Gare Belval-Université

Vu Wikipedia
Wiesselen op: Navigatioun, sichen
Gare Belval-Université
Gare Belval-Université 2010-10-17 A.JPG
Streck 6f
PK 12,359
Quaien 1
Gleiser 6 / 2
Uertschaft Belval
Gemeng Esch-Uelzecht
Kanton Esch-Uelzecht
Koordinaten Gnome-globe.svg49° 29’ 59’’ N
     05° 56’ 46’’ O
Websäit CFL.lu
D'Gare vu Südosten aus (Okt. 2010).
Ier dat neit Gebai gebaut gouf: De mëttelste Quai am November 2006. Lénks d'Rockhal.
D'Gebai vun der Gare Belval-Université am Réibau den 22. Oktober 2009.

D'Gare Belval-Université ass eng Gare zu Belval op der CFL-Linn 6 tëscht der Gare Esch-Uelzecht an der Gare Belval-Lycée vun der Lëtzebuerger Eisebunn.

D'Linn 6 féiert vu Lëtzebuerg op Beetebuerg a vun do iwwer Näerzeng op Rëmeleng, respektiv Esch-Uelzecht, vu wou et op Däitsch-Oth respektiv Rodange geet. Vu Beetebuerg féiert d'Linn 6 och nach op Diddenuewen respektiv op Wuelmereng.

De 14. Dezember 2009 gouf Belval un eng nei Verbindung Diddenuewen-Belval-Lonkech agebonnen, déi vun der CFL an der SNCF zesummen exploitéiert gëtt, an déi et de Frontaliere méi einfach maache soll, aus Frankräich op Belval ze kommen.[1]

Geschicht a Gebai[änneren | Quelltext änneren]

Bis de 14. Dezember 2008 huet d'Gare Belval-Usines Rockhal geheescht, an ier d'Rockhal gebaut gouf, Belval-Usines.

Tëscht Mäerz 2008 a September 2010 gouf en neit Garegebai gebaut, eng ronn 200 m, an Direktioun Esch, vun der fréierer Gare ewech. Architekt ass de Jim Clemes. D'Baukäschte waren op 60 Milliounen Euro ugeluecht. D'Gebai huet en Daach, deen aus ETFE-Folie besteet.[2]

Ier d'Gebai, dat dem Architekt no engem Mued oder enger Raup gläiche géif, gebaut konnt ginn, hu missen eng Strooss an Héichspannungskabele verluecht ginn, an souguer d'Grenz tëscht Frankräich a Lëtzebuerg huet misse liicht verréckelt ginn.

Dat neit Gebai gouf den 28. September 2010 a Presenz vum Groussherzog Henri a senger Madame, dem Minister fir Nohalteg Entwécklung an Infrastruktur, Claude Wiseler, dem Verwaltungsrot vun der CFL, Jeannot Waringo, dem CFL-Generaldirekter Alex Kremer, dem Architekt Jim Clemes an de Buergermeeschtere vun Esch a Suessem, ageweit.[3]

D'Entrée ass südlech vun de Gleisen, an der Belvaler Strooss, nieft der Busgare. Et kënnt een och iwwer dräi Passerellen an d'Gare, déi op Pilieren iwwer de Gleiser gebaut ass: vun Norden, vun der Rockhal a vum Belval Plaza hier, vu Süde vum Park & Rail-Parking fir 1.620 Autoen.[2]

D'CFL rechent mat bis zu 32.000 Passagéier, déi do 2020 pro Dag ukommen a fortfuere géifen.[2]

Zich déi an der Gare halen[änneren | Quelltext änneren]

Aus Richtung Halt virdrun Zuch Nächst Halt A Richtung
Lëtzebuerg Esch-Uelzecht   RB
CFL-Linn 60 
  Belval-Lycée Rodange
Lëtzebuerg Esch-Uelzecht   RE
CFL-Linn 60 
  Belval-Lycée
oder Déifferdeng
Rodange
Beetebuerg Esch-Uelzecht   RB
CFL-Linn 80 
  Belval-Lycée Rodange
Beetebuerg Esch-Uelzecht   RE
CFL-Linn 80 
  Belval-Lycée
oder Déifferdeng
Rodange
Diddenuewen Esch-Uelzecht   TER
CFL-Linn 80 
  Déifferdeng Lonkech

Literatur[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]

Commons: Gare Belval-Université‎ – Biller, Videoen oder Audiodateien

Referenzen[Quelltext änneren]

  1. "Thionville - Belval - Longwy: Bahnhof Belval-Université wird mehr und mehr zum regionalen Drehkreuz." wort.lu 15.12.2009 08:12.
  2. 2,0 2,1 2,2 "Großer Bahnhof auf Belval." wort.lu 10.02.2009.
  3. "Zweitgrößter Bahnhof des Landes wird offiziell eröffnet". tageblatt.lu, 28/09/2010 07:47:00; "Futuristische Raupe für die Zukunft Belvals" tageblatt.lu, 28/09/2010 21:47:00. "'Tor zu Belval' eröffnet." wort.lu, 28.09.2010 18:18, aktualiséiert 28.09.2010 20:14. "Belval-Université : le train entre en gare." lequotidien.lu, 29/09/2010 08:40:00. Op rtl.lu sinn och eng sëlleche Fotoe vum René Scho dozou ze gesinn.


Garen op der Linn 6 an op hiren Extensiounen

Lëtzebuerg - Beetebuerg: Lëtzebuerg - Bierchem - Beetebuerg
Beetebuerg - Wuelmereng: Beetebuerg - Diddeleng-Bireng - Diddeleng-Stad - Diddeleng-Zenter - Diddeleng-Schmelz - Wuelmereng
Beetebuerg - Esch: Beetebuerg - Näerzeng - Schëffleng - Esch
Esch - Péiteng: Belval-Université - Belval-Lycée - Belval-Réideng - Bieles-Zolwer - Uewerkuer - Déifferdeng - Nidderkuer - Péiteng
Antenn Rëmeleng: Näerzeng - Keel - Téiteng - Rëmeleng
Antenn Däitsch-Oth: Esch - Däitsch-Oth
Kuckt och: Gare · Rangéiergare · Linn 1 · Linn 3 · Linn 6 · Linn 6c · Linn 6b · Linn 6d · Linn 7 · Linn 80