Haaptsäit/Op engem/August

All Dag gëtt op der Haaptsäit eng kleng Lëscht vun deene wichtegsten Evenementer gewisen, déi op deem Dag geschitt sinn. Op dëser Säit sinn d'Schabloune vum Mount August.

Juli < < < August > > > September

1. August 10 v. Chr.: De réimesche Keeser Claudius kënnt op d'Welt. 1793: A Frankräich gëtt per Dekret vun der Convention nationale de metresche System agefouert. 1799: Gebuert vun der franséischer Schrëftstellerin Sophie de Ségur. 1819: Den US-amerikaneschen Auteur Herman Melville gëtt gebuer. 1848: D'Regierung de la Fontaine gëtt vereedegt; de Gaspard Théodore Ignace de la Fontaine gëtt éischte lëtzebuergesche Premierminister. 1885: Doud vum britteschen Erfinder an Ingenieur Sidney Gilchrist Thomas. 1909: De Lëtzebuerger François Faber gewënnt den Tour de France. 1924: De polnesch-franséische Physiker Georges Charpak kënnt op d'Welt. 1960: Benin, dat deemools Dahomey housch, gëtt vu Frankräich onofhängeg.	2. August 1834: Gebuert vum franséische Sculpteur Frédéric-Auguste Bartholdi. 1866: De lëtzebuergeschen Architekt Auguste van Werveke gëtt gebuer. 1874: De lëtzebuergesche Politiker Émile Reuter kënnt op d'Welt. 1914: D'Däitscht Räich besetzt dat neutraalt Lëtzebuerg. 1941: Gebuert vum lëtzebuergesch/franséische Biolog an Nobelpräisdréier Jules Hoffmann. 1945: D'Potsdamer Ofkommes gëtt ënnerschriwwen. 1964: Den Tonkin-Incident liwwert den USA d'"Justifikatioun", offiziell an de Vietnamkrich anzetrieden. 1980: Bei engem Bommenattentat op d'Gare vu Bologna, vun enger rietsextremer Grupp ausgefouert, stierwe 85 Mënschen, an op d'mannst 200 ginn der blesséiert.
3. August 1790: Gebuert vum brittesch-belschen Industriellen John Cockerill. 1898: Déi lëtzebuergesch Schrëftstellerin Marie-Henriette Steil kënnt op d'Welt. 1905: Déi mexikanesch Filmschauspillerin Dolores del Río gëtt gebuer. 1914: Éischte Weltkrich: Däitschland erkläert Frankräich de Krich. 1924: Doud vum brittesche Schrëftsteller Joseph Conrad. 1940: Gebuert vum US-amerikanesche Schauspiller Martin Sheen. 1960: Niger gëtt vu Frankräich onofhängeg. 2012: De lëtzebuergesche Schrëftsteller Josy Braun stierft.	4. August 1060: De Philippe I. gëtt mat 8 Joer Kinnek vu Frankräich. 1789: Frankräich: Ofschafe vun de Privilegien a vum Feudalsystem. 1899: Gebuert vum lëtzebuergesche Moler Jean-Pierre Beckius. 1901: Den US-amerikaneschen Jazzmuseker, Trompettist a Sänger Louis Armstrong gëtt gebuer. 1912: Gebuert vum schweedeschen Diplomat Raoul Wallenberg. 1914: Éischte Weltkrich: Däitsch Truppe marschéieren an der Belsch an. Doropshin erkläert Groussbritannien dem Däitsche Räich de Krich. 1933: Doud vum lëtzebuergesch-elsass-loutrengesche Geolog Leopold van Werveke. 1961: Den US-amerikanesche Politiker a President Barack Obama kënnt op d'Welt.
