Euporie (Mound)

Euporie
(Jupiter XXXIV)

Provisoresch oder systematesch Bezeechung	S/2001 J 10
Zentralkierper	Jupiter
Eegenschafte vum Orbit
Grouss Hallefachs	19.304.000 km
Periapsis	16.540.000 km
Apoapsis	22.068.000 km
Exzentrizitéit	0,1432
Ëmlafzäit	550,74 Deeg
Ëmlafvitess	2,54 km/s
Inklinatioun	145,767°
Physikalesch Donnéeën
Mëttleren Duerchmiesser	≈ 2 km
Dicht	2,6 g/cm3
Gravitatioun op der Uewerfläch	0,0180 m/s2
Albedo	0,61
Visuell Magnitude (mag)	17,50
Entdeckung
Entdecker	IFA Hawaii
Entdeckungsdatum	11. Dezember 2001

Den Euporie (oder Jupiter XXXIV) ass ee vun de klengste bekannte baussenzege Mounde vum Planéit Jupiter.

Entdeckung

Den Euporie gouf den 11. Dezember 2001 vun Astronome vun der Universitéit vun Hawaii entdeckt. Den Asteroid krut am Ufank déi virleefeg Bezeechnung S/2001 J 10.

De Mound gouf no der Euporie, enger Duechter vum Zeus aus der griichescher Mythologie genannt.

Bunndaten

De Mound Euporie kreest a 550,74 Deeg op enger mëttlerer Distanz vun 19.304.000 km ëm de Jupiter. D'Bunn huet eng Exzentrizitéit vun 0,1432. Mat enger Inklinatioun vun 145,8° géint de lokale Laplace-Plang ass d'Bunn retrograd, d. h. de Mound beweegt sech géint d'Rotatiounsrichtung vum Jupiter ëm de Planéit.

Wéinst senge Bunneegenschafte gëtt de Mound Euporie zu der Ananke-Grupp, genannt nom Jupitermound Ananke gerechent. Dëse Mound ass de bannenzegste Vertrieder vun där Grupp.

Physikalesch Daten

Den Euporie huet e mëttleren Duerchmiesser vu ronn 2 km. Seng Dicht gëtt op 2,6 g/cm³ geschat. En ass warscheinlech haaptsächlech aus Silikatgestengs opgebaut. Den Euporie huet eng ganz däischter Uewerfläch mat enger Albedo vun 0,04, d. h., nëmme 4 % vum agestraalte Sonneliicht gi reflektéiert. Seng visuell Magnitude ass 23,1^m.

Kuckt och

Portal Astronomie

Um Spaweck

• MPEC 2002-J54: Eleven new Satellites of Jupiter 15. Mee 2002 (Entdeckung)
• MPEC 2003-C53: S/2001 J 10 10. Februar 2003 (Zeréckentdeckung)