Schëffleng

Schëffleng
Schëffleng
	D'Märei vu Schëffleng (2011)
An anere Sproochen	fr: Schifflange; de: Schifflingen
Land	Lëtzebuerg
Kanton	Kanton Esch-Uelzecht
Buergermeeschter	Paul Weimerskirch (CSV)
Awunner	11.517
	1. Januar 2024
Fläch	771 ha
Héicht	291 m
Koordinaten	49° 30’ 20’’ N; 06° 00’ 45’’ O
LAU-Code	LU0214
Websäit	https://schifflange.lu/

D'Gemeng Schëffleng ass eng vun den 100 lëtzebuergesche Gemengen. Se läit am Kanton Esch-Uelzecht an de Chef-lieu vun der Gemeng ass Schëffleng, déi eenzeg Uertschaft an der Gemeng.

Geographie

D'Gemeng Schëffleng ass 771 ha grouss a läit am Süde vu Lëtzebuerg op enger Héicht tëscht zirka 275 a 400 m.

Nopeschgemenge si Monnerech am Norden, Beetebuerg am Osten, Keel am Süden an Esch-Uelzecht am Westen.

Am nërdlechen Deel vun der Gemeng leeft d'Kiemelbaach an d'Uelzecht laanscht d'Uertschaft Schëffleng.

Häff a Lieu-diten an der Gemeng

Geschicht

Den 31. August 1876 gouf, duerch Gesetz vum 6. Juli 1876, d'Uertschaft Schëffleng vun der Gemeng Esch-Uelzecht ofgetrennt fir déi eegestänneg Gemeng Schëffleng ze schafen^[1].

Entwécklung vun der Awunnerzuel

Quell:STATEC

Den 1. Januar 2012 hat Schëffleng 8.949 Awunner, wourënner 5568 Awunner Lëtzebuerger, 1617 portugisescher, 293 italieenescher, 334 franséischer, 108 däitscher, 69 belscher an 971 anerer Nationalitéit sinn^[2].

Wopen

	Beschreiwung am Originaltext: d'or à la bande de gueules, chargée de trois moufles senestres d'argent appaumées, posées dans le sens de la bande A.GD. 12. Mäerz 1975 - Mémorial B 1975, Säit 374

Politik

De Gemengerot vu Schëffleng gëtt nom Proporzsystem gewielt. E setzt sech zanter 2017 aus 15 (virdrun: 13) Conseilleren zesummen.

Zesummesetzung

Joer	ADR	CSV	DP	gréng	LSAP	lénk
1999	1	5	1	1	5	-
2005	0	4	1	1	7	-
2011	0	4	1	2	6	-
2017	-	6	1	2	6	-
2023	-	5	1	2	6	1

Quell: Inneministère / RTL.lu / elections.lu

Schëffleng gëtt zanter 2017 vun enger CSV-déi gréng-Koalitioun regéiert. 2011 bis 2017 war dat eng tëscht LSAP an CSV.

Buergermeeschtere vu Schëffleng

Michel Noel 1876 - 1882
Jean Klein 1883 - 1887
Michel Noel 1888 - 1892
Jean Conrad 1893 - 1911
Jean Klein 1912 – 1915
Gaspar Arensdorff 1916
Jean Claus 1917 – 1925
Jean Jaas 1926 – 1928
Denis Netgen 1929 – 1934
Nicolas Grund 1935 – 1941
Denis Netgen 1944 – 1963
Hubert Olinger 1964 – 1969
Astrid Lulling 1970 – 1985
Nicolas Frisch 1985 - 1993
Nelly Stein 1994 – 2002
Roland Schreiner 2003 - 2017
Paul Weimerskirch 2017 - haut

Verkéiersubannung

Wichtegst Stroosseverbindung ass d'A13, déi vu Péiteng bis op Schengen féiert an duerch den nërdlechen Deel vun der Gemeng geet. Op engem kuerze Stéck am Nordweste geet d'A4 duerch d'Gemeng, déi Esch-Uelzecht mat Lëtzebuerg verbënnt. Ganz am Süde geet d'N31 iwwer e klengt Stéck vun der Gemeng. Ausserdeem lafen nach d'Chemin reprisen 164, 166, 168 an 169 duerch d'Gemeng.

Ëffentlechen Transport

Dëst Kapitel muss iwwerschafft ginn. Dat kann dru leien, datt Schreif- oder Tippfeeler dran ze fanne sinn, datt den Opbau net der Wikiformatéierung entsprécht oder datt den Inhalt net ganz korrekt ass oder net explizit genuch ass, sou wéi en den Ament do steet.
Zousätzleche Grond: Buslinne stëmmen net méi

Schëffleng läit op der CFL-Linn 6 an huet eng Gare op där Linn: d'Gare Schëffleng.

