Gemeng Ëlwen

Gemeng Ëlwen
Gemeng Ëlwen
	d'Märei vun Ëlwen
Aussprooch
An anere Sproochen	fr: Troisvierges; de: Ulflingen
Land	Lëtzebuerg
Kanton	Kanton Klierf
Chef-lieu	Ëlwen
Buergermeeschter	Édouard Mertens
Awunner	3.580
	1. Januar 2024
Fläch	3.786 ha
Héicht	472 m
Koordinaten	50° 7’ 14’’ N; 5° 59’ 56’’ O
LAU-Code	LU0504
Websäit	https://www.troisvierges.lu/

D'Gemeng Ëlwen ass eng vun den 100 lëtzebuergesche Gemengen. Se läit am Kanton Klierf. De Chef-lieu vun der Gemeng ass d'Uertschaft Ëlwen vun där se och hiren Numm huet.

Geographie

Ëlwen läit am Nord-Weste vum Land am Éislek. Et ass déi nërdlechst Gemeng aus dem Grand-Duché. Am Norden, Nordosten a Weste stéisst se un d'Belsch, am Südosten un d'Gemeng Wäiswampech an am Süden un d'Gemeng Wëntger. An der Gemeng leien déi zwou héchste Koppen aus dem Land, d'Buergplaz an Op Kneiff.

Den nërdlechste Punkt vum Land läit an der Ëlwener Gemeng op 50° 10’ 58’’ N 06° 01’ 29’’ O.

Uertschaften an der Gemeng

Zu der Gemeng Ëlwen gehéieren nach follgend Häff a Lieu-diten:

Hydrographie

Duerch Ëlwen leeft d'Wolz déi hir Quelle bei Huldang huet.

Aner Baachen um Territoire vun der Gemeng sinn:

Geschicht

Bis den 28. Dezember 1908 huet d'Gemeng Kierchen ((fr) Basbellain) geheescht. Mat engem Gesetz vun deem Dag gouf de Sëtz vun der Gemeng op Ëlwen transferéiert an d'Gemeng gouf deementspriechend ëmgedeeft^[2]. Duerch Gesetz vum 20. Juli 1925 gouf d'Sektioun Biwesch vun der deemoleger Gemeng Aasselbuer ofgetrennt, an ass bei d'Gemeng Ëlwen derbäikomm^[3].

Bei der Grënnung vun der neier Gemeng Wëntger (1977) koume 7,88 ha aus der Sektioun B vun Aasselbuer bei d'Gemeng Ëlwen^[4].

Wopen

	Beschreiwung am Originaltext: D'or à la montagne à trois coupeaux, celui du milieu plus élevé, chargé d'une roue motrice de locomotive posée sur un rail, le tout d'argent, ladite montagne sommée d'une croix patriarcale de gueules ornée de sept besants d'argent, au chef de gueules chargé de trois vierges d'argent, rangées en fasce. D.C. 27. September 1982 - A.M. 3. November 1982 - Mémorial B 1982, Säit 945 - Projet: Marcel Lenertz 1982.

Entwécklung vun der Awunnerzuel

Quell:STATEC

Politik

Ëlwen war bis d'Gemengewale vun 2011 nach mat, eng Majorzgemeng. Well se 2017 iwwer 3000 Awunner hat, gëtt de Gemengerot zanterhier nom Proporzsystem gewielt.

No de Wale vun 2017 bestoung eng CSV-EBL-Koalitioun; zanter 2023 ass et eng aus der Ëlwener Bierger Lëscht (ËBL) mat der Oppe Lëst Ëlwen (OBL)

Zesummesetzung

Joer	CSV	ËBL	OLE
2017	4	7
2023		7	3

ËBL: Ëlwener Bierger Lëscht | OBL: Oppe Lëst Ëlwen
Quell: elections.lu

Buergermeeschteren

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

...
... - 2011: Lucien Majerus
zanter 2011: Edy Mertens (Biergerlëscht/DP)

Kulturelles

Ciné Orion bei der Gare zu Ëlwen
Tony-Bourg-Bibliothéik

Kuckeswäertes

d'Fiichtgebitt Cornelysmillen;
d'Kierch Ëlwen aus dem Joer 1640, déi dem Ëlwener Franziskanerklouschter gehéiert huet; mat hirem Mobilier al hirer Uergel als nationaalt Monument klasséiert;
d'Kierch vu Kierchen, zesumme mam Kierfecht ronderëm als nationaalt Monument klasséiert;
d'Kierchermillen, och en nationaalt Monument (Inventaire supplémentaire).

Bekannt Leit aus der Gemeng

Nicolas Adames (1813-1887), kathoulesche Priister, éischte Bëschof vu Lëtzebuerg
Marcel Feller (1890-1975), Eisebunner a Politiker
Johny Flick (1930-2008), Geowëssenschaftler
Yvonne Frisch-Urbany (1923-2013), Schrëftstellerin
André Gruber, (1869-1926), Zänndokter a Lokalpolitiker
Eugène Heinen (1914-2006), Pedagog, Theaterregisseur a Schauspiller
Yvo Kerger (1908-1945), Eisebunner a Resistenzler
Lucien Lux (*1956), Politiker
Albert Neumann (1899-1976), Turner an Olympionik
Josy Meyers (1902-1970), Zeecheprofesser
Nicolas Morn (1932-1997), Vëlossportler
Pierre Prüm, (1886-1950), Politiker a Premierminister
Joseph Schwickert (1836-1902), Professer an Auteur
Norbert Stelmes (1915-1986), Lycéesprofesser, Komponist a Pianist
Jean-Pierre Thill (1916-1981), Architekt
René Urbany (1927-1990), Journalist a Politiker
Danielle Wagner (*1960),Sculptrice
Charles de Waha (1888-1918), Medezinner, Chirurg a Politiker
Aloyse-André Welter (1852-1922), Schoulmeeschter, Zeitungsredakter a Schrëftsteller