Gemeng Wuermer
Wuermeldeng | |
---|---|
Wuermeldenger Gemengenhaus (2014) | |
Aussprooch |
|
An anere Sproochen |
fr: Wormeldange de: Wormeldingen |
Land | Lëtzebuerg |
Kanton | Gréiwemaacher |
Buergermeeschter | Max Hengel (CSV) |
Awunner | 3.200 |
1. Januar 2024 | |
Fläch | 1.725 ha |
Héicht | 140 m |
Koordinaten |
49° 36’ 43’’ N 06° 24’ 22’’ O |
LAU-Code | LU1108 |
Websäit | https://wormeldange.lu/ |
D'Gemeng Wuermeldeng (orange) am Kanton Gréiwemaacher (rout) | |
D'Gemeng Wuermeldeng, op Miseler Wormer, d'"Rieslingsgemeen", ass eng vun den 100 Gemengen am Groussherzogtum Lëtzebuerg. Haaptuertschaft ass Wuermeldeng.
Uertschaften an der Gemeng
Häff a Lieu-diten
Geographie
D'Gemeng Wuermeldeng läit op der Musel am Oste vu Lëtzebuerg op enger Héicht tëscht zirka 140 an 340 m iwwer NN. Mat zirka 11 Kilometer Uferlängt vun der Hëttermillen bis op d'Deisermillen an 369 ha Wéngerten huet Wuermeldeng déi gréisst Wäibaufläch am Land.
Nopeschgemenge si Gréiwemaacher am Norden, Fluessweiler a Lenneng am Westen a Stadbriedemes am Süden.
Zu Éinen lafen d'Gouschtengerbaach an d'Lennengerbaach zesummen an dann an d'Musel. Zu Wuermeldeng leeft d'Albaach an zu Ohn leeft d'Donwerbaach an d'Musel.
Geschicht
Entwécklung vun der Awunnerzuel
Quell:STATEC
Politik
Buergermeeschteren[1]
Fréier Gemeng Meechtem
- bis Mee 1820: Dominique Weydert
- Mee 1820 - Sept. 1823: Pierre Apel
De Pierre Apel ass am Oktober 1823, wéi Meechtem eng Sektioun vun der Gemeng Wuermer gouf, den zweete Schäffe ginn
Gemeng Wuermeldeng
- ....
- bis 1823: Joseph Heynen, Éinen
- bis 1823: Michel Eischen (maire-adjoint)
- Okt. 1823 - Okt. 1830: Nicolas Wellenstein, Éinen
- 1830 - 1836: Theodor Eichhorn, Wuermeldeng
- 1836 - 1839: Jean-Baptiste Klein, Wuermeldeng
- Aug. 1839 - Abr. 1842: Nicolas Wellenstein, Éinen
- 1842 - 1848: Jean-Baptiste Klein, Wuermeldeng
- 1848 - 1854: Jean Wurth, Wuermeldeng
- 1854 - Jan. 1855: Mathias Wawer, Éinen
- Mäerz 1855 - Dez. 1861: Egidius Gindt, Wuermeldeng
- Jan. 1862 - Dez. 1863: Michel Fohl, Éinen
- Mäerz 1864 - 1866: Nicolas Toussaint, Meechtem
- 1867: Albert Wawer, Éinen
- 1867 - 1878: Nicolas Toussaint, Meechtem
- 1878 - 1879: Heinrich Ley, On
- 1879 - 1884: Gustav Eichhorn, Wuermeldeng
- Feb. 1885 - Jan. 1898: Pierre Pundel, Uewerwuermer
- Juni 1898 - Feb. 1906: Nicolas Pundel, Wuermeldeng
- 1906: Pierre Kass, Éinen
- Okt. 1906 - Juli 1911: Dr. Leo Pundel, Wuermeldeng
- Jan. 1912 - Dez. 1917: Johann Becker, Éinen
- Jan. 1918 - Dez. 1920: Dr. Franz Wurth, Wuermeldeng
- 1921: Nicolas Steichen, Meechtem
- Jan. 1921 - 1933: Pierre May, Éinen
- 1934: Mathias Weyrich, Uewerwuermer
- 1935 - 1941: Pierre Berna, Ohn
- 1946 - 1963: Mathias Weyrich, Uewerwuermer
- 1964 - 1974: Aly Duhr, Ohn
- 1974 - 1993: Joseph Pundel, Wuermeldeng
- 1994 - 1999: Carlo Wagner, Wuermeldeng
- 1999: Jeannot Frantz, Wuermeldeng
- 2000 - 2008: Ernest Demuth
- 2008 - 2017: Jean Beining
- zanter 2017: Max Hengel
Verkéiersubannung
Wichtegst Stroosseverbindung ass d'N10, déi och als Wäistrooss bekannt ass. Se leeft parallel laanscht d'Musel duerch déi ganz Gemeng. Ausserdeem lafen nach d'Chemin reprisen 122, 122A, 122B, 122C, 134, 142, 143, 144, 146 an 146A duerch d'Gemeng.
