Vereenegt Staate vun Amerika

Vu Wikipedia
(Virugeleet vu(n) USA)
Op d'Navigatioun wiesselen Op d'Siche wiesselen
Flag USA template.svg Dëse Geographiesartikel iwwer d'USA ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.


United States of America

Fändel vun de Vereenegt Staate vun Amerika

Wope vun de Vereenegt Staate vun Amerika

Detailer

Detailer
National Devise: E pluribus unum
(Aus villem Eent, zanter 1776)
In God we trust
(Mer vertrauen op Gott, zanter 1956)
LocationUSA.png
Offiziell Sprooch: keng (um Niveau vun der Federatioun), de facto Englesch
Haaptstad: Washington D.C.
 • Awunner: 705.749 (2019)
 • Koordinaten: 38°53′N 77°02′W
Staatsform:
 • President: Donald Trump (R) bis Januar 2021
 • Vizepresident: Mike Pence (R) bis Januar 2021
Fläch: 9 629 891 km² (3.)
 • Dovu Waasser: 4.87 %
Bevëlkerung: 328.239.523 (Juli 2019)
 • Bevëlkerungsdicht: 31/km²
Onofhängegkeet: 4 Juli 1776
Nationalfeierdag: 4. Juli
Nationalhymn: The Star-Spangled Banner
Wärung: 1 US-Dollar = 100 Cents
Zäitzon: UTC -5 bis -10
Internet TLD: .us (och:.gov (Behörden),.edu (Bildungsariichtungen) a.mil (Militär)
Internationalen
Telefonsprefix
:
+1

D'Vereenegt Staate vun Amerika (engl.: United States of America, kuerz: USA) sinn eng Bundesrepublik am nërdlechen Deel vum amerikanesche Kontinent. Am Norde grenze si u Kanada an och iwwer de Bundesstaat Alaska u Russland. Tëscht Alaska a Russland läit nëmmen déi 100 km breet Beringstrooss. Am Süden ass Mexiko den Noper. Am Oste grenze se un den Atlantik an am Westen un de Pazifik.

D'Vereenegt Staate vun Amerika si 1776 entstanen, wéi déi brittesch Kolonien an Amerika onofhängeg gi sinn. Duerch déi intensiv Industrialisatioun, déi duerch eng massiv Immigratioun ënnerstëtzt gouf, ass den Afloss vun Amerika staark gewuess. Um Enn vum 20. Joerhonnert, an no der Iwwerwannung vum Nationalsozialismus a vum Faschismus (Zweete Weltkrich) an dem Kommunismus (am Kale Krich) si si als eenzeg Weltmuecht, déi sech op alle Plangen (wëssenschaftlech, kommerziell, politesch, militäresch), duerchzesetze weess, iwwereg bliwwen[Source?].

Geographie[änneren | Quelltext änneren]

Populatioun[änneren | Quelltext änneren]

Politik[änneren | Quelltext änneren]

D'Bundesstaaten[änneren | Quelltext änneren]

Nuvola apps xmag.png Méi Informatioun doriwwer am Artikel Bundesstaat vun den USA an am Artikel Lëscht vun de Groussstied an den USA
D'Vereenegt Staate vun Amerika sinn eng Federatioun, déi sech aus 50 Bundesstaaten zesummesetzt. Dovu leien der 48 am Kärland, südlech vu Kanada an nërdlech vu Mexiko. Alaska läit am Nordweste vu Kanada. Hawaii läit am Pazifik, 3.900 km ewech vum kontinentalen Amerika. Bundeshaaptstad ass Washington D.C.. Si bilt en eegenen federalen Distrikt, deen e Sonderstatut huet an zu kengem Bundesstaat gehéiert.

Am US-amerikanesche Fändel sinn déi 50 Bundesstaate mat 50 Stären duergestallt. Déi 13 rout a wäiss Sträife representéieren déi 13 brittesch Kolonien, déi sech géint Groussbritannien erhuewen hunn.

Aktuell Regierung[änneren | Quelltext änneren]

Qsicon Ueberarbeiten.svg Dëst Kapitel muss iwwerschafft ginn. Dat kann dru leien, datt Schreif- oder Tippfeeler dran ze fanne sinn, datt den Opbau net der Wikiformatéierung entsprécht oder datt den Inhalt net ganz korrekt ass oder net explizit genuch ass, sou wéi en den Ament do steet.

Den 8. November 2016 gouf den Donald Trump, Kandidat vun der Republikanescher Partei, zum aktuelle President vun de Vereenegte Staate gewielt. Hie gouf den 20. Januar 2017 zu dësem Posten ageweit zesumme mam aktuelle Vizepresident, Mike Pence, vun der selwechter Partei. President a Vizepresident sinn Deel vun der exekutiver Branche vun der amerikanescher Regierung. De President nominéiert Kandidate fir op d'Iewescht Gericht vun de Vereenegte Staaten souwéi op Posten an sengem Cabinet. D'Presidentschaftwal ass op den éischten Dënschden nom éischte Méinden am November festgehalen a fënnt all 4 Joer statt.

Déi legislativ Branche huet zwee Chamberen. De Senat, dee mat enger Majoritéit vun 53 op 100 vun de Republikaner kontrolléiert gëtt, an d'Representantenhaus, wat mat enger Majoritéit vun 232 op 435 vun den Demokraten, der Oppositiounspartei, kontrolléiert gëtt. Wärend all d'Representanten all 2 Joer an hiren Distrikter gewielt musse ginn, ginn d'Senateuren ofwiesselend all 6 Joer gewielt. Déi Wale fannen dann och am November statt.

