Vëlospist PC8
|
Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
_2022-12.jpg) | |
| offiziellen Numm | Itinéraire cyclable de la terre rouge |
|---|---|
| Lëtzebuerger Numm | Pist vum Roude Buedem |
| vu(n) | Bieles |
| op | Téiteng |
| Längt | 21,97 km |
| déifste Punkt | Keel |
| héchste Punkt | Keel |
| Land | Lëtzebuerg |
D'Vëlospist PC8, och nach Pist vum Roude Buedem, offiziell Itinéraire cyclable de la terre rouge, ass eng vun den 41 Vëlosstrecke vum nationale Reseau zu Lëtzebuerg[1].
Streck[änneren | Quelltext änneren]
Wa se bis fäerdeg ass, féiert se laanscht oder duerch follgend Uertschaften: Péiteng, Rolleng, Déifferdeng, Nidderkuer, Bieles, Esch-Uelzecht, Rëmeleng, Téiteng, Biereng a Beetebuerg.
Aktuell Situatioun[änneren | Quelltext änneren]
D'PC8 ass 21,97 km laang. Den déifste Punkt (280,36 m) ass zu Keel (Kneipe-Gäertchen) an den héchsten (423,54 m) ass och zu Keel (Holzebierg)[2].
Am Januar 2023 gouf d'Deelstéck vun Déifferdeng op Nidderkuer vum Transportminister François Bausch an der Déifferdenger Buergermeeschtesch Christiane Brassel-Rausch ageweit. Op enger Längt vun 1,9 Kilometer féiert et vun Park vun der Kuer zu Défferdeng laanscht d'International Schoul vun Déifferdeng, iwwer d'Kräizung Boulevard Emile Krieps/rue Emile Mark, an da laanscht d'Eisebunnsstreck Esch-Uelzecht-Péiteng bis an den Zentrum vun Nidderkuer. Dofir gouf och eng nei Passerelle vun 29x3 Meter iwwer d'Eisebunn gebaut.[3]
Et geet da virun, gréisstendeels laanscht d'Eisebunnslinn Esch-Péiteng, bis bei d'Märei vu Suessem, zu Bieles. Do spléckt sech d'Pist 8: Een Deel geet südlech vun der Eisebunn, zum Deel iwwer den ale Grenzwee, dann duerch d'Belvaller Strooss bis op Esch, deen aneren féiert duerch de Quartier Belval-Nord, wou et iwwer d'Waassertrap bis op de Belval geet. Vun do aus geet et, gréisstendeels iwwer den Terrain vum Stolwierk vun ArcelorMittal Belval, iwwer den 1200 Meter laange Vëlodukt, deen am Dezember 2022 ageweit gouf.
Vun Esch aus geet et no Süden duerch de Quartier Grenz, d'Hiel op an da vun do aus duerch de Bësch laanscht d'Waldschoul an déi fréier Tagebauexploitatiounen iwwer Rëmeleng bis op Téiteng.
Uschlëss un aner Pisten[änneren | Quelltext änneren]
D'Pist vum Roude Buedem huet ënnerwee Uschlëss un aner Pisten:
Bemierkungen[änneren | Quelltext änneren]
Biller[änneren | Quelltext änneren]
Um Spaweck[änneren | Quelltext änneren]
| Commons: Vëlospist PC8 – Biller, Videoen oder Audiodateien |
- D'PC8 op der Websäit vun de Ponts et chaussées
- Esch-Alzette – Belval: premier coup de pelle effectué! mat enger Simulatioun vum Tracé tëscht Esch a Belval, op der Internetsäit vun der Regierung
- Iwwersiichtkaart mat de Vëlospisten op der Websäit vu ProVelo
Referenzen an Notten[Quelltext änneren]
- ↑ Loi du 28 avril 2015 relative au réseau cyclable national et aux raccordements de ce réseau vers les réseaux cyclables communaux op legilux.lu, gekuckt den 1. Juni 2019
- ↑ Et gëtt Differenzen tëscht den Donnéeën op der Websäit vu Ponts et chaussées an deenen op Geoportail.lu. Déi lescht ernimmt sinn déi, déi hei ugi sinn
- ↑ "Nouveau tronçon Differdange - Niederkorn de la PC8 inauguré." Communiqué op travaux.public.lu, 31/01/2023.