Gemeng Diddeleng

Diddeleng
Land:	Lëtzebuerg
Distrikt:	Lëtzebuerg
Kanton:	Esch-Uelzecht
Buergermeeschter:	Alex Bodry (LSAP)
Awunner Gemeng:	19.072 (1.1.2011)
Fläch Gemeng:	2.138 ha
Koordinaten:	49° 28' 56" N 06° 05' 04" O
D'Gemeng Diddeleng (orange) am Kanton Esch-Uelzecht (rout)
Uertschaften - Gemengen - Stied

Diddeleng ass eng vun den 106 Gemengen an eng vun den 12 Stied am Groussherzogtum Lëtzebuerg.

Zu Diddeleng stoung déi éischt modern integréiert Schmelz vu Lëtzebuerg. Dofir krut d'Stad nach den Numm Forge du Sud.

  Méi Informatioun doriwwer am Artikel: Diddelenger Schmelz

Geographesches

Diddeleng läit am Nordoste vum loutrengesche Minettsbaséng um Rand vun der Cuesta vum Bajocium am Dall vun der Diddelengerbaach.

De Süde vum Dall, wou grouss Industrieanlage stinn, ass vun Osten hier vun den Héichte vum Doggerplateau begrenzt an no Norden a Nordoste geet en op an den Dall vun der Gander an der Uelzecht.

Topographesches

Am Nordweste steet eng eenzel Kopp de Gehaansbierg, ee sougenannten Ëmlafbierg, mat enger Héicht vu 405 m, op dem Iwwerreschter vun enger Buergruin a réimescher Festung ze fanne sinn.

Den héchste Punkt ass op der Grenz vun Téiteng um Kalebierg op 435 m.

Eng besser bekannt héich Plaz ass de Ginzebierg deen eng Héicht vu 424 m iwwer NN huet, an ënner deem op engem Plateau op enger Héicht vu 417,5 Meter den RTLs-Sender steet, deen e bei kloerem Wieder op méi wéi 20 km gesi kann.

Den déifste Punkt ass am Thilleweier op der franséischer Grenz op 256 m.

Nopeschuertschaften

Zu Lëtzebuerg: Helleng, Beetebuerg, Näerzeng, Keel an Téiteng

A Frankräich: Wuelmereng, Kanfen, Zoufftgen an Hoen

Geschichtleches

Diddelenger Gemeng

Duerch d'Gesetz vum 4. August 1907 krut Diddeleng den Titel "Stad". Mat deem Gesetz ginn déi zwee fréier Dierfer Bireng a Butschebuerg an d'Stad mat iwwerholl a sinn haut Quartiere vun Diddeleng.

D'Geschicht vun Diddeleng ass staark markéiert vun der industrieller Entwécklung am Minett. Gläich an der zweeter Hallschent vum 19. Joerhonnert war Diddeleng eng Héichbuerg vun der Stolfabrikatioun. Et war eng grouss Schmelz mat Héichiewen, engem Stolwierk an engem Walzwierk opgeriicht ginn, mat spéider niewendrunn enger Galvaniséierungsanlag, enger Sauerstoffanlag, a mat der Gare Diddeleng-Schmelz fir déi fäerdeg Produkter op Zich ze verlueden. De Schinnequai ass haut nach ee Begrëff fir all Diddelenger.

Ëm 1882 hunn d'Patrone vun der Diddelenger Schmelz den Opdrag ginn fir eng Zillebäckerei opzeriichten, wëll si Zille gebraucht hu fir hir Hangaren, Atelieren a Kamäiner ze bauen, an awer och fir d'Aarbechterhaiser an de Kolonie wéi am Brill an der Hondsgaass (rue du Travail), an an der Lachegaass (rue de Zoufftgen). Déi Fabréck gouf vun engem belschen Industriellen dem Victor Tassin opgeriicht op der Plaz déi haut de Quartier Wolkeschdall ass.

No der Restrukturéierung vun der ARBED an den 1980er Joren ass nëmme méi ee kaalt Walzwierk an eng Beschichtungsanlag iwwregbliwwen.

Duerno hu sech zu Diddeleng a ronderëm kleng, mëttel an och e puer méi grouss Industrien niddergelooss sou wéi Giebel, Husky, a Luxguard.

D'Quartieren a Sektioune vun der Gemeng

Banzelt Bireng Brill

Butschebuerg Diddeleng Gafelt

Italien (Diddeleng) Op der Schmelz Um Däich

Boltebierg Ribbeschpont Tattebierg

Wolkeschdall

Demographie

Prozenter vun den Nationalitéiten zu Diddeleng

Den 1. Januar 2011 hat Diddeleng 19.072 Awunner, wourënner 7.292 Net-Lëtzebuerger (38,23 %) verdeelt op 98 Nationalitéiten

Entwécklung vun der Awunnerzuel vun 1851 - 2010

Joer	Awunner	Joer	Awunner	Joer	Awunner	Joer	Awunner	Joer	Awunner
1851	1652	1930	14657	1996	16500	2001	17804	2006	18327
1882	1604	1945	12110	1997	16681	2002	17921	2007	18448
1890	5091	1975	14654	1998	16900	2003	17966	2008	18666
1900	8751	1985	13791	1999	17391	2004	18141	2009	18846
1910	10803	1995	16255	2000	17620	2005	18297	2010	19072

Politik

De Gemengerot vun Diddeleng gëtt nom Proporz-Walsystem gewielt. E setzt sech aus 17 (1999: 15) Conseilleren zesummen.

