage
  5. "Cyclissem: Fränk Schleck wéinst Faute grave entlooss." RTL.lu - 04.07.2013, 17:49 | Fir d'lescht aktualiséiert: 05.07.2013, 09:45.