Portal:Franséisch Revolutioun
|
|
Portal vun der Franséischer Revolutioun |
« C'est une révolte ? » - « Non, Sire, c'est une révolution. »
D'Franséisch Revolutioun beschreift eng Period a Frankräich vu 1789 (Stuerm op d'Bastille) bis 1799 (Coup d'État vum 18. an 19. Brumaire) an där d'Monarchie ofgeschaf an eng Republik installéiert ginn ass. An der franséischer Historiographie ass d'Revolutioun d'Trennungslinn tëschent Neizäit (« époque moderne ») an Zäitgeschicht (« époque contemporaine ») an ass domadder eng vun de wichtegsten Zäsure vun der europäescher Geschichtsschreiwung.
Fir d'éischte Kéier an der europäescher Geschicht, zënter der Antikitéit, gouf de Prinzip selwer vun engem monarchistesche Regime iwwerworf. Bei der englescher Revolutioun (Cromwell) war et alleng ëm d'Persoun vum Kinnek gaang, an net ëm de Regime an sech. De groussen Impakt vun der Franséischer Revolutioun kënnt och duerch d'Kricher déi e groussen Deel vun Europa betraff hunn, der Grënnung vu Schwëster-Republiken. Duerch d'Revolutioun goufen och vill Iddie vun de Lumières a ganz Europa verbreet.
D'Franséisch Revolutioun markéiert d'Enn vum Ancien Régime an engem Land, dat bis dohinner fir seng absolutistesch Kinneke berühmt war (virun allem de Louis XIV.).
Nach haut ass d'Franséisch Revolutioun en Thema wat ënner Historiker ëmstridden ass, net zulescht wéinst de Grausamkeete vun der Terreur an dem Wee deen si ageschloen huet.
D'Franséisch Revolutioun huet och zu déiwen Divisiounen tëscht den Unhänger vun de revolutionären Iddien an de Verdeedeger vun der aler Uerdnung gefouert, den Antiklerikalen an der kathoulescher Kierch.
.jpg)
Aner PortalerGeschicht: Antikitéit · Mëttelalter · Neizäit · Zäitgeschicht  |