5. August 1772: Polen gëtt tëscht Preisen, Éisträich a Russland opgedeelt. 1850: Gebuert vum franséische Schrëftsteller Guy de Maupassant. 1906: Den US-amerikanesche Filmregisseur John Huston kënnt op d'Welt. 1912: De franséische Geeschtlechen a Grënner vun Hëllefsorganisatiounen Abbé Pierre kënnt op d'Welt. 1930: Gebuert vum US-amerikaneschen Astronaut an éischte Mënsch um Mound Neil Armstrong. 1934: Den US-President Franklin D. Roosevelt gëtt de sougenannten "New Deal" Programm bekannt. 1960: Uewervolta (zanter 1984 Burkina Faso) gëtt onofhängeg vu Frankräich. 1962: Doud vun der US-amerikanescher Schauspillerin Marilyn Monroe.	6. August 1697: Gebuert vum Karl Albrecht vu Bayern, Kurfürst vu Bayern an als Karl VII. Keeser vum Hellege Réimesche Räich. 1806: De Franz II. verzicht op den Titel Keeser vum Hellege Réimesche Räich vun Däitscher Natioun. Dëst hält no 844 Joer op z'existéieren. 1825: De Simón Bolívar erkläert d'Onofhängegkeet vu Bolivien. 1849: De lëtzebuergeschen Dominikanerpater Zephyrin Biever kënnt op d'Welt. 1868: De franséischen Dichter Paul Claudel gëtt gebuer. 1928: Gebuert vum US-amerikanesche Pop-Art-Kënschtler Andy Warhol. 1945: Fir d'éischt Kéier gëtt zu Hiroshima vun der amerikanescher Arméi eng Atombomm gehäit. 200.000 Mënsche stierwen doduerch. 1962: Jamaika gëtt onofhängeg.
7. August 1867: Gebuert vum däitsche Moler Emil Nolde. 1876: Déi hollännesch Dänzerin a Spiounin Mata Hari kënnt op d'Welt. 1900: Doud vum lëtzebuergesch-belsch-franséischen Ingenieur an Erfinder Étienne Lenoir. 1933: Déi US-amerikanesch Politologin an Ekonomistin Elinor Ostrom gëtt gebuer. 1961: De Fonds d'urbanisation et d'aménagement du plateau de Kirchberg gëtt duerch e Gesetz geschaf, fir de Kierchbierg urbanistesch z'erschléissen. 1965: Neit Biergerrecht an den USA, dat och de Schwaarzen d'Walrecht garantéiert. 1999: D'Regierung Juncker-Polfer gëtt vereedegt. 1999: Déi lëtzebuergesch Politikerin an Anti-Atomkraaft-Aktivistin Élisabeth Kox-Risch stierft.	8. August 870: D'Mëttelräich Loutrengen gëtt nom Doud vum Lothar II. duerch den Traité vu Meerssen tëscht dem Westfrankeräich an dem Ostfrankeräich opgedeelt. 1907: Doud vum lëtzebuergesche Journalist an Editeur Jean-Nicolas Moes. 1937: Gebuert vum US-amerikanesche Schauspiller Dustin Hoffman. 1949: Bhutan gëtt vu Groussbritannien onofhängeg. 1956: E Feier an der belscher Kuelegrouf Bois du Cazier mécht 262 Doudeger. 1967: D'ASEAN gëtt gegrënnt. 1974: Den amerikanesche President Richard Nixon kënnegt wéinst der Watergate-Affär säi Récktrëtt un. 2003: Mat 41,5 °C gëtt zu Uewerkuer déi bis ewell héchst Temperatur zu Lëtzebuerg gemooss.
