Gare Rëmeleng
 D'Kappgare Rëmeleng (2006) | |
| ass eng | Kappgare |
|---|---|
| Status | am Gebrauch |
| opgaang | 15. Juli 1900 |
| Lag vun der Statioun | |
| Land | Lëtzebuerg |
| Gemeng | Rëmeleng |
| Uertschaft | Rëmeleng |
| Koordinaten | 49°27'37"N, 6°1'57"O |
| Reseau | |
| Statiounscode | Ru |
| Bedreiwer | CFL |
| Reseau | CFL-Zuchreseau |
| P.K. | 9,980 km |
| Gleiser | 2 |
| Gleiser mat Quai | 1 |
| Passagéier/Joer | 8.077 |
| (2022) | |
| Nopeschstatioun(en) | Gare Téiteng |
| Websäit | https://www.cfl.lu/fr-FR/network/station/Gare-de-Rumelange |
 | |
 Lag vun der Gare Rëmeleng | |
D'Gare Rëmeleng ass eng Kappgare vun der Lëtzebuerger Eisebunn. Se läit um ëstleche Wupp vum Zentrum vu Rëmeleng, an der Gemeng mam selwechten Numm.
D'Gare ass den Terminus vun der Niewelinn Näerzeng - Rëmeleng vun der Linn Lëtzebuerg - Esch-Uelzecht - Rodange vum CFL-Zuchreseau. Bei der Gare ass e Park & Rail-Parking mat 143 Plazen an dräi spezielle Parkplaze fir Leit mat reduzéierter Mobilitéit.
Geschicht
[änneren | Quelltext änneren]D'Streck Beetebuerg - Näerzeng - Rëmeleng ass den 1. Juni 1860 vun der Compagnie Guillaume-Luxembourg opgemaach ginn. Fir de Persounentrafick bestoung zu Keel just d'Grenzgare Rëmeleng-Ëtteng, ronn 800 m südlech vum Zentrum. D'Gare am Zentrum vu Rëmeleng (Rumelange-Halte) ass de 15. Juli 1900 opgemaach ginn. Dat haitegt Garegebai ass 1963 opgaangen, awer eréischt 1965 ageweit ginn.
Dat Stéck vun der Rëmelenger Gare bis op Grenzgare gouf den 1. Juni 1996 fir zerguttst zougemaach, den Uschloss a Frankräich ass scho méi laang net méi befuer ginn. Domat ass aus der haiteger Gare eng Kappgare ginn.
D'Lëtzebuerger Streck déi op der Grenz en Uschloss un d'Minièresstreck Rëmeleng-Boulange hat, gouf vun 1996 un demontéiert, nodeems d'Schinnen op der franséischer Säit ewechgerappt gi waren an et esou net méi méiglech war, fir d'Streck jee vu Rëmeleng aus virun ze féieren
D'Barriär an der Entrée vu Rëmeleng (N33 / CR165) konnt och suppriméiert a mat engem Kreesverkéier ersat ginn.
Zich déi an der Gare halen
[änneren | Quelltext änneren](Stand: Mäerz 2025)
Linn Näerzeng ↔ Rëmeleng
[änneren | Quelltext änneren]D'Gare Rëmeleng gëtt just vu méindes bis samschdes an de Spëtzestonnen ugefuer.
Aller
[änneren | Quelltext änneren]| Aus Richtung | Halt virdrun | Zuch | Nächst Halt | A Richtung | ||
|---|---|---|---|---|---|---|
| Näerzeng | Téiteng | RB | Terminus | Rëmeleng | ||
Retour
[änneren | Quelltext änneren]| Aus Richtung | Halt virdrun | Zuch | Nächst Halt | A Richtung | ||
|---|---|---|---|---|---|---|
| Rëmeleng | Terminus | RB | Téiteng | |||
Kuckt och
[änneren | Quelltext änneren]Um Spaweck
[änneren | Quelltext änneren]| Commons: Gare Rëmeleng – Biller, Videoen oder Audiodateien |
- Aktuell Departen an der Gare Rëmeleng
- Praktesch Informatiounen iwwer d'Gare vu Rëmeleng op der CFL-Websäit
- D'Gare Rëmeleng op der Websäit "rail.lu"
- D'Gare Rëmeleng op der Websäit vu Spoorgroep Luxemburg
Referenzen an Notten
[Quelltext änneren]Quelle vum Abschnitt Geschicht:
- Informatiounspanneau bei der Gare
- Federmeyer, E., & Pasquali, Pierre. (2007). Eisenbahnen in Luxemburg. Gernrode Luxembourg: W. Herdam Fotoverl. G.A.R., Band 1, S. 335-359