Hana Sofia Lopes

Hana Sofia Lopes
D’Hana Sofia Lopes zu Lissabon am Joer 2020.
Gebuer	5. Mäerz 1990 Lëtzebuerg
Nationalitéit	Lëtzebuerg, Portugal
Educatioun	Conservatoire national supérieur d'art dramatique, Escola Superior de Teatro e Cinema, Athénée de Luxembourg
Aktivitéit	Filmschauspillerin

D'Hana Sofia Lopes, gebuer de 5. Mäerz 1990 an der Stad Lëtzebuerg, ass eng lëtzebuergesch-portugisesch Schauspillerin.

Karriär

No hirer Première am Stater Kolléisch huet d'Hana Sofia Lopes Schauspillerei op der Theaterschoul vu Lissabon an zu Paräis am Conservatoire national supérieur d'art dramatique studéiert. Am Kader vum Erasmus-Programm huet si 2013 zwee Semesteren zu Madrid op der Real Escuela Superior de Arte Dramatico studéiert.

No hirem Ofschloss op der Theaterschoul vu Lissabon ass si a Film-, Televisiouns- an Theaterproduktiounen zu Lëtzebuerg an och international a Portugal, Frankräich, Däitschland oder Spuenien ze gesinn. Si huet zanter 2014 an enger Dosen Televisiounsserië matgespillt. Ënner anerem wéinst hirer Roll an der portugisescher Telenovela Coração d'Ouro (2015-2016), déi all Owend vun 1,8 Milliounen Zuschauer a Portugal gekuckt gouf, ass si a Portugal bekannt ginn.

Am Film Toy Gun, dee vum Marco Serafini realiséiert gouf, huet si un der Säit vum John Hannah, Julian Sands a Luke Allen-Gale déi weiblech Haaptroll gespillt.

Am Joer 2020 gouf d'Hana Sofia vum franséische Regisseur Michel Didym erausgesicht fir a senger Inzenéierung vun Habiter le temps, vum schweedeschen Dramaturg Rasmus Lindberg, nieft der Irène Jacob, dem Jérôme Kircher an dem Eric Berger matzespillen. D'Première vum Stéck war de 15. Dezember 2020 am Centre Dramatique National, Théâtre de la Manufacture de Nancy. Dono koum eng zwee Joer laang Tournée duerch Frankräich, d'Schwäiz, Lëtzebuerg an d'Belsch. Zu Lëtzebuerg gouf d'Stéck de 14. a 15. Februar 2021 am Studio vum Groussen Theater presentéiert.

Mam Long-métrage, Kanaval, vum kanadesch-haitianesche Regisseur Henri Pardo confirméiert hiren Opstig op der internationaler Zeen. De Film gouf am September 2023 um Toronto International Film Festival ausgewielt an huet do den Amplified Voices Award gewonnen, zesumme mat enger Éierenerkennung als beschte kanadesche Film. Ausserdeem krut de Film véier Nominéierunge bei de Canadian Screen Awards.

Am Oktober 2024 war d'Hana Sofia Lopes Member vun der internationaler Jury vum CinEast Filmfestival.

Eischt Haaptroll am däitsche Fernseh

Am Joer 2024 huet d'Hana Sofía en neie Schrëtt an hirer Karriär gemaach, wéi si vum ZDF un der Säit vum Hans Sigl fir d'Haaptroll vun der Sofia Moreno am Thriller Flucht aus Lissabon ausgewielt gouf. Den Film gouf de 17. Mäerz 2025 fir d'éischt um ZDF ausgestraalt.

Mat bal 6 Millioune Zuschauer an engem Maartundeel vun ongeféier 23% war de Film en groussen Erfolleg am däitsche Fernseh.

Tittelbach.tv, eng renomméierte Plattform fir Televisiouns- a Filmkritik an Däitschland, huet d’Hana Sofia Lopes als „eng richteg Entdeckung fir dei däitsch Televisioun“ gefeiert. D’Süddeutsche Zeitung huet him en Interview ënnert dem Titel „Auf die europäische Identität!“ gewidmet, deen hir kulturell Déift an Villfallt unerkennt.

D'Hana Sofia Lopes schwätzt fléissend Franséisch, Däitsch, Portugisesch, Lëtzebuergesch, Englesch, Spuenesch an Italieenesch.

