Gemeng Ierpeldeng op der Sauer

Vu Wikipedia
Wiesselen op: Navigatioun, sichen
Ierpeldeng op der Sauer
Coat of arms erpeldange luxbrg.png
Erpeldange4.JPG
d'Ierpeldenger Schlass, Sëtz vun der Gemengeverwaltung
An anere Sproochen fr: Erpeldange-sur-Sûre
de: Erpeldingen
Land Lëtzebuerg
Kanton Dikrech
Buergermeeschter Claude Gleis (DP)
Awunner 2.392 (1.1.2017)
Fläch 2.841 ha
Koordinaten 49° 51’ 46’’ N
     06° 06’ 46’’ O
Websäit http://www.erpeldange.lu/
Map Erpeldange.PNG
D'Gemeng Ierpeldeng (orange)
am Kanton Dikrech (rout)
Vue op Ierpeldeng

D'Gemeng Ierpeldeng op der Sauer ass eng vun den 105 lëtzebuergesche Gemengen. Ierpeldeng ass mat Bettenduerf, Dikrech, Ettelbréck a Schieren de Kär vun der Nordstad.


Uertschaften an der Gemeng[änneren | Quelltext änneren]

Geographie[änneren | Quelltext änneren]

D'Gemeng Ierpeldeng läit zum groussen Deel am Sauerdall am Zentrum vun der Nordstad, net wäit vun Ettelbréck an Dikrech, op enger Héicht vun zirka 190 bis 450 m iwwer NN: (Bierden 400 m, Ierpeldeng 202 m, Angelduerf 195 m).

Nopeschgemenge sinn d'Gemenge Buerschent an Tandel am Norden, Dikrech am Osten, Schieren an Ärenzdall am Süden an Ettelbréck am Westen.

D'Sauer leeft vun Norden no Süden an dann am südlechen Deel vun der Gemeng no Oste weider.

Verkéiersubannung[änneren | Quelltext änneren]

Wichtegst Stroosseverbindunge sinn d'B7, d'N7, d'N27 an d'N27A. Ausserdeem lafen nach d'Chemin reprisen 348, 348A, 351 an 359 duerch d'Gemeng.

D'Eisebunnsstreck Ettelbréck-Dikrech duerchleeft d'Gemeng am südlechen Deel, wou se parallel zur Sauer, zur N7 an zur Uertschaft Angelduerf geet.

Geologie[änneren | Quelltext änneren]

Geologesch läit d'Uertschaft op der Linn, déi d'Devon-Schichte vun den Ardennen am Norden (Éislek) vun den Trias-Schichten am Süden (Guttland) trennt. Domat gëtt et an der Gemeng Ierpeldeng déi Besonnechkeet, dat eng Sektioun (Bierden) komplett am Éislek, eng genee op der Grenz (Ierpeldeng) an eng Sektioun ganz am Guttland läit (Angelduerf).

Geschicht[änneren | Quelltext änneren]

No der franséischer Revolutioun, wéi Lëtzebuerg Deel vum Département des Forêts gouf, koum eng nei Zivil-Organisatioun. Ënner anerem goufe 1795 d'Gemengen (Communes) agefouert, déi den ale Feudalsystem ersat hunn. Ierpeldeng gouf eng Sektioun vun der Gemeng Dikrech. 1823 koum eng Revisioun vun de Gemengen, wou dunn Ierpeldeng, zesumme mat Angelduerf, an d'Gemeng Ettelbréck agegliddert gouf.

Duerch e Gesetz vum 22. Januar 1850, an op Wonsch vun der Populatioun, ass Ierpeldeng eng eegestänneg Gemeng gi mat zwou Sektiounen: Ierpeldeng an Angelduerf. Bierden koum den 1. Januar 1907 als drëtt Sektioun dobäi (virdru war et Gemeng Ettelbréck).

Duerch d'Gesetz vum 19. Dezember 2014 gouf aus der Gemeng Ierpeldeng d'Gemeng Ierpeldeng op der Sauer.

Entwécklung vun der Awunnerzuel[änneren | Quelltext änneren]

Quell:STATEC

Kuckeswäertes[änneren | Quelltext änneren]

Literatur[änneren | Quelltext änneren]

  • Michel Wilhelm, 2002, 150 ans de la commune d'Erpeldange, Administration Communale Erpeldange, Impr. du Nord, 60 S.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Ierpeldeng – Biller, Videoen oder Audiodateien

Referenzen[Quelltext änneren]