No der Wal vum 3. November 2020 gouf den eemolege Vizepresident Joe Biden zum President gewielt an huet soumat fir di éischte Kéier säit 1992 en amtéierenden US-President besiegt. De President-elect Biden wäert den 20. Januar 2021, d'Roll vum President Trump iwwerhuelen, genee sou wéi d'Vice-President-elect Kamala Harris déi vum Mike Pence iwwerhëlt.

Geschicht[änneren | Quelltext änneren]

Kolonisatioun vun de Briten (1585-1775)[änneren | Quelltext änneren]

1585 war en éischte Versuch vun England mat der Kolonie Roanoke, déi 5 Joer méi spéit verschwonnen ass. Eréischt am Abrëll 1607 gouf Jamestown am aktuelle Bundesstaat Virginia gegrënnt, wat als déi éischt permanent englesch Siidlung an Nordamerika gëllt. Aus verschiddene Siidlungen an Dierfer op der Atlantikküst sinn déi Dräizéng Kolonien, oder och Thirteen Colonies, an den aktuelle Staaten New Hamphire, Massachusetts, Rhode Island, Connecticut, New York, Pennsylvania, New Jersey, Delaware, Maryland, Virginia, North Carolina, South Carolina an Georgia entstanen. Dës Kombinatioun aus Nord- a Südstaaten féiert zu engem spéidere Konflikt ëm d'Sklaverei.

No dem Siwejärege Krich huet Groussbritannien eng englesch Dominanz um Nordamerikanesche Kontinent erschaf mat den Dräizéng Kolonien, der Louisiane a Kanada. Mä d'Awunner an den Dräizéng Kolonien sinn net frou mat de Steieren souwéi mat der feelender Representatioun am Parlament zu London.

Amerikanesch Onofhängegkeet (1775-1783)[änneren | Quelltext änneren]

Den 19. Abrëll 1775 ass den Amerikaneschen Onofhängegkeetskrich ausgebrach. Mat der Hëllef vu Frankräich, Holland a Spuenien konnten déi brittesch Arméie geschloe ginn an eng onofhängeg Federatioun gouf de 4. Juli 1776 deklaréiert. An der Stad Philadelphia koumen ënner anerem den George Washington, Benjamin Franklin, Thomas Jefferson an den James Madison bei ville Geleeënheeten zesumme fir d'Zukunft vun der neier Natioun ze bestëmmen. Déi Personnagë ginn an Amerika dacks als the Founding Fathers bezeechent. Do gouf ënner anerem bestëmmt, datt déi Federatioun eng Republik a kee Kinnekräich gëtt.

D'Enn vum Amerikaneschen Onofhängegkeetskrich war den 3. September 1783 mam Traité vu Paräis (1783).

Den George Washington gouf an der éischter Presidentschaftswal vun Amerika (1788-1789) zum éischte President vun de Vereenegte Staate vun Amerika gewielt.

Bis zum Krich vun 1812 (1783-1815)[änneren | Quelltext änneren]

Ennerlech Reformen[änneren | Quelltext änneren]

An der Period nom Enn vum Onofhängegkeetskrich bis an en éischten Deel vum 19. Joerhonnert huet déi jonk Natioun op verschidden Aart a Weis missen hier nei Prinzippien a Gesetzer entweder ëmsetzen oder och änneren. Dofir haten d'Auteure vun der Konstitutioun Amendments virgesinn, Ännerunge fir an der Zukunft d'Konstitutioun un di aktuell Lag am Land unzepassen. Och Decisioune vum Ieweschte Geriicht hu vill dozou bäigedroen fir d'Zukunft vun den USA ze bestëmmen. E puer vun deenen Ereegnisser zu dëser Zäit sinn:

  • Marbury v. Madison (1803), féiert zu enger Expansioun vun der Muecht vum Ieweschte Geriicht vun de Vereenegte Staaten an deem d'Geriicht an der Lag ass, Gesetzer déi vum Amerikanesche Kongress gewielt goufen ze annuléieren an als net konstitutionell ugesi kënne ginn.
  • Gibbons v. Ogden (1824), eng Decisioun vum Ieweschte Geriicht wat d'Muecht vun der federaler Regierung erweidert an dem sinn déi final Entscheedung huele soubal eng Dispute tëschent 2 Staaten optrëtt.
  • Amendments 1 bis 10 (1789-1791), Deel vum Bill of Rights, garantéiere ënner anerem perséinlech Fräiheete wéi Pressefräiheet, Reliounsfräiheet (1st Amendment) oder och d'Fräiheet Waffen ze droen (2nd Amendment). Déi Amendments hunn als Ziel eng Tyrannei ze verhënneren. Och gëtt den Arbitrage vu Verhaftunge verbueden, esou dass jiddwereen e Recht op e gerechten a schnelle Prozess huet (6th Amendment), genee wéi och Hausduerchsuchungen ouni Grond (Fourth Amendment).

Den neie politesche System gëtt och ausgetest mat der Wal vum John Adams, Nofollger an zweete President vun den USA, deen an der Wal vun 1800 géint säi Vizepresident Thomas Jefferson verléiert. Doropshi gouf et fir déi éischte Kéier eng friddlech Transitioun tëschent 2 géigneresch Parteien, eng Traditioun déi, zesumme mat der Entscheedung vum President Washington keng drëtte Kéier vir d'Presidentschaftswalen unzetrieden, als fundamentalen Deel vun der jonker Demokratie ugesi gëtt.

Krich vun 1812[änneren | Quelltext änneren]

Ekonomie[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]


Commons: United States – Biller, Videoen oder Audiodateien