1953

19. Joerhonnert | 20. Joerhonnert | 21. Joerhonnert

1948 | 1949 | 1950 | 1951 | 1952 | 1953 | 1954 | 1955 | 1956 | 1957 | 1958

---

Dës Säit befaasst sech mam Joer 1953.

Evenementer

Europa

• 14. Januar: De Ministerpresident Josip Broz Tito gëtt Staatspresident vu Jugoslawien.
• 01. Februar: Bei enger Stuermflut kommen an Holland 1.853 an a Groussbritannien 307 Mënschen ëm d'Liewen.
• 02. Juni: D'Elisabeth II. gëtt an der Westminster Abbey gekréint.
• 17. Juni: Volleksopstand an der DDR.
• 01. Juli: Lëtzebuerger (a Bierger vun anere Memberlänner vum Europarot) brauche kee Visa méi, fir an Däitschland ze reesen.
• 12. August: D'Sowjetunioun léisst hir éischt Waasserstoffbomm explodéieren.
• 06. September: Bei de Bundestagswalen an Däitschland ginn d'Uniounsparteie stäerkste Fraktioun, de Konrad Adenauer bleift Kanzler.

Lëtzebuerg

• 09. Abrëll: Den Ierfgroussherzog Jean vu Lëtzebuerg bestit sech mat der Prinzessin Joséphine-Charlotte vun der Belsch.
• 18. Mee: En neie Fligel vun der Villa Louvigny, dem Sëtz vu Radio Lëtzebuerg, gëtt ageweit.
• 28. Juni: Déi nei Stater Synagog gëtt ageweit.
• 20. September: Déi nees opgebauten Iechternacher Basilika gëtt konsekréiert.
• Oktober: Déi éischt Europäesch Schoul gëtt an der Stad Lëtzebuerg gegrënnt.

Amerika

USA

• 20. Januar: Den Dwight D. Eisenhower fänkt säi Mandat als 34. US President un.

Südamerika

• 14. Juni: A Kolumbien gëtt de President Laureano Gómez Castro vun enger Militärjunta gestierzt.

Asien

• 01. Januar: D'Republik Malediven gëtt ausgeruff.
• 27. Juli: Enn vum Koreakrich.
• 21. August: D'Malediven ginn nees e Sultanat.
• 06. September: De Mohammad Daud („Roude Prënz“) gëtt Premierminister an Afghanistan.

Wëssenschaft & Technik

• 25. Abrëll: De Francis Crick an de James Watson publizéieren hir Entdeckung vun der Duebelhelixstruktur vun der DNA an der Zäitschrëft Nature

Sport

• 22. Mäerz: Déi lëtzebuergesch Foussballnationalequipe spillt zu Biel géint Schwäiz 2:2. Déi zwee Goler fir d'Lëtzebuerger huet de François Muller geschoss.
• 06. Mee: Déi lëtzebuergesch Foussballnationalequipe verléiert zu Valencia 0:2 géint Spuenien.
• 20. September: Déi lëtzebuergesch Foussballnationalequipe verléiert an der Stad Lëtzebuerg am Kader vun der Qualifikatioun fir d'Foussball-Weltmeeschterschaft 1954 1:6 géint Frankräich. De Goler fir d'Lëtzebuerger huet den Antoine Kohn geschoss.
• 28. Oktober: Déi lëtzebuergesch Foussballnationalequipe verléiert zu Dublin am Kader vun der Qualifikatioun fir d'Foussball-Weltmeeschterschaft 1954 0:4 géint Irland.
• 17. Dezember: Déi lëtzebuergesch Foussballnationalequipe verléiert zu Paräis am Kader vun der Qualifikatioun fir d'Foussball-Weltmeeschterschaft 1954 0:8 géint Frankräich.

