City Shopping Bus
.png) | |
.jpg) De City Shopping Bus um Rond-point Robert-Schuman | |
| City Shopping Bus | |
|---|---|
| Bedreiwer | Autobus de la Ville de Luxembourg |
| Bustyp | Midibus, Elektrobus |
| opgaang | Januar 2000 |
| zougemaach | 15. Juli 2023 |
 | |
De City Shopping Bus war eng gratis Busnavett vun de Stater Bussen déi vu Januar 2000 bis de 15. Juli 2023[1] tëscht dem Glacis an der Uewerstad hin an hier gefuer ass.
Geschicht
[änneren | Quelltext änneren]Wéi d'Linn a Betrib geholl gouf, ass se eng Zäit laang bis an d'Groussgaass gefuer. Well et awer an der Foussgängerzon ze enk war, gouf den Trajet dunn no e puer Méint duerch d'Beaumontsgaass verluecht. Well do am Abrëll 2021 eng Foussgängerzon ageriicht gouf, ass och déi Halt nees geréckelt ginn an de Bus huet dunn op der Biederplaz stall gehalen.
De City Shopping Bus gouf zanter Hierscht 2011 mat zwéin elektresche Busse gefuer, d'Linn hat just 2 Bushalten an ass gemenkerhand vu méindes bis samschdes all 10 Minutte gefuer. Vum 1. Abrëll 2017 un, gouf samschdes an och sonndes, wann d'Butteker an der Stad op sinn, e méi groussen Tour gefuer, fir dann och Halten am südlechen Deel vun der Uewerstad unzefueren.
Mam City Shopping Bus sollt et de Leit déi mam Auto an d'Stad komme méi einfach gemaach ginn, fir eng Parkplaz ze fannen: si konnten um Glacis parken a gratis mam Bus an d'Stad fueren.
De 15. Juli 2023 ass d'Linn dunn zougemaach ginn, absënns well et mam Tram an anere Buslinne genuch Verbindungen tëscht dem Glacis an der Uewerstad gëtt.
Entwécklung vum City Shopping Bus
[änneren | Quelltext änneren]- An de Joren 1965 bis 1966 gouf et ënner dem Numm “Parking Service” schonn eng änlech Linn, déi vum Glacis an d'Stad an zeréck gefuer ass (Glacis - Boulevard Royal - rue Notre-Dame - rue du Fossé - Grand-Rue - av. de la Porte-Neuve - Glacis)
- Ënner dem Numm Gare Shopping Bus gouf am September 2007 eng weider gratis Busnavett tëscht dem Garer Quartier an der Uewerstad agesat. Dës Linn gouf awer wéinst Manktem u Clientèle no enger Testphase vu 6 Méint erëm zougemaach[1].
Um Spaweck
[änneren | Quelltext änneren]| Commons: City Shopping Bus – Biller, Videoen oder Audiodateien |
Referenzen an Notten
[Quelltext änneren]- ↑ 1,0 1,1 (fr)City Shopping Bus à partir du 15 juillet 2023 | Ville de Luxembourg. www.vdl.lu Archivéiert de(n) 2023-09-28. Gekuckt de(n) 2023-09-30.