Schëffleng ass iwwer d'Linn 4 vum TICE mat Esch-Uelzecht, Keel an Diddeleng verbonnen a gëtt vun den RGTR Linnen 612, 812, 813, 830, 840, 850, 861, 870 an 882 ugefuer. Ausserdeem ass de Ruffbus feste Bestanddeel vum Schëfflenger ëffentlechen Transport.

Industriezonen

D'Industriezon Monkeler am Dräieck tëscht der A4 an der A13 läit zum Deel um Gebitt vun der Gemeng. Am bekanntsten ass do d'Zementsfabrick. Richtung Féiz erstreckt sech zanter uganks vun den 2020er Joren d'Industriezon Op Herbett.

Kultur a Kuckeswäertes

Kulturariichtungen
Bestgensmillen
Konschtgalerie vum SIT-Schëffleng
Resistenzmusée Schëffleng

Sport
Red Rocks Skatepark
Stade Jean Jacoby
Tennishal a baussen Terrainen

Sport
Schëfflenger Schwämm a Sauna
Pétanqueterrain Boulodrome
Terrain vum Hondssport- an Dressurveräin
Schëfflenger Beachvolleyballterrain

Natur
Naturschutzgebitt Brill
Wanderwee Um Réimerwee
Planéitewee De Saturn
Wanderwee Schëfflenger Bierg

Reliéis Gebaier

Kierch Schëffleng

Partnerschafte mat auslännesche Stied

Drusenheim Frankräich

Clibb a Veräiner

Bekannt Schëfflenger

Franz Conrad (1913-1942), Gewiichthiewer an Olympionik,
Adolphe Deville (1935-2022), Konschtprofesser a Kënschtler,
Norbert Haupert (*1940), Politiker a fréiere Sportler,
René Kremer (1925-2002), Liichtathleet an Olympionik,
Jey Kugeler (1910-1983), Turner an Olympionik,
Astrid Lulling (*1929), Politikerin,
François Magnani (1928-1988), Foussballspiller an Olympionik,
Gilles Muller (*1983), Tennisspiller,
Lydie Schmit (1939-1988), Politikerin,
Charles Sowa (1933-2013), Sportler,
François Sowa (*1937), Boxer an Olympionik,
Jean Spautz (*1930), Gewerkschaftler a Politiker,
Camille Wagner (1925-2014), Foussballspiller an Olympionik,
Aly Wenzel, Weltmeeschter am Wanderen^[3],
Albert Wingert (1887-1962), Resistenzler.

Mat Schëffleng verbonne Persoune

Miralem Pjanić (*1990), Foussballspiller

Interkommunal Syndikater

Schëffleng ass Member a verschidden Interkommunal Syndikater:

SYVICOL - SICONA-Sud-Ouest - TICE - SIVEC - SUDGAZ - SES - SIDOR - SICEC - MINETTKOMPOST - SIGI - PRO-SUD - SYCOSAL

Literatur

Jérôme Courtoy, 2019, Schifflingen im Ausnahmezustand. Zwischen Kriegsvorbereitungen, Evakuation und Besatzung. Ein Rekonstruktionsversuch., Adm. municipale Schifflange, 64 S. ISBN 978-2-9199539-2-9
Jérôme Courtoy, 2018, Die Eingemeindung Schifflingens an Esch/Alzette. Ein Rekonstruktionsversuch, Adm. municipale Schifflange, 32 S. ISBN 978-2-9199539-0-5
Emil Angel, 2016, Schëffleng, Eine Stadt im Wachsen und Werden, 104 S. ISBN 978-99959-955-1-5
Jean Hansen, 1997, Schëffléng, séng Geschicht a séng Geschichten, Association des commerçants et artisans, Quintus (Esch-Uelzecht), 251 S.
1996, Schifflange, sa commune et ses activités Adm. municipale Schifflange, 52 S.

Kuckt och

Lëscht vun den nationale Monumenter an der Gemeng Schëffleng 0

Um Spaweck

Commons: Schëffleng – Biller, Videoen oder Audiodateien

Referenzen

↑ Loi du 6 juillet 1876, concernant la création d'une nouvelle commune sous le nom de Schifflange
↑ Websäit vun der Gemeng Schëffleng, Kategorie: Demographesch Situatioun Archivéiert de(n) 19.02.2013. Gekuckt de(n) 25.02.2013.
↑ Wort-Artikel Schifflinger will wieder auf den Wanderthron

[1] Loi du 6 juillet 1876, concernant la création d'une nouvelle commune sous le nom de Schifflange

[2] Websäit vun der Gemeng Schëffleng, Kategorie: Demographesch Situatioun Archivéiert de(n) 19.02.2013. Gekuckt de(n) 25.02.2013.

[3] Wort-Artikel Schifflinger will wieder auf den Wanderthron

[1]

[2]

[3]