Zesummesetzung

Joer	ADR	CSV	gréng	Lénk	LSAP
1999	1	2	1	-	11
2005	0	4	2	-	11
2011	1	3	2	1	10

Quell: Inneministère / RTL.lu

Buergermeeschteren

1797–1798: Jean Magnette 1798–1799: Michel Krips 1799–1801: Jean Michel Philippart 1801–1804: Michel Weber 1804–1805: Max Boland 1805–1807: Orphée Bernard 1807–1814: Frantz Plutot 1815–1821: Jean Baptiste Schmitt 1822–1836: Jean Pierre Gérard 1836–1844: Pierre Theis

1844–1849: Michel Berwick 1849–1854: Jean Antoine Philippart 1854–1861: Michel Landtgen 1861–1863: Henri Steichen 1864–1882: Franz Theis 1882–1893: Michel Adolphe Sinner 1894–1896: Pierre Theis 1897–1902: Jean Nieles 1903–1914: Pierre Theis 1914–1920: Jean Berchem

1920–1925: Michel Gindt 1925–1928: François Scholer 1929–1935: Emile Ludwig 1935–1946: Théodore Thiel 1946–1965: Jean Fohrmann 1965–1973: René Hartmann 1973–1984: Nicolas Birtz 1985–1993: Louis Rech 1994–2004: Mars Di Bartolomeo zënter 2004: Alex Bodry

Kuckeswäertes

Gehaansbierg

• Naturpark Haard
• Gehaansbierg
  • Buergruinen
  • Aussiichtstuerm mat Plattform op 16 Meter Héicht
  • Gehaanskapell
• D'Kierch St. Martin an déi restauréiert Stahlhut Uergel vun 1912
• D'Lukaskapell vu Butschebuerg
• D'Jousefskapell vu Bireng
• D'Eligiuskapell vun Diddeleng
• Den 285 Meter héijen Antennepotto vun RTL um Ginzebierg
• De Regionalmusée vun den Zwangsrekrutéierten

Bekannt Diddelenger

D'Schoul an der Rue Ribbeschpont mat der Turnhal.

Vue iwwer Butschebuerg op den RTL-Antennepotto

RTL-Antennepotto

• Andy Bausch, Filmregisseur
• Jean Hengen, Äerzbeschof
• Edy Schütz, Vëlosportler
• Dominique Lang, Moler
• Nic Biever, Minister
• Benny Berg, Minister
• Mars Di Bartolomeo, Minister
• Alex Bodry, Minister
• Nic Hoffmann, Geschäftsmann a Gemengerot bekannt als den Zockernicki
• Jean Fohrmann, Buergermeeschter, Papp vun der Marthe Bigelbach-Fohrmann a Grousspapp vum Alex Bodry
• Erna Hennicot-Schoepges, Politikerin
• Andrée Viénot

Partnerschafte mat auslännesche Stied

• Lauenburg/Elbe an Däitschland, zënter 1958, ([1])
• Manom a Frankräich, zënter 1958, ([2])
• Lebork a Polen, zënter dem 29. September 2001, ([3])
• Dour an der Belsch, zënter dem 25. November 2002, ([4])
• Feltre an Italien
• Arganil a Portugal

Interkommunal Syndikater

D'Gemeng Diddeleng ass Member vu folgenden interkommunale Syndikater:

MINETT-KOMPOST PROSUD SEBES SES SICEC SICONA-Ouest

SIDOR SIGI STEP SYVICOL TICE

Literatur zum Thema

• 100 Joer Diddeleng, Bäilag vum Tageblatt Nr. 286 vum 8. Dezember 2007, 24 S.

Kuckt och

• Lëscht vun den nationale Monumenter an der Gemeng Diddeleng 0
• F91 Diddeleng
• Centre de documentation sur les migrations humaines
• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Lëtzebuerger Distrikter
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Diddeleng – Biller, Videoen oder Audiodateien

• Offiziell Säit vun der Stad Diddeleng
• Offiziell Säit vun der Diddelenger Stadmusek
• Syvicol
• TICE
• Den F91
• Diddelenger Schoulen
• Diddelenger Schachclub

Referenzen

Gemengen am Kanton Esch-Uelzecht  

Beetebuerg | Déifferdeng | Diddeleng | Esch-Uelzecht | Fréiseng | Keel | Leideleng | Monnerech | Péiteng | Reckeng op der Mess | Réiser | Rëmeleng | Schëffleng | Suessem