Filmographie

• 2010: My Eyes have Seen You (Kuerzfilm) vum Miguel Leao: Greta
• 2012: D'Simpsons (lëtzebuergesch Versioun): Lindsey Naegle (Stëmm. 1 Episod)
• 2012: Weemseesdet (TV): Carla (5 Episoden)
• 2012-2013: Comeback (TV): Samantha (12 Episoden)
• 2013-2014: Os Filhos do Rock (TV): Carla (2 Épisodes)
• 2013: Someday (Kuerzfilm) vum Vito Labalestra: Alicia
• 2014: Amour fou vum Jessica Hausner: la sœur aînée
• 2015: Ouni Mooss (Kuerzfilm) vum Adolf El Assal: Alice
• 2015: Mar Salgado (TV): Camila Real (17 Episoden)
• 2015-2016: Coração d'Ouro (TV): Adriana Noronha (300 Episoden)
• 2016: Les Survivants vum Luc Jabon: Lena
• 2016: Kropemann vum Patrick Ernzer
• 2017: Bad Banks (TV): Lola (1 Episod)
• 2017: Ministério do tempo (TV): Isabel vu Portugal (1 Episod)
• 2018: Zëmmer ze verlounen (TV): Sophie Welter (12 Episoden)
• 2019: Toy Gun vum Marco Serafini: Giulia Redondini
• 2019: Sexual Healing vum Julien Temple: Ivy Keaton
• 2019: Escapada vum Sarah Hirtt: Lola
• 2019: Gute Zeiten, Schlechte Zeiten (TV): Amalia Alvarez (3 Episoden)
• 2020: Dreamland vum Bruce McDonald: Colero
• 2022: L'arrivée de la jeunesse vum Marcello Merletto a Fabio Bottani: Nilde
• 2022: Capitani 2 (TV) vum Christophe Wagner: Maria
• 2022: Melusina vum Whitney Fortmüller: Melusina
• 2023: E.A.F. vum Lucie Wahl: Mic
• 2023: Personality vum Lukas Grevis
• 2023: La bête qui sommeille en nous vum Jonathan Becker: Violette
• 2024: Kanaval vum Henri Pardo: Justine
• 2025: T.B.A.: Disney+
• 2025: Flucht aus Lissabon (TV): Sofia Moreno (Haaptroll)

Theater

• 2010: Três Irmas vum Anton Tschechow, inzenéiert vum Pedro Matos
• 2010: Les Phéniciennes vum Seneca, inzenéiert vun der Maria João Vicente
• 2011: Auto da Barca do Inferno vum Gil Vicente, inzenéiert vum Álvaro Correia
• 2011: Was ihr wollt vum William Shakespeare, inzenéiert vum Francisco Salgado
• 2011: Peanuts vum Fausto Paravidino, inzenéiert vum Jill Christophe
• 2012: Ce formidable bordel ! vum Eugène Ionesco, inzenéiert vum Jesus Salgado
• 2012: Por el torno y el sótano vum Tirso de Molina, inzenéiert vum Jesus Salgado
• 2014: Légendes de la forêt viennoise vum Ödön von Horváth, inzenéiert vun der Sandy Ouvrier
• 2014: Le Mariage de Figaro vum Beaumarchais inzenéiert vun der Sandy Ouvrier
• 2017: Les Sorcières de Salem vum Arthur Miller, inzenéiert vum Douglas Rintoul
• 2018: Intranquillité vum Fernando Pessoa, inzenéiert vun der Rita Reis
• 2019: Dealing with Clair vum Martin Crimp, inzenéiert vun der Anne Simon
• 2020-2022: Hedda Gabler vum Henrik Ibsen, inzenéiert vun der Marja-Leena Junker
• 2020- 2022: Habiter le temps vum Rasmus Lindberg, inzenéiert vum Michel Didym
• 2021: O começo perdido vum Pedro Martins Beja, inzenéiert vum Pedro Beja
• 2022: Medea vum Euripides, inzenéiert vum Rafael Kohn
• 2023-2024: A menina do mar vum Sophia de Mello Breyner inzenéiert vum Rita Reis
• 2023-2025: Café Terminus vum Eugene O’Neil inzenéiert vum Frank Hoffmann

Éierungen

• Lëtzebuerger Filmpräis 2018: Bescht Schauspillerin - Nominatioun fir d'Roll vun der « Giulia Redondini » am Film Toy Gun

Um Spaweck

Commons: Hana Sofia Lopes – Biller, Videoen oder Audiodateien

• Jouer en portugais, c'est très difficile! – 5 questions à… Hana Sofia Lopes rtl.lu 06.05.2021