Sosthène-Weis-Strooss

Rue Sosthène-Weis

Numm	lb: Neie Wee fr: Rue Sosthène-Weis
Fréieren Numm	fr: Rue Neuve (bis 1925), rue des Rochers
Längt	ca. 855 m
Land	Lëtzebuerg
Gemeng	Lëtzebuerg
Uertschaft	Lëtzebuerg
Quartier	Gronn, Pafendall
Postcode	2722
Koordinaten	49° 36’ 39.2’’ N       06° 08’ 07.3’’ O
Genannt no	Sosthène Weis

Verlaf vun der Sosthène-Weis-Strooss (bloe Stréch). Quell: Open street map.

D'Sosthène-Weis-Strooss, och nach Neie Wee, offiziell rue Sosthène-Weis, ass eng Strooss déi de Stadgronn mam Pafendall verbënnt.

Si fänkt un op enger Gafelung mam Gronnbierg (Montée du Grund) an der Plaetisgaass, geet dann, ënne laanscht d'Sandsteefielsen an d'Corniche, ënner der Schlassbréck erduerch an dann op der Pafendaller Säit laanscht den Hang erof bis do, wou se mat der Laurent-Menager-Strooss, dem Pafendaller Bierg an dem Päerdswee zesummekënnt.

D'Van-der-Vekene-Haus ass e bekannt Haus wat direkt um Ufank vun der Sosthène-Weis-Strooss am Gronn läit.

Fréier Nimm

Déi eelst Bezeechnung vun der Sosthène-Weis-Strooss war Neie Wee, offiziell rue Neuve. 1925 gouf den Numm op Felsenstrasse / rue des Rochers geännert, an eréischt 1946 gouf d'Strooss nom lëtzebuergesche Moler an Architekt Sosthène Weis (1872-1941) genannt.

Literatur

• Van der Vekene, Émile, 2009. "L'ancienne Maison van der Vekene au Grund. Essai iconographique." In: Hémecht: Zeitschrift für Luxemburger Geschichte Jg. 61 (H. 3), S.403-424.

Fotoen

• 
  D'Van-der-Vekene-Haus an der Sosthène-Weis-Strooss (2012).
• 
  Um Stroosseschëld huet d'Stad Lëtzebuerg de Kënschtler ee Joer méi laang liewe gelooss.

Um Spaweck

• Kaart mat de Lëtzebuerger Stroossennimm am Pafendall

Commons: Sosthène-Weis-Strooss – Biller, Videoen oder Audiodateien