Dräikinneksgaass

Vu Wikipedia
Wiesselen op: Navigatioun, sichen
Rue Chimay
Luxembourg - rue Chimay Dräikinneksgaass - nom de rue.jpg
Numm lb: Dräikinneksgaass
fr: Rue Chimay
Fréieren Numm fr: rue de la Concorde
de: Dreikönigsgasse
Längt ca. 115 m
Gemeng Lëtzebuerg
Uertschaft Lëtzebuerg
Quartier Uewerstad
Postcode 1333
Koordinaten 49° 36’ 37.88’’ N
     06° 07’ 46.68’’ O
D'Dräikinneksgaass, no Norden hi gekuckt.

D'Dräikinneksgaass (offiziell: Rue Chimay) ass eng Strooss an der Uewerstad vun der Stad Lëtzebuerg, déi d'Plëss d'Arem iwwer d'Ënneschtgaass mam Boulevard Roosevelt verbënnt.

Ënner de Fransousen huet dës Strooss rue de la Concorde geheescht; während der däitscher Besatzung: Dreikönigsstraße[1].

D'Strooss gouf ëm d'Mëtt vum 17. Joerhonnert ugeluecht; virdru waren do virun allem Gäert.

Nimm[änneren | Quelltext änneren]

Den Numm Rue Chimay geet zréck op de Philipp de Croy, Prënz vu Chimay an Arenberg, dee vu 1654 bis zu sengem Doud, 1675, Gouverneur vum Herzogtum Lëtzebuerg war.

1671/72 goufen op Uerder vum Generalgouverneur vun den Nidderlanden Monterrey an dem Generol de Louvignies eng ganz Rëtsch Haiser ë. a. am Biisserwee, am Grënnerbierg an am Pafendaller Bierg ofgerappt, fir d'Festung auszebauen. D'Leit kruten neier am Zentrum vun der Stad an neie Stroossen, déi op dofir confisquéierten Terraine gebaut goufen: d'Montereysavenue, d'Louvignysgaass an och d'Chimaysgaass.[2]

Den Numm Dräikinneksgaass sengersäits geet op eng Bäckerei zréck, déi iwwer dem Buttek eng Figuregrupp mat den Dräi Kinneken hänken hat. 1768 hat sech de Bäckermeeschter Hilaire Houver op Nummer 5 an der Chimaysgaass niddergelooss an als Hausschëld d'Motiv vun den Dräi Kinneke gewielt. Et houng do bis 1919, ier et duerch en anert ersat gouf, dat dunn awer nom Krich ewechgemaach gouf. D'Schëld aus dem 18. Joerhonnert huet bis haut iwwerlieft an ass an der Sammlung vum Staatsmusée.[3]

Haiser[änneren | Quelltext änneren]

Eenzel Haiser an der Dräikinneksgaass stinn zanter dem 5. Mee 1978 op der Lëscht vum Zousazinventaire vun de klasséierte Monumenter:

Déi zwee Haiser, déi den Eck mat der Plëss d'Arem maachen (Place d'Armes Nummer 5 a 7), sinn als Nationalmonumenter klasséiert:

Bekannt Bewunner[änneren | Quelltext änneren]

Nieft dem schonn ernimmten Antoine Meyer ass an der Dräikinneksgaass de Léon Moulin op d'Welt komm an de Paul Eyschen gestuerwen.

Um Spaweck[änneren | Quelltext änneren]

Commons: Dräikinneksgaass – Biller, Videoen oder Audiodateien

Referenzen an Notten[Quelltext änneren]

  1. Guy May, 2002. Die Straßennamen der Stadt Luxemburg unter deutscher Besatzung (1940-1944). Ons stad 71: 30-32.
  2. Jemp Kunnert: "Moments d'urbanisme. In: ons stad 21, 1986, S.2-5.
  3. "Woher stammt der Name „Dräikinneksgaass“?" Encart an: ons stad 103/2013, S.9.