Capitani

Vu Wikipedia
Op d'Navigatioun wiesselen Op d'Siche wiesselen

Televisiounsserie

CAPITANI Logo.png

Informatiounen
Originaltitel: Capitani
Produktiounsland: Lëtzebuerg
Éischt Folleg: 2019
Dauer: 12 x ± 26 Minutten
Originalsprooch: Lëtzebuergesch
Folgen: 12
Equipe
Iddi: Thierry Faber
Produzent: Samsa Film
Haaptacteuren
Luc Schiltz als Luc Capitani
Sophie Mousel als Elsa Ley
Claude De Demo als Nadine Kinsch
Jules Werner als Mick Engel
Jil Devresse als Tanja/Jenny Engel
Konstantin Rommelfangen als Steve Weis
Joé Dennenwald als Joe Mores
Brigitte Urhausen als Carla Perreira
Julie Kieffer als Manon Boever
Timo Wagner als Frank Ferrone
Roland Gelhausen als Jim Boever
Max Gindorff als Jerry Kowalska
Désirée Nosbusch als Diane Bonifas
Pierre Bodry als Claude Glodt
Luc Feit als Usch Trierweiler
Nicole Max als Christiane Ley
Raoul Schlechter als Rob Berens
Marc Limpach als Gérard Gaspard
Jean-Paul Maes alsJean-Pierre Weyrich
Jemp Schuster als Pierre Rommes
Esther Gaspart Michels als Léa Holmes
Al Ginter als Majouer Majerus
Josiane Peiffer als Mady Berens
Michel Tereba als Sergent Goedert
Gabriel Boisante als Paschtouer Holmes
Anne Klein als Serveuse
Renelde Pierlot als Infirmière
Monique Reuter als Madame Kons
Jules Waringo als Militaire de garde
Matteo Wolf als Tun[1]

Capitani ass eng lëtzebuergesch Televisiounsserie vum Thierry Faber (Iddi), Eric Lamhène a Christophe Wagner (Co-Zeenaristen), déi am Summer 2018 ënner der Regie vum Christophe Wagner, dunn nach mam Aarbechtstitel De Bësch, gedréint gouf. Se gëtt vum 1. Oktober 2019 un op RTL Tele Lëtzebuerg gewisen.

Ëm wat geet et an der Serie?[änneren | Quelltext änneren]

De Luc Capitani, en Inspekter vun der Police judiciaire aus dem Süde vum Land, muss an d'Éislek, op Mënscht (Manscheid), fir do de Muerd un engem Meedchen, dem Jenny Engel, ze léisen. Fir d'Enquête steet him déi jonk Polizistin Elsa Ley zur Säit, déi vun do aus der Géigend kënnt. Séier gëtt den Enquêteur an eng komplizéiert Intrig verwéckelt, wou alles nëmme Schäin ass an all Duerfbewunner méi weess wéi wat en erziele wëll ...

Episoden[änneren | Quelltext änneren]

Episod Éischt Ausstralung Ëm wat geet et?
1 Oh Du, do uewen 1. Okt. 2019 An engem Bësch am Éislek gëtt d'Läich vum Jenny Engel, engem 15 Joer jonke Meedche aus dem Nopeschduerf fonnt. Den Inspekter Luc Capitani iwwerhëlt d'Enquête a gëtt gewuer, datt och d'Zwillingschwëster Tanja verschwonnen ass…
2 A sengem donkle Bëscherkranz 8. Okt. 2019 De Suizid vum Stéifpapp mécht aus him en Haaptverdächtegen. De Luc Capitani an déi jonk Polizistin Elsa Ley enquêtéieren hirersäits iwwert méiglech Drogeproblemer am Jenny sengem Lycée…
3 Aus der Kannerzäit, aus der Kannerzäit 15. Okt. 2019 D'Polizistin Ley fënnt eraus, datt probéiert gouf, de Stéifpapp als Schëllegen duerzestellen. Den Inspekter Capitani ënnersicht nach eng Kéier d'Plaz wou d'Jenny fonnt gouf. Hie gleeft net, datt hatt vum Fiels gefall ass…
4 Kee Schlof méi fir d'Aen, kee Friden méi fir d'Hierz 22. Okt. 2019 D'Tanja Engel, dem Jenny seng Zwillingsschwëster, ass nees opgedaucht. Mee et bestinn Zweifelen u senger Erkläerung, wou et war. Iwwerdeems gëtt am Gemengerot de Buergermeeschter vun der neier Fusiounsgemeng bestëmmt...
5 Déi Friem, déi mussen 't agestoen 29. Okt. 2019 D'Enquête vum Capitani ergëtt datt d'Jenny dacks mat jonken Zaldoten zesumme war. Iwwerdeems gëtt den Direkter vum Lycée zou, datt si den Drogen net méi Meeschter ginn sinn, an datt de Stéifpapp en Deel vum Problem war…
6 Souwäit vu mir, sou wäit! 5. Nov. 2019 D'Zwillingsschwëster Tanja behëlt sech ëmmer méi komesch, evitéiert seng bescht Frëndin Léa a verléisst säi Frënd. Den Inspekter an d'Polizistin gi gewuer datt zwéi Sexualverbriecher an der Géigend liewen…
7 An ech weess vun Tréin a Leed 12. Nov. 2019 Den Inspekter Capitani gouf mat engem Kichelchen drogéiert, verléiert d'Bewosstsinn an erwächt am Bësch. Do entdeckt hien ee verstoppte Chalet, deen hien intrigéiert. Iwwerdeems fënnt d'Ley eraus, wiem dee Knapp gehéiert, deen et engem vermummte Verdächtegen um Tatort erofgerappt hat. An de Capitani kritt Besuch vun enger Inspektesch vun der Inspection générale de la police
8 A wéi schéin déi gëllen Dreem 19. Nov. 2019 ...
9 Voll Vertraue wor mäin Hierz 26. Nov. 2019 ...
10 Ech wousst näischt vun Tréin a Schmierz 3. Dez. 2019 ...
11 An d'Broscht voll däischter Nuecht 10. Dez. 2019 ...
12 Et wor op engem schéinen klore Summerdag 17. Dez. 2019 ...


Soss[änneren | Quelltext änneren]

D'Titele vun den eenzelnen Episode sinn Zeilen aus Gedichter a Lidder vum Michel Lentz (1820-1893).[2]

Dréiplazen[änneren | Quelltext änneren]

Biller

Budget[änneren | Quelltext änneren]

De Budget vun der Serie louch bei 2,6 Milliounen Euro. Dovu sinn 2,1 Millioun eng Subventioun vum Film Fund Luxembourg, deen ausserdeem 2017 eng Hëllef fir d'Schreiwe vum Dréibuch vu 50.000 Euro bäigesteiert huet.[3]. RTL huet 300.000 Euro bäigedroen, de Rescht ass vu Samsa an Artemis (B).

Literatur[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]

  • Trailer an Episoden am Replay op rtl.lu

Referenzen[Quelltext änneren]

  1. Pressendossier op rtl.lu
  2. Spâss an Iérscht : Liddercher a Gedichten / fum Mel Lentz. Letzeburég : V. Bück , 1873 op eluxemburgernsia.lu.
  3. "Luxemburger Krimiserie nimmt Zuschauer auf Mörderjagd mit." wort.lu, 08.10.2019.