Biergerpartei Lëtzebuerg

Dëse Politiksartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Dësen Artikel beschäftegt sech mat der Biergerpartei Lëtzebuerg. Fir eng fréier Partei mat engem änlechen Numm, kuckt wgl. Lëtzebuerger Bierger Partei.

Biergerpartei Lëtzebuerg
Nationalpresident	Steve Schmitz
Vizepresident	Johny Dinckelspiel
Generalsekretär	Camille Wagener
Generalkeessjee	Marcel Bernardy
Gegrënnt	15. Abrëll 2024
Parteizentral	28 op der Thomm L-9912 Ëlwen
Jugendorganisatioun	Jonk Biergerpartei
Ideologie	Sozial Gerechtegkeet, Ekonomesch Verantwortung, National Identitéit
Politesch Positioun	Mëtt bis Mëtt-riets
Faarf	Giel
Chamber	0/60 Sëtz
Europaparlament	0/6 Sëtz
Websäit	https://www.biergerpartei.com/

D'Biergerpartei Lëtzebuerg ass eng lëtzebuergesch politesch Partei, déi gegrënnt gouf, fir sech fir eng gerecht a sozial Zukunft, eng Moderniséierung vum Transport, an eng effizient Gesondheetspolitik anzesetzen.

D’Partei ass op enger biergerlecher a patriotescher Basis opgebaut an engagéiert sech dofir, datt d'Interesse vun den Awunner vu Lëtzebuerg an engem demokratesche Kader vertruede ginn.

Geschicht

D'Partei gouf de 15. Abrëll 2024 vum Steve Schmitz, engem fréiere Member vun der ADR an der Liberté - Fräiheet gegrënnt, dee President vun der Biergerpartei ass. Matgrënner waren de Camille Wagener (Generalsekretär) an de Marcel Bernardy (Generalkeesjee). D'Partei gouf aus der Initiativ gegrënnt, fir eng nei, nohalteg politesch Stëmm an der nationaler Politik opzebauen.

Struktur an Organisatioun

D’Partei besteet aus engem zentralen Nationalkomitee, enger Jugendorganisatioun (Jonk Biergerpartei), an engagéierte Memberen aus alle Beräicher vum Land wéi z. B. den Nord- an de Südkommitee. Anerer, am Osten an Zentrum, sinn nach am Opbau.

Um Spaweck

• Internetoptrëtt vun der Biergerpartei