Gare Belval-Université

Gare Belval-Université

Streck

6f

PK

12,359

Quaien

1

Gleiser

6 / 2

Uertschaft

Belval

Gemeng

Esch-Uelzecht

Kanton

Esch-Uelzecht

Koordinaten

49° 29’ 59’’ N
05° 56’ 46’’ O

Websäit

CFL.lu

Ier dat neit Gebai gebaut gouf: De mëttelste Quai am November 2006. Lénks d'Rockhal.

D'Gare Belval-Université ass eng Gare um Belval op der CFL-Linn 6f tëscht der Gare Esch-Uelzecht an der Gare Belval-Lycée vun der Lëtzebuerger Eisebunn.

Bis de 14. Dezember 2008 huet d'Gare Belval-Usines Rockhal geheescht, an ier d'Rockhal gebaut gouf, Belval-Usines.

Geschicht a Gebai

D'Gare Belval-Usines war eng Halt, déi virun allem fir d'Aarbechter vun der Schmelz ageriicht gi war. Si bestoung aus engem Quai an zwéi Glesien. Eng Passerell huet eng Verbindung mam Belval am Norden an der Rue de Belval am Süde gemaach.

Tëscht Mäerz 2008 a September 2010 gouf en neit Garegebai gebaut, eng ronn 200 m, an Direktioun Esch, vun der fréierer Gare ewech. Architekt war de Jim Clemes. D'Baukäschte waren op 60 Milliounen Euro ugeluecht. D'Gebai huet en Daach, deen aus ETFE-Folie besteet.^[1]

Ier d'Gebai, dat dem Architekt no engem Mued oder enger Raup gläiche géif^[2], gebaut konnt ginn, hu missen eng Strooss an Héichspannungskabele verluecht ginn, a souguer d'Grenz tëscht Frankräich a Lëtzebuerg huet misse liicht verréckelt ginn.

Dat neit Gebai gouf den 28. September 2010 a Presenz vum Groussherzog Henri a senger Madame, dem Minister fir Nohalteg Entwécklung an Infrastruktur, Claude Wiseler, dem Verwaltungsrot vun der CFL, Jeannot Waringo, dem CFL-Generaldirekter Alex Kremer, dem Architekt Jim Clemes an de Buergermeeschtere vun Esch a Suessem, ageweit.^[3]

D'Entrée ass südlech vun de Gleiser, an der Belvaler Strooss, nieft der Busgare. Et kënnt een och iwwer dräi Passerellen an d'Gare, déi op Pilieren iwwer de Gleiser gebaut ass: vun Norden, vun der Rockhal a vum Belval Plaza hier, vu Süde vum Park & Rail-Parking fir 1.620 Autoen.^[1]

D'CFL rechent mat bis zu 32.000 Passagéier, déi do 2020 pro Dag ukommen a fortfuere géifen.^[1]

Zich déi an der Gare halen

Aus Richtung	Halt virdrun		Nächst Halt	A Richtung
Lëtzebuerg	Esch-Uelzecht	RB CFL-Linn 60	Belval-Lycée	Rodange
Lëtzebuerg	Esch-Uelzecht	RE CFL-Linn 60	Belval-Lycée oder Déifferdeng	Rodange
Beetebuerg	Esch-Uelzecht	RB CFL-Linn 80	Belval-Lycée	Rodange
Beetebuerg	Esch-Uelzecht	RE CFL-Linn 80	Belval-Lycée oder Déifferdeng	Rodange
Diddenuewen	Esch-Uelzecht	TER CFL-Linn 80	Déifferdeng	Lonkech

De 14. Dezember 2009 gouf um Belval un eng nei Verbindung Diddenuewen-Belval-Lonkech agebonnen, déi vun der CFL an der SNCF zesummen exploitéiert gëtt, an déi et de Frontaliere méi einfach maache soll, aus Frankräich op Belval ze kommen.^[4]

Literatur

Michel Clees, Annick Sinner: D'Gare vu Belval, Éd. Guy Binsfeld, 2008, 23 S., ISBN 978-2-87954-202-7

Kuckt och

Lëscht vun den CFL-Garen

Um Spaweck

Commons: Gare Belval-Université‎ – Biller, Videoen oder Audiodateien

Referenzen

↑ ^1,0 ^1,1 ^1,2 "Großer Bahnhof auf Belval." wort.lu 10.02.2009.
↑ "belval usines". in: magazine. Le magazine du Fonds Belval 3/2004, S.20-25.
↑ "Zweitgrößter Bahnhof des Landes wird offiziell eröffnet". tageblatt.lu, 28/09/2010 07:47:00; "Futuristische Raupe für die Zukunft Belvals" tageblatt.lu, 28/09/2010 21:47:00. "'Tor zu Belval' eröffnet." wort.lu, 28.09.2010 18:18, aktualiséiert 28.09.2010 20:14. "Belval-Université: le train entre en gare." lequotidien.lu, 29/09/2010 08:40:00. Op rtl.lu sinn och eng sëllege Fotoe vum René Scho dozou ze gesinn.
↑ "Thionville - Belval - Longwy: Bahnhof Belval-Université wird mehr und mehr zum regionalen Drehkreuz." wort.lu 15.12.2009 08:12.

[grosser-1] 1,0 ^1,1 ^1,2 "Großer Bahnhof auf Belval." wort.lu 10.02.2009.

[2] "belval usines". in: magazine. Le magazine du Fonds Belval 3/2004, S.20-25.

[3] "Zweitgrößter Bahnhof des Landes wird offiziell eröffnet". tageblatt.lu, 28/09/2010 07:47:00; "Futuristische Raupe für die Zukunft Belvals" tageblatt.lu, 28/09/2010 21:47:00. "'Tor zu Belval' eröffnet." wort.lu, 28.09.2010 18:18, aktualiséiert 28.09.2010 20:14. "Belval-Université: le train entre en gare." lequotidien.lu, 29/09/2010 08:40:00. Op rtl.lu sinn och eng sëllege Fotoe vum René Scho dozou ze gesinn.

[4] "Thionville - Belval - Longwy: Bahnhof Belval-Université wird mehr und mehr zum regionalen Drehkreuz." wort.lu 15.12.2009 08:12.

[1]

[2]

[3]

[4]