D'Wuermeldenger Bréck ass eng vun de fënnef Brécken iwwer de lëtzebuergeschen Deel vun der Musel, déi d'Gemeng mat der däitscher Uertschaft Wëncher (Wincheringen) verbënnt.
Schoulen
D'Gemeng Wuermeldeng bedreift zesumme mat der Gemeng Fluessweiler eng Regionalschoul mat Sportzentrum zu Dräibuer. Eng Annexe vun der Schoul ass zu Nidderdonwen.
Jumelagen
Wuermeldeng ass jumeléiert mat der portugisescher Gemeng Mortágua.
Bekannt Awunner vun der Gemeng
- Nicolas-Édouard Becker (1842-1920), Auteur
- Jos Bellion (1913-2009), Kanut an Olympionik
- Nicolas Entringer (1885-1969), Komponist
- Michel Fohl (1813), Politiker
- Michel Fohl (1851), Affekot a Politiker
- Camille Frieden, Architekt, Moler an Auteur
- Nikolaus Hein (1889-1969), Professer an Auteur
- Jean Linden (Dechen) (1804-1872), Geeschtlechen an Auteur
- Johann Linden (1838-1901), Schoulmeeschter an Archeolog
- Jean Mich (1871-1932), Sculpteur an Zeechner
- Willy Prinz (1877-1942), Boxer
- Fernand Schons (1933-1989), Wënzer a Moler
- Alphonse Steinès (1873-1960), Sportsjournalist
- Carlo Wagner (*1953), Politiker
- Jean-Mathias Wellenstein (1795-1870), Riichter a Politiker
- Nicolas Wellenstein (1783-1858), Politiker
- Ernest Wurth (1901-1978), Jurist a Moler
Interkommunal Syndikater
D'Gemeng Wuermeldeng ass Member vu follgenden interkommunale Syndikater:
Kuckt och
- Kierch Wuermeldeng
- Lëscht vun den nationale Monumenter an der Gemeng Wuermer
- Naturschutzgebitt Kelsbaach
- Rieflaus
- Lëscht vun den Uertschafte bei der Musel
- Lëscht vun de Lëtzebuerger Gemengen
- Lëscht vun de Lëtzebuerger Uertschaften
- Lëtzebuerger Kantonen
- Entwécklung vun der Gemengenzuel zu Lëtzebuerg
- Lëscht vun de Lëtzebuerger Stied
Um Spaweck
Commons: Wuermeldeng – Biller, Videoen oder Audiodateien |
- Offiziell Websäit vun der Gemeng Wuermeldeng
- D'Gemeng Wuermeldeng op der Websäit vum Syvicol
- Websäit vum Schoulsyndikat Billek
- Websäit vum FC Koeppchen Wormeldange
Referenzen
- ↑ Quell: Geschichtsfrënn vun der Gemeng Wuermer.