9. August 1516: Doud vum hollännesche Moler Hieronymus Bosch. 1776: Gebuert vum italieenesche Cheemiker a Physiker Amedeo Avogadro. 1939: Déi franséisch Schauspillerin Bulle Ogier kënnt op d'Welt. 1939: Den italieenesche Politiker an EU-Kommmissiounspresident Romano Prodi gëtt gebuer. 1958: Gebuert vum lëtzebuergesche Jesuitepater an Äerzbëschof Jean-Claude Hollerich. 1963: Déi US-amerikanesch Sängerin Whitney Houston kënnt op d'Welt. 1965: Singapur gëtt onofhängeg. 1975: De sowjetrussesche Komponist Dmitri Schostakowitsch stierft.	10. August 1296: De Jang de Blannen, Kinnek vu Béimen an Herzog vu Lëtzebuerg, gëtt gebuer. 1557: Schluecht vu Saint-Quentin. 1863: Gebuert vum lëtzebuergeschen Industriellen Charles Bettendorf. 1874: Den US-amerikanesche Politiker an 31. President vun den USA, Herbert Hoover, kënnt op d'Welt. 1878: Den däitsche Schrëftsteller Alfred Döblin gëtt gebuer. 1896: Doud vum lëtzebuergeschen Entdeckungsreesenden, Botaniker, Zoolog an Auteur Nicolas Funck. 1896: Den däitsche Fluchpionéier Otto Lilienthal stierft. 1942: Doud vum lëtzebuergeschen Theolog Jean-Baptiste Esch.
11. August 480 v. Chr.: An der Schluecht bei den Thermopylen um Ufank vun de Perserkricher schléit déi persesch Arméi ënner dem Xerxes I., déi zéngmol méi staark ass, d'Spartaner ënner dem Kinnek Leonidas I.. 1464: Doud vum däitsche Philosoph, Theolog, Mathematiker a Kierchepolitiker Nicolaus Cusanus. 1678: Frankräich an d'Republik vun de Siwe Vereenegte Provënzen schléissen de Fridde vun Nijmegen, mat deem de Franséisch-Nidderlännesche Krich op en Enn kënnt. 1897: Gebuert vun der englescher Schrëftstellerin Enid Blyton. 1914: Frankräich erkläert Éisträich-Ungarn de Krich. 1948: Den tschechesche Student Jan Palach kënnt op d'Welt. 1960: Den Tschad erkläert seng Onofhängegkeet vu Frankräich. 1999: Total Sonnendäischtert am Süde vu Lëtzebuerg.	12. August 1517: Gebuert vum Péiter Ernest vu Mansfeld, Gouverneur vun den Nidderlanden, vu Bréissel a Lëtzebuerg. 1848: De britteschen Ingenieur George Stephenson stierft. 1881: Den US-amerikanesche Filmregisseur Cecil B. DeMille gëtt gebuer. 1912: Nom Stuerz vun der Qing-Dynastie an dem leschte Keeser, Pu Yi, a China grënnt de Revolutionär Sun Yatsen d'Kuomintang. 1949: De brittesche Museker Mark Knopfler kënnt op d'Welt. 1954: Gebuert vum franséische Politiker François Hollande. 1955: Doud vum däitsche Schrëftsteller a Literatur-Nobelpräisdréier Thomas Mann. 1982: Den US-amerikanesche Filmschauspiller Henry Fonda stierft.
13. August 1814: Gebuert vum schweedeschen Astronom a Physiker Anders Jonas Ångström. 1863: Doud vum franséische Moler Eugène Delacroix. 1899: De brittesche Filmregisseur Alfred Hitchcock kënnt op d'Welt. 1905: Norwegen gëtt vu Schweden onofhängeg. 1914: De spuenesch-baskeschen Tenor Luis Mariano gëtt gebuer. 1918: Gebuert vum brittesche Cheemiker an Nobelpräisdréier Frederick Sanger. 1926: De kubanesche Revolutionär Fidel Castro kënnt op d'Welt. 1961: D'DDR späert den Zougank fir op Westberlin, Ufank vum Mauerbau.	14. August 1196: Doud vum Heinrich IV. (Heng de Blannen), Grof vu Lëtzebuerg. 1817: Gebuert vum däitsche Schrëftsteller Theodor Storm,. 1839: De lëtzebuergesche Gewerkschaftler Joseph Junck kënnt op d'Welt. 1926: De franséische Schrëftsteller (Le petit Nicolas) a Comic-Texter (Astérix) René Goscinny gëtt gebuer. 1934: Gebuert vum franséische Schauspiller Vernon Dobtcheff. 1945: Kapitulatioun vu Japan; Enn vum Zweete Weltkrich. 1965: Déi franséisch Schauspillerin Emmanuelle Béart kënnt op d'Welt. 1966: Déi