Montée Saint-Crépin

Montée Saint-Crépin

Numm	lb: Crispinusbierg fr: Montée Saint-Crépin
Längt	ca. 660 m
Land	Lëtzebuerg
Gemeng	Lëtzebuerg
Uertschaft	Lëtzebuerg
Quartier	Eech
Postcode	1365
Koordinaten	49° 37’ 33,6’’ N       06° 07’ 44.0’’ O

Crispinusbierg, offiziell Montée Saint-Crépin, ass den Numm vun enger Strooss am Quartier Eech an der Stad Lëtzebuerg. Se huet den Numm vum hellege Crispinus, ee vun de Patréiner vun de Gierwer, Suedler a Schouster.

Verlaf

De Crispinusbierg huet säin Ufank an der Victor-Ferrant-Strooss, op enger Héicht vun 251 m a féiert da parallel mat der Millebaacher-Strooss a Richtung Osten, dréint dann no riets a verleeft parallel mam Eecher Bierg als Sakgaass a Richtung Süden. Beim Haus 9 hält d'Strooss op an et féiert just nach e Fousswee mat Trape bis op den Eck vun der Glacis-Strooss mat der Piffkaul. En anere Wee, dee biergof an den Eecher Bierg féiert ass zanter 2011/12 gespaart well d'Gefor besteet, datt do eng Stëtzmauer zesumme fale kéint.

Biller

• 
  Am Crispinusbierg, a Richtung Norde gekuckt
• 
  D'Haus 25 am Crispinusbierg
• 
  Schrebergäert am Crispinusbierg
• 
  De Wee fir an den Eecher Bierg ass gespaart

Um Spaweck

Commons: Montée Saint-Crépin – Biller, Videoen oder Audiodateien