Eisebunnsstreck Beetebuerg-Wuelmereng
 D'CFL-Statioun zu Wuelmereng | |
 Streckekaart vun der Linn 6b | |
| Linnennummer | 6b |
|---|---|
| Besëtzer | Lëtzebuerg |
| Bedreiwer | CFL |
| vu(n) | Gare Beetebuerg |
| op | Gare Wuelmereng |
| iwwer | Gare Diddeleng-Bireng, Gare Diddeleng-Stad, Gare Diddeleng-Zenter, Gare Diddeleng-Schmelz |
| Technesch Donnéeën | |
| Längt | 7 km |
| Gréisst Steigung | 11 ‰ |
| Klengste Radius | 190 m |
| Spuerbreet | Normalspuer |
| Vitesslimitatioun | 80 km/h |
| Stroumsystem | 25kV Wiesselstroum |
| Zuchsécherungssystem | European Train Control System |
 | |
| Garen - Uschlëss - Brécken Tunnellen - Barriären |
PK | |
 |
Beetebuerg | 0,000 |
 |
Diddelengerbaach | |
 |
Ofzweigung Arcelor Mittal Diddeleng | |
 |
A 13 | |
 |
PN. 102d Biereng (Route de Burange) | |
 |
Biereng (Rue J. Simon) | |
|
Diddeleng-Biereng | 3,000 |
|
Diddeleng-Stad | 3,950 |
|
Diddeleng CR160 (R. de Kayl - Av. Grande-Duchesse Charlotte) |
4,050 |
|
PN. 103b Diddeleng (Rue Jean Jaurès) | 4,355 |
|
Diddeleng-Zenter | 4,450 |
|
PN. 104 a Diddeleng (Rue Karl Marx) | 4,550 |
 |
Uschloss Walzwierk Diddeleng | |
|
Diddeleng-Schmelz | 5,223 |
 |
Wuelmereng | 7,000 |
D'Eisebunnsstreck Beetebuerg-Wuelmereng ass eng Eisebunnsstreck zu Lëtzebuerg. Se féiert vu Beetebuerg op Wuelmereng.
D'Trass fir d'Eisebunnsstreck Beetebuerg-Wuelmereng gëtt vun der Administration des chemins de fer verdeelt. D'CFL bedreift a geréiert d'Infrastruktur vun der Streck, déi am Besëtz vum Lëtzebuerger Staat ass.
Linn
[änneren | Quelltext änneren]D'Eisebunnsstreck Beetebuerg-Wuelmereng gëtt als Linn 6b bezeechent; am kommerzielle Passagéierverkéier ass et eng Antenne vun der Linn 60[1]. Si ass 7 km laang an - ausser an der Gare Diddeleng-Schmelz - op der ganzer Streck eegleiseg. D'Vitess op der Streck ass op 80 km/h limitéiert.
Geschicht
[änneren | Quelltext änneren]Wéi an den 1880er Joren eng Schmelz zu Diddeleng geplangt gouf, war och en Uschloss un d'Bunn néideg. D'Zuchstreck Metz - Lëtzebuerg, déi 1859 opgemaach gi war, ass zwar schonn iwwer Diddelenger Territoire gefuer, ma déi nooste Gare war zu Beetebuerg. Den 20. Dezember 1883 ass d'Streck Beetebuerg - Diddeleng dunn opgemaach ginn. 1884 gouf den Uschloss op d'Beluedstatioun Reiteschkopp realiséiert an zanter 1888 war dat Gleis en Deel vun der Eisebunnsstreck[2]. Wéi dunn 1886 d'Diddelenger Schmelz opgoung ass den Transportvolume gewalteg an d'Luucht gaangen. Absënns well all Brennstoffliwwerungen an e groussen Deel vum Eisenäerz mat der Bunn transportéiert goufen, huet d'Streck zu enge vun de profitabelste Strecken zu Lëtzebuerg gehéiert[3].
1959/60 gouf d'Streck elektrifizéiert, deen elektresche Betrib huet den 9. Juli 1960 ugefaangen[3].
Wéi 1984 d'Stolwierk zougemaach gouf, blouf nëmmen nach e Walzwierk zu Diddeleng bestoen. De Gidderverkéier huet séier ofgeholl an déi kuerz Streck op d'Reiteschkopp gouf 1988 zougemaach[4].
An den 1990er Jore koumen déi nei Halten Diddeleng-Biereng an Diddeleng-Zentrum bäi.
D'Verlängerung vun der Streck bis an dat franséischt Wuelmereng gouf 2001 beschloss an d'Verlängerung vun der Streck gouf am Dezember 2003 ageweit[4].
Wéi 2005 d'Walzwierk zougemaach huet, war et 2006 och mam Gidderverkéier eriwwer[4] an zanterhier ass d'Streck just nach fir de Persouneverkéier op.
Passagéierzuelen
[änneren | Quelltext änneren]Op der Streck Beetebuerg - Diddeleng - Wuelmereng goufen am Joer 2022 699.000 Leit transportéiert, dat Joer duerno waren et der 736.000[5].
Biller
[änneren | Quelltext änneren]-
D'Garen zu Diddeleng: Biereng... -
Stad... -
Zentrum... -
a Schmelz.
Kuckt och
[änneren | Quelltext änneren]Um Spaweck
[änneren | Quelltext änneren]| Commons: Eisebunnsstreck Beetebuerg-Wuelmereng – Biller, Videoen oder Audiodateien |
- Donnéeën iwwer d'Streck: Réseau Ferré Luxembourgeois - Document de Référence du Réseau 2024, Version 2.0.
Referenzen an Notten
[Quelltext änneren]- ↑ Réseau op cfl.lu, gekuckt den 8. Mäerz 2020
- ↑ Federmeyer, E., & Pasquali, Pierre. (2007). Eisenbahnen in Luxemburg. Gernrode Luxembourg: W. Herdam Fotoverl. G.A.R., Band 1, S. 360
- ↑ 3,0 3,1 ibid S. 361
- ↑ 4,0 4,1 4,2 ibid S. 362
- ↑ Luc Ewen, „Auf die Nebenlinien ist nicht immer Verlass“, Luxemburger Wort, 20.03.2024, S. 16