Gebuer

• 01. Januar: Zoran Janković‎, slowenesche Politiker.
• 02. Januar: Maryse Krier, lëtzebuergesch Schrëftstellerin.
• 03. Januar: Mohammed Waheed Hassan, maledivesche Politiker.
• 10. Januar: Pat Benatar, US-amerikanesch Rock-Sängerin.
• 22. Januar: Jim Jarmusch, US-amerikanesche Regisseur, Dréibuchautor a Filmproduzent.
• 26. Januar: Anders Fogh Rasmussen, dänesche Politiker.
• 26. Januar: Gilles Hoffmann, lëtzebuergesche Schoulmeeschter an Auteur.
• 01. Februar: Roland Schauls, lëtzebuergesche Moler.
• 18. Februar: Charles Muller, lëtzebuergesche Fechter, Metteur en scène a Schauspiller.
• 18. Februar: François Dufour, franséische Baueregewerkschaftler a Produzent vu Biosprodukten.
• 23. Februar: Buffalo C. Wayne, lëtzebuergesche Countrysänger a -komponist.
• 25. Februar: José María Aznar, spuenesche Politiker, Ministerpresident.
• 26. Februar: Paul Schmit, lëtzebuergesche Jurist a Member vum Staatsrot.
• 28. Februar: Paul Krugman, US-amerikaneschen Economist.
• 02. Mäerz: Russell Feingold, US-amerikanesche Politiker.
• 13. Mäerz: François Valentiny, lëtzebuergeschen Architekt.
• 16. Mäerz: Richard M. Stallman, US-amerikaneschen Informatiker a Grënner vun der Free Software Foundation.
• 16. Mäerz: Isabelle Huppert, franséisch Filmschauspillerin.
• 10. Abrëll: Heiner Lauterbach, däitsche Schauspiller.
• 11. Abrëll: Guy Verhofstadt, belsche Politiker a Premierminister.
• 17. Abrëll: Marylène Mischo, lëtzebuergesch Graveuse an Zeechnerin.
• 18. Abrëll: Marc Theis, lëtzebuergesche Fotograf.
• 27. Abrëll: Simone Beissel, lëtzebuergesch Politikerin.
• 29. Abrëll: Guy Greivelding, lëtzebuergesche Gewerkschaftler.
• 06. Mee: Tony Blair, britesche Politiker a Premierminister.
• 13. Mee: Pierre Turci, lëtzebuergesche Foussballspiller.
• 14. Mee: Roger Molitor, lëtzebuergesche Steierexpert a Member vum Staatsrot.
• 15. Mee: Mike Oldfield, Multi-Instrumentalist a Komponist.
• 16. Mee: Pierce Brosnan, iresche Schauspiller.
• 13. Juni: Albert Wildgen, lëtzebuergesche Jurist.
• 20. Juni: Ulrich Mühe, däitsche Schauspiller.
• 21. Juni: Benazir Bhutto, pakistanesch Politikerin.
• 22. Juni: Cyndi Lauper, US-amerikanesch Sängerin a Songschreiwerin.
• 22. Juni: René Weis, lëtzebuergesche Literaturwëssenschaftler an Auteur.
• 01. Juli: Lawrence Gonzi, maltesesche Politiker.
• 01. Juli: Nico Helminger, lëtzebuergesche Schrëftsteller.
• 01. Juli: Jadranka Kosor, kroatesch Politikerin.
• 03. Juli: Carlo Wagner, lëtzebuergesche Politiker.
• 03. Juli: Romain Bausch, lëtzebuergeschen Economist a Manager.
• 11. Juli: Bramwell Tovey, engleschen Dirigent a Komponist.
• 13. Juli: Johnny Clegg, britesche Gittarist, Sänger, Dänzer a Komponist.
• 15. Juli: Jean-Bertrand Aristide, Staatspresident vun Haiti.
• 22. Juli: Ann Vinck, belsch-lëtzebuergesch Molerin.
• 30. Juli: Nico Ries, Kommandant vun der lëtzebuergescher Arméi.
• 19. August: Nanni Moretti, italienesche Regisseur, Produzent a Schauspiller.
• 01. September: Ahmad Schah Massoud, Mujaheddin-Kämpfer am Afghanistan.
• 03. September: Jean-Pierre Jeunet, franséische Regisseur an Dréibuchauteur.
• 04. September: Mariette Schmit, lëtzebuergesch Fechterin.
• 21. September: Reinhard Marx, däitsche Geeschtlechen.
• 22. September: Ségolène Royal, franséisch Politikerin.
• 24. September: Carlo Hommel, lëtzebuergeschen Organist.
• 02. Oktober: Ernest Bai Koroma, Politiker aus Sierra Leone.
• 02. Oktober: Sting, britesche Museker.
• 06. Oktober: Maria Steinmann, däitsch Innenarchitektin a Miwwel-Kënschtlerin.
• 21. Oktober: Peter Mandelson, britesche Politiker.
• 09. November: Romain Michaux, lëtzebuergesche Foussballspiller.
• 14. November: Dominique de Villepin, franséische Premierminister.
• 16. November: Jean Kerger, lëtzebuergesche Professer a Sproochewëssenschaftler.
• 23. November: Bernard Foccroulle, belschen Organist a Komponist.
• 04. Dezember: Jean-Marie Pfaff, belsche Foussballspiller.
• 05. Dezember: Jean Back, lëtzebuergesche Fotograf an Auteur.
• 05. Dezember: Romain Lenertz, lëtzebuergesche Karikaturist an Zeechner.
• 06. Dezember: Tom Hulce, US-amerikanesche Schauspiller.
• 06. Dezember: Anne Schmitt, lëtzebuergesch Schrëftstellerin.
• 08. Dezember: Kim Basinger, US-amerikanesch Schauspillerin.
• 09. Dezember: John Malkovich, US-amerikanesche Schauspiller.
• 10. Dezember: Nicolas Schmit, lëtzebuergesche Politiker.
• 13. Dezember: André Jung, lëtzebuergesche Schauspiller.
• 26. Dezember: Leonel Fernández, Politiker aus der Dominikanescher Republik.
• 28. Dezember: Richard Clayderman, franséische Pianist.

