Luxair

Vu Wikipedia
Wiesselen op: Navigatioun, sichen
LUXAIR
Luxair Logo.png
Grënnung: 1948
IATA-Code: LG
ICAO-Code LGL
Ruffzeechen: Luxair
Sëtz: Lëtzebuerg
Status: Société Anonyme
Flott: 19
(Dovun 1 am Leasing)
E Motor vun enger B 737-7
Luxair Embraer ERJ-145 genannt Eurojet
Boeing 737-7C9, Luxair AN0748529.jpg
Luxair Boeing 737-700

D'Luxair, Société luxembourgeoise de navigation aérienne S.A., ass eng lëtzebuergesch Fluchgesellschaft. Hir Heemechtsbasis ass de Fluchhafe Lëtzebuerg.

Am Joer 2014, huet d'Luxair am Ganzen 1.678.608 Passagéier transportéiert. Déi duerchschnëttlech Auslaaschtungsquot vun all de Flich, louch datselwecht Joer bei 74,5%. D'Flott war an deem Zäitraum am Ganze 45.000 Stonne geflunn. Fir d'Luxair-Grupp hunn dat Joer ronn 2.300 Leit geschafft.

Zanter 2009 ass d'Luxair Partner bei der Lufthansa hirem Miles & More-Programm.

Geschicht[änneren | Quelltext änneren]

Den 9. Januar 1948 gouf d'Luxembourg Airlines Company gegrënnt an den 2. Februar 1948 ass hiren éischte Fliger, eng Douglas DC 3 op de Fluchhafe Le Bourget op Paräis geflunn. D'Gesellschaft ass den 21. Oktober 1961 a Luxair - Société Luxembourgeoise de Navigation Aérienne ëmbenannt ginn. 1962 huet d'Gesellschaft mat Fluch-Operatiounen ugefaangen. Déi éischt Linn war Lëtzebuerg - Paräis a gouf mat enger Fokker F-27 Friendship geflunn.

1967 hunn der Gesellschaft schonn 3 Fokker F-27 Friendship an eng Vickers Viscount gehéiert. Mat der Zäit goufen déi Fligeren awer duerch Type vu Boeing an Embraer ersat.

1970 ass d'Luxair eng vun deene Gesellschaften, déi d'Cargolux grënnen.

Accidenter[änneren | Quelltext änneren]

  • Den 22. Dezember 1969 ass de Vol vu Frankfurt am Main bei der Landung um Findel vun der glëttscheger Pist ofkomm a schliisslech an enger Schnéiwick mat gebrachenem viischten Train un d'Hale komm. Glécklecherweis sinn d'Passagéier an d'Crew mam Schreck dovukomm, mä de Fliger, eng Vickers Viscount, LX-LGC, hat nëmmen nach Schrottwäert.[1]
  • De 6. November 2002 um 10:05 koum et zu engem schlëmmen Accident. Eng Fokker 50, LX-LGB, déi vu Berlin koum, ass an engem Feld bei Nidderaanwen erofgefall. Bei deem Ongléck sinn 20 Mënschen ëmkomm; nëmmen e franséische Passagéier an de Fluchkapitän hunn iwwerlieft.

  Méi Informatioun doriwwer am Artikel: Luxair Fluch 9642 Nuvola apps xmag.png

  Méi Informatioun doriwwer am Artikel: Luxair Fluch 8852 Nuvola apps xmag.png

Wiem d'Luxair gehéiert (2015)[änneren | Quelltext änneren]

Luxair a Cargolux (2015)[änneren | Quelltext änneren]

Der Luxair gehéieren 35,10 % vun der Cargolux.

D'Luxair an hir Fligeren[änneren | Quelltext änneren]

Registréiert Fligeren am Mee 2015
Immatrikulatioun Fliger Modell Plazen Immatrikulatioun Fliger Modell Plazen
LX-LGE Bombardier Q400 DHC-8-Q402 76 LX-LGF Bombardier Q400 DHC-8-Q402NextGen 76
LX-LGG Bombardier Q400 DHC-8-Q402NextGen 76 LX-LGH Bombardier Q400 DHC-8-Q402NextGen 76
LX-LGI Embraer ERJ-145 ERJ-145-LU 49 LX-LGJ Embraer ERJ-145 ERJ-145-LU 49
LX-LGM Bombardier Q400 DHC-8-Q402NextGen 76 LX-LGN Bombardier Q400 DHC-8-Q402NextGen 76
LX-LGQ Boeing 737-700 B737-7C9 WIN 141 LX-LGS Boeing 737-700 B737-7C9 WIN 141
LX-LGU Boeing 737-800 B737-8C9 WIN 186 LX-LGV Boeing 737-800 B737-8C9 WIN 186
LX-LGW Embraer ERJ-145 ERJ-145-LU 49 LX-LGX Embraer ERJ-145 ERJ-145-LU 49
LX-LGY Embraer ERJ-145 ERJ-145-LU 49 LX-LGZ Embraer ERJ-145 ERJ-145-LU 49
LX-LQA Bombardier Q400 DHC-8-Q402NextGen 76 LX-LBA Boeing 737-800 B737-8C9 WIN 186

D'Flott vun der Luxair 2015[änneren | Quelltext änneren]

