Square Jan-Palach

Square Jan-Palach

Situatioun
Land	Lëtzebuerg
Gemeng	Lëtzebuerg
Quartier(en)	Uewerstad
Koordinaten	49°36'40,6260"N, 6°7'42,9550"O
Geschicht
Genannt no	Jan Palach

De Square Jan Palach ass eng Plaz an der Uewerstad vun der Stad Lëtzebuerg. Se läit am nordwestlechen Eck vun der Plëss d'Arem, tëscht dem Hotel de Gerden an der Rue de la Poste.

Geschicht

D'Plaz ass nom Jan Palach benannt, engem tschechoslowakesche Student, dee sech de 16. Januar 1969 zu Prag aus Protest géint d'Nidderschloe vum Prager Fréijoer a géint d'Diktat vun der Sowjetunioun selwer verbrannt huet.

Op Initiativ vum Lëtzebuerger Solidaritéitskommitee mam tschechesche Vollek huet d'Plaz den 20. August 1969 hiren Odonym kritt; deemools ass och eng Gedenkplack fir Märtyrer ubruecht ginn an. Obwuel dat keng offiziell Decisioun vum Gemengerot war, heescht d'Plaz bis haut nach sou.

Op der Plaz steet d'Dicks-Lentz-Monument, dat 1903 ageweit gouf.

D'Plaz ass fir d'éischt 1985 - zesumme mam Reamenagement vun der Plëss d'Arem - an duerno 2015/2016 nei amenagéiert ginn.

Biller

• 
  D'Plaz no der Renovéierung vun 2015/16
• 
• 
  D'Dicks-Lentz Monument um Square Jan Palach

Um Spaweck

Commons: Square Jan-Palach – Biller, Videoen oder Audiodateien

• Lecorsais, D., 2015. Square Jan Palach - Platz am Rande der „Plëss“ wird umgestaltet op wort.lu den 10.7.2015, fir d'lescht gekuckt den 29. Juni 2016