Gestuerwen

• 24. Februar: Gerd von Rundstedt, däitsche Generolfeldmarschall am 2. Weltkrich.
• 05. Mäerz: Sergei Sergejewitsch Prokofjew, russesche Komponist.
• 05. Mäerz: Josef Stalin, sowjeteschen Diktator.
• 05. Mäerz: Guillaume Koener, lëtzebuergeschen Dokter.
• 14. Mäerz: Klement Gottwald, tschechesche Politiker.
• 05. Abrëll: Félix Glatz, lëtzebuergesche Moler.
• 10. Abrëll: Carol II., Kinnek vu Rumänien.
• 16. Mee: Django Reinhardt, franséischen Jazz-Gitarist.
• 30. Mee: Jean-Pierre Pierrard, lëtzebuergesche Politiker.
• 17. Juni: Jean-Pierre Zanen, lëtzebuergeschen Agronom an Auteur.
• 31. Juli: Nikolai Dmitrijewitsch Selinski, russesche Chemiker.
• 13. August: Paul Kemp, däitsche Schauspiller.
• 14. September: Edouard Luja, lëtzebuergesche Biolog, Fuerscher an Entdeckungsreesender.
• 18. September: Charles de Tornaco, belschen Autospilot.
• 28. September: Edwin Hubble, US-amerikaneschen Astronom.
• 29. September: Hubert Clément, lëtzebuergesche Politiker an Zeitungsdirekter.
• 13. Oktober: Sergei Iwanowitsch Beljawski, russeschen Astronom.
• 22. Oktober: Helen Buchholtz, lëtzebuergesch Komponistin.
• 09. November: Dylan Thomas, waliseschen Dichter.
• 09. November: Abd al-Aziz ibn Saud, Grënner vum Kinnekräich Saudi-Arabien.
• 10. November: Joseph Thorn, lëtzebuergesche Jurist a Politiker.
• 27. November: Eugene O'Neill, US-amerikaneschen Theaterschrëftsteller.
• 01. Dezember: Aloyse Hentgen, lëtzebuergesche Politiker.
• 17. Dezember: Nicolas Petit, lëtzebuergeschen Architekt.
• 23. Dezember: Pierre Dupong, lëtzebuergesche Politiker.

• Beniamin Pawlowitsch Schechowski, russesch-franséischen Astronom.

Commons: 1953 – Biller, Videoen oder Audiodateien