Gemeng Wëntger

Dësen Artikel beschäftegt sech mat der lëtzebuergescher Gemeng am Kanton Klierf. Fir déi däitsch Stad an der Verbandsgemeng Saarburg, kuckt wgl. Wëncher.

Gemeng Wëntger
Märei vu Wëntger
An anere Sproochen	fr: Wincrange de: Wintger
Land	Lëtzebuerg
Kanton	Kanton Klierf
Chef-lieu	Wëntger
Buergermeeschter	Lucien Meyers (CSV)
Awunner	4.916
	1. Januar 2024
Fläch	111,36 km²
Héicht	490 m
Koordinaten	50° 03’ 12’’ N       05° 54’ 52’’ O
LAU-Code	LU0502
Websäit	https://wincrange.lu

D'Gemeng Wëntger ass eng vun den 100 lëtzebuergesche Gemengen. Se läit am Kanton Klierf. De Chef-lieu vun der Gemeng ass d'Uertschaft Wëntger vun där se och hiren Numm huet.

Geographie

Am Nord-Weste vum Éislek op engem Plateau tëscht 450 a 523 m am Kanton Klierf läit d'Gemeng Wëntger mat 27 Dierfer. Mat enger Fläch vun 113,68 km², ass se flächeméisseg déi gréisst Gemeng am Grand-Duché. D'Gemeng grenzt am Norden un Ëlwen, am Nord-Osten u Wäiswampech, am Osten u Klierf am Süden u Wanseler a Wolz an am Westen un d'Belsch.

Uertschaften a Lieu-diten an der Gemeng

• Uertschaften an der fréierer Gemeng Aasselbuer:
  • Aasselbuer
  • Boxer
  • Maulesmillen
  • Rëmeljen
  • Saassel
  • Stackem
  • Uschler
• Uertschaften an der fréierer Gemeng Béigen:
  • Béigen
  • Deewelt
  • Diänjen
  • Heesdref
  • Kréindel
  • Lëllgen
  • Tratten
  • Wëntger
  • Lenzweiler
• Uertschaften an der fréierer Gemeng Helzen:
  • Helzen
  • Houfelt
  • Leeresmillen
  • Neimillen
  • Weiler
• Uertschaften an der fréierer Gemeng Uewerwampech:
  • Allerbuer
  • Bruechtebaach
  • Déierbech
  • Nidderwampech
  • Uewerwampech
  • Schëmpech
• Häff a Lieu-diten an der fréierer Gemeng Aasselbuer:
  • Aasselbuerer Millen
  • Éimeschbaach-Aasselbuer
  • Éimeschbaach-Stackem
  • Bockmillen
  • Pafemillen
• Häff a Lieu-diten an der fréierer Gemeng Béigen:
  • Hannerhaassel
  • Antoniushaff
  • Trätter Strooss

Geschicht

D'Gemeng Wëntger ass den 1. Januar 1978 aus der Fusioun vun de Gemengen Aasselbuer, Béigen, Helzen an Uewerwampech entstanen. Déi éischt 3 vun dëse Gemenge louchen am Klierfer Kanton, Uewerwampech huet zum Wëlzer Kanton gehéiert; déi nei Fusiounsgemeng gehéiert zum Kanton Klierf.

Bei där Fusioun, goufe 7 ha 88 a aus der Sektioun B vun Aasselbuer bei d'Gemeng Ëlwen geprafft.

D'Uertschaft Wëntger huet virun der Fusioun zur Gemeng Béigen gehéiert.

Odonymie

De 25. Februar 2019 kruten d'Stroossen an allen Dierfer vun der Gemeng Wëntger, als lescht am Land, offiziell Odonymmen. Virdrun hat all Haus nëmmen eng Nummer. D'Nimm vun de Stroosse sinn all op Lëtzebuergesch an et gouf op déi lokal Aussprooch opgepasst. Sou heescht z. B. d'Haaptstrooss zu Kréindel an Hannerhaassel „Duarrefstrooss“ iwwerdeems et zu Helzen an Houfelt „Duärrefstrooss“ ass.

