Krautmaart

Rue du Marché-aux-Herbes

Numm	lb: Krautmaart fr: Rue du Marché-aux-Herbes
Fréieren Numm	lb: Neie Maart fr: Rue du Gouvernement, Rue de de la Trinité de: Krautmarkt (verschidden Deeler, bis 1925)
Längt	ca.210 m
Land	Lëtzebuerg
Gemeng	Lëtzebuerg
Uertschaft	Lëtzebuerg
Quartier	Uewerstad
Postcode	1728
Koordinaten	49° 36’ 39.4’’ N       06° 07’ 56.8’’ O
Genannt no	Kichekraut, Maart

De Krautmaart (offiziell: rue du Marché-aux-Herbes) an der Stad Lëtzebuerg ass eng Plaz, oder éischter eng Strooss, déi am Nordwesten als Verlängerung vun der Groussgaass, op der Kräizung mat der Schigrisgaass (rue du Nord) an der Rue Wiltheim ufänkt an op hirem südlechen Enn iwwer d'Kräizung mat der Waassergaass ewech, an d'Hossegässel (rue du Saint-Esprit) iwwergeet.

Ënner der däitscher Besatzung (1940 - 1944) huet d'Strooss „Krautmarkt” geheescht.

Gebaier

Déi bekanntst Gebaier um Krautmaart sinn de Groussherzogleche Palais an d'Chambersgebai. Och dat eelst Wunnhaus aus der Stad, d'Haus Höcklin von Steinach, steet do vis-à-vis. De Conrotseck, op Nummer 1-3, ass 1989 an den Zousazinventaire vun de klasséiertre Monumenter agedroe ginn. Bis 1779 stoung um Krautmaart, do, wou haut d'Chambersgebai ass, d'Nikloskierch.

• 
  De Krautmaart vun der Waassergaass aus
• 
  Conrotseck
• 
  Haus Höcklin von Steinach
• 
  Groussherzogleche Palais
• 
  Chambersgebai
• 
  Ausgruewungen Nikloskierch vu Lëtzebuerg

Den Numm

De Maart virum Regierungsgebai, ëm 1834. Gravur vum Nicolas Liez.

Den Numm "Krautmaart" kënnt dohier, well d'Leit aus der Ëmgéigend do Kraider a soss Geméis verkaaft hunn. E gouf ufanks Neie Maart genannt, fir e vum Ale Maart, dem haitege Fëschmaaart, z'ënnerscheeden.

"Um Krautmaart" gëtt metonymesch dacks fir d'Chamber, dat Lëtzebuerger Parlament, gebraucht.

Um Spaweck

Commons: Krautmaart – Biller, Videoen oder Audiodateien