Eisebunnsbréck zu Waasserbëlleg

Vu Wikipedia
Op d'Navigatioun wiesselen Op d'Siche wiesselen
Geographesch Koordinaten:
D'Bréck vum rietsen Uwänner gesinn

D'Eisebunnsbréck zu Waasserbëlleg ass eng Bréck iwwer d'Sauer op der Eisebunnsstreck Lëtzebuerg-Tréier. Op der Bréck um Kilometerpunkt 37,442 (L) huet déi lëtzebuergesch Linn Uschloss un déi däitsch Streck 693 fir op Tréier. Déi huet do hire Pk. 19,163.

Den Ënnerhalt deele sech d'CFL an d'DB

D'Bréck vun 1861[änneren | Quelltext änneren]

De Bau vun der éischter Bréck war d'Folleg vun engem Kontrakt den 31. Mee 1859 zu Waasserbëlleg tëscht de Vertrieder vun den zwee Länner als Convention pour la jonction de la ligne de chemin de fer de Luxembourg à Trèves ënnerschriwwe gouf.

D'Bréck hat 4 flaach Béi mat Feldwäite vun 18,33 m. Si stoung op dräi Flosspilieren déi 3 Meter breet waren, a war domat am Ganzen 82,32 Meter laang.

Déi Bréck gouf de 14. September 1944 beim Réckzuch vun der Wehrmacht an d'Luucht gejot.

D'Noutbréck[änneren | Quelltext änneren]

Am Mäerz 1945 huet d'amerikanesch Arméi eng Noutbréck installéiert. Dobäi goufe Bailey-Elementer den héije Wee als Bréckepiliere benotzt. Et goufen zwéi Flosspilieren an zwéi Landpilieren opgeriicht an driwwer goufen Grey-Trägere geluecht.

Déi haiteg Bréck[änneren | Quelltext änneren]

Mat dem Bau vun der haiteger Bréck gouf 1948 ugefaangen. Déi gouf mat zwéi Béi gebaut, soudatt ee Piliersfëllement konnt bäibehale ginn. Fir datt den Eisebunnsbetrib konnt weiderlafen, gouf se an zwou Hallschenten der Längt no opgeriicht. Den Deel dee flossopwäerts steet gouf fir d'éischt gebaut, an de Verkéier ass do dolaanscht iwwer d'Noutbréck wiedergelaf. Den 22. November 1949 gouf déi éischt Hallschent a Betrib geholl an duerno d'Noutbréck ofgerappt. Nodeem den zweeten Deel fäerdeg war, gouf dat zweet Gleis den 3. Dezember 1950 a Betrib geholl.

Um Spaweck[änneren | Quelltext änneren]

Commons: Eisebunnsbréck zu Waasserbëlleg – Biller, Videoen oder Audiodateien