Messier 44

Vu Wikipedia
Op d'Navigatioun wiesselen Op d'Siche wiesselen
Praesepe, den oppene Stärekoup Messier 44
2MASS-Katalog

De Messier 44, M 44 oder Praesepe (lat. fir Krëpp), och NGC 2632, gëtt an der Astronomie deen Oppene Stärekoup genannt, deen owes um Wanter- a Fréijoershimmel scho mat bloussem A als klengen Niwwelfleck ze gesinn ass. Déi himmlesch Fudderkrëpp, eng Aart Schimmer tëscht zwéi Stären am Stärebild Cancer, huet fréier och emol fir kuerzfristeg Wiederprognose hiergehalen, well si bei Cirrus-Wolleken net ze gesi waren.

Dëse Stärekoup (och M 44 nom Messier-Katalog) ass den drëtthellste vu senger Aart a fält op senger Positioun op, well et am Cancer keng méi hell Stäre wéi 4. Gréissteklass gëtt. Hie läit eppes westlech vun enger geduechter Linn vun den zwéi Stären γ Cnc an δ Cnc, déi och Asellus Borealis an Asellus Australis genannt ginn (nërdlechen a südlechen Iesel) an ass d'Fudderkrëpp vun den zwee Laaschtdéieren . Am Präsepe sinn iwwer 300 Stären an de Gréisseklassen tëscht 6m an 12m.

D'Nopeschstärebiller vum Cancer sinn déi opfälleg Stärebiller vu Gemini an dem Leo. De Planéit Saturn ass 2005/06 zimlech no beim Präsepe laanscht gezunn.

Kuckt och[änneren | Quelltext änneren]

Saturn 01.svg Portal Astronomie

Um Spaweck[änneren | Quelltext änneren]

Commons: Messier 44 – Biller, Videoen oder Audiodateien