Entwécklung vun der Awunnerzuel

Quell:STATEC

Wopen

Beschreiwung am Originaltext: d'or à la colonne à perron surmontée d'une globe sommé d'une croix, le tout de sable, au chef de gueules au cor contourné d'or accosté de deux fleurs de lis d'argent D.C. 30. Juli 1982 - A.M. 23. August 1982 - Mémorial B 1982, Säit 840 - Projet: Jean-Claude Loutsch 1982

Politik

De Gemengerot vun der Gemeng Wëntger gëtt nom Proporzsystem gewielt. E besteet aus 11 Conseilleren.

Zesummesetzung
D'Majoritéitskoalitioun am Gemengerot ass fett geschriwwen

Joer	ADR	CSV	DP	LSAP
2005	1	5	4	1
2011	1	5	2	3
2017	1	4	2	4
2023	1	4	2	4

Quell: Inneministère / RTL.lu / elections.lu

Buergermeeschteren

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

• 1978 - ...: ...
• ...
• 1993 - 2005: Agnès Durdu
• 2005 - 2023: Marcel Thommes
• zanter 2023: Lucien Meyers (CSV)

Interkommunal Syndikater

D'Gemeng Wëntger ass Member vu follgenden interkommunale Syndikater:

• DEA
• Maison de retraite Clervaux
• Naturpark Our
• SICLER
• SIDEC
• SIDEN
• SIGI
• SYVICOL

Bekannt Leit aus der Gemeng

• Charles Becker (gebuer 1881 zu Uewerwampech), Enseignant a Schrëftsteller
• Roger Bertemes (gebuer 1927 zu Béigen), Moler a Graphiker
• Charles Bivort (gebuer 1845 zu Tratten), Entreprener, Schrëftsteller an Erfinder
• Pierre Burggraff (gebuer 1803 zu Tratten), Universitéitsprofesser
• Johan Caspar de Cicignon (gebuer ëm 1625 zu Uewerwampech), Militäringenieur, Militär, Urbanist
• Jean Mathieu Conzemius (gebuer 1775 zu Stackem), Klengadelegen an Offizéier
• Gaspard Krettels (gebuer 1918 zu Boxer), Geeschtlechen, Enseignant, Journalist a Schrëftsteller
• Nicolas Mathieu (gebuer 1880 zu Déierbech), Politiker
• Bernard-Hubert Neuman (gebuer 1818 zu Béigen), Jurist a Politiker
• Roby Treis (gebuer 1946 zu Boxer), Vëlossportler
• Nic Weber (gebuer 1926 zu Bruechtebaach), Journalist, Publizist a Schrëftsteller
• Jean Weicherding (gebuer 1843 zu Bruechtebaach), Geeschtlechen an Auteur
• Willy Wenkin (gebuer 1920 zu Weiler), Resistenzler an der belscher Resistenzgrupp B2
• Nico Wennmacher (gebuer 1947 zu Diänjen), Politiker a Gewerkschaftler
• Jean Winkin (gebuer 1905 zu Uewerwampech), Bauer a Politiker

Kuckeswäertes an der Gemeng

Bauerenhaff mat Kapell zu Weiler

• D'Klaus zu Helzen
• Den Altor aus der Klaus vun Helzen an der Parkierch zu Helzen
• D'Kierch zu Houfelt
• De Kanal zu Houfelt, en Deel vum Meuse-Musel-Kanal
• Klouschter op der Pafemillen
• D'Auschwitz-Monument op der Pafemillen
• Bauerenhaff mat Kapell zu Weiler
• Halifax-Monument op der Maulesmillen

Kuckt och

• Lëscht vun den nationale Monumenter an der Gemeng Wëntger 0
• Naturschutzgebitt Ramescher
• La traversée des pays et des âges, e belsch-lëtzebuergesche Wanderwee deen duerch d'Gemeng Wëntger leeft
• Bemierkenswäert Lannen zu Diänjen
• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Wëntger – Biller, Videoen oder Audiodateien

• Offiziell Säit vun der Gemeng Wëntger
• D'Gemeng Wëntger op der Websäit vum Syvicol