Fliger Typ Stéckzuel Bestallt Optiounen Plazen Vitesse Ø Autonomie (km) Motoren Bemierkungen
EMBRAER ERJ145 Amazon-Jet
Luxair Embraer ERJ145; LX-LGW@GVA;30.06.2012 658au (7488351642).jpg
6 - - 49 833 km/h 2522 Rolls-Royce Allison 3007A1/3 Gi bis Enn 2016 all verkaaft an duerch nei Bombardier Q400NG mat 76 Plazen ersat.
BOMBARDIER Q400 *NextGen
De Havilland Canada DHC-8-402Q Dash 8, Luxair AN1231258.jpg
7 3 2 76 667 km/h 1750 Pratt & Whitney Canada PW-150A Turboprop Nei Ausliwwerungen tëscht Abrëll a September 2016 virgesinn.
BOEING 737-700 Winglets
Boeing 737-7C9 Luxair LX-LGQ, LUX Luxembourg (Findel), Luxembourg PP1350972842.jpg
2 - - 141 853 km/h 4600 CFM-International 56-7B Stinn souwuel am Déngscht vun der Luxair Luxembourg Airlines, wéi och vu Luxair Tours.
BOEING 737-800 Split Scimitar Winglets
Boeing 737-8K5, Luxair AN2110162.jpg
3 (+1) - 1 186 / 189 853 km/h 4050 / 4190 CFM-International 56–7B Eng zousätzlech véiert Machinn mat 189 Plazen, gëtt während der Haaptsaison 2015 vun XL Airways Frankräich u Luxair Tours verlount.
Total: 19 3 3 / / / / * = d'Informatioun gëllt net fir all Fliger vun engem Typ

Faarf vun de Luxair-Fligeren[änneren | Quelltext änneren]

Luxair Boeing 707-344

Vun Ufank un haten d'Fligeren eng turquoise Faarf.
Deen éischte Bombardier Q400 vun der Luxair, deen den 31. Mee 2007 fir d'éischt um Fluchhafe Lëtzebuerg gelant ass, ass an de rout-wäiss-bloe Faarwen.

Fréier Fligeren an am Leasing[änneren | Quelltext änneren]

  • Vickers Viscount
  • Fokker F-27 Friendship
  • Fairchild Metro III
  • Embraer 120RT Brasilia
  • Boeing 707-344B/C
  • Airbus A300B4-203
  • Boeing 747 SP-44
  • Am Fréijoer 1999 gouf mat Newark am New Jersey, eng nei Transatlantikstreck mat 4 Flich pro Woch an d'Streckenetz vun der nationaler Fluchgellschaft opgeholl. Déi Decisioun koum zu stanen, nodeems d'Icelandair hire Réckzuch vum Findel ugekënnegt hat. Der Luxair hiren éischten Transatlantikfluchbetrib an Eegeregie, ass mat enger geleaster Boeing 767-300ER (OO-CTR) vun der belscher Chartergesellschaaft CityBird bedriwwe ginn. No 31 Woche war de Leasingskontrakt ofgelaf, an d'Fluchstreck tëscht Lëtzebuerg an New York ass mat engem Netto-Verloscht vu ronn 10,5 Mio Euro definitiv zougemaach ginn.
  • Den 12. Mäerz 2005 huet d'Luxair hir lescht Fokker 50 un d'Amapola Flyg (APF/Stockholm Arlanda) verkaaft. Déi Gesellschaft hat schonn zwou Fokker 50 vun der Luxair kritt.
  • Den zweete B737-500 (LX-LGN) deen d'Luxair zu Lëtzebuerg immatrikuléiert hat, ass am Abrëll 2005 un déi tschechesch CSA Czech Airlines op Prag verkaaft ginn. D'CSA huet en dunn am Juni 2008 un déi russesch Aeroflot-Nord, déi neierdéngs Nordavia heescht an hire Sëtz zu Archangelsk huet, weiderverkaaft. Bei der CSA war hien den OK-WGD, a Russland flitt hie mat der Nummer VP-BKP [2][3].
  • Den drëtte B737-500 (LX-LGO) Château de Clervaux, huet d'Luxair am Dezember 2006 un déi jordanesch Charterfluchgesellschaft Jordan Aviation verkaaft, déi en dann awer schonn am Mäerz 2007 un d'Alexandria Airlines op Alexandria an Egypten weidergereecht huet. Sou ass seng Immatrikulatioun fir d'éischt JY-JA1 an duerno SU-KHM ginn[4].
  • De véierte B737-500 (LX-LGP) Château de Bourglinster gouf den 23. August 2010 op MST (Maastricht) geflunn, wou hien d'Lackéierung vu sengem neie Besëtzer, der Georgian International Airlines aus Georgien, krut an als 4L-AJA nei immatrikuléiert ginn ass.[5]
  • Déi siwent an aacht ERJ-145 mat den Immatrikulatiounen LX-LGV [6] an LX-LGU [7] goufen am Mäerz/Oktober 2007 ofgestouss a fléien elo bei Champion Air fir d'US Motorsportecurie Dale Earnhardt ënner der Nummer N138DE [6] respektiv N500DE [7].
  • Déi zweet vun am Ganzen dräi Boeing 737-700 LX-LGR gouf 2014 am Alter vun 10 Joer verkaaft.
  • Der Luxair gehéieren dräi Boeing 737-800 d'LX-LGU, d'LX-LGV an LX-LBA . Déi véiert Boeing 737-800 d'F-HJUL gehéiert der XL Airways Frankräich an ass nëmmen an der Summerzäit fir Luxair Tours am Asaz.

Biller[änneren | Quelltext änneren]

Um Spaweck[änneren | Quelltext änneren]

Commons: Luxair – Biller, Videoen oder Audiodateien

Referenzen[änneren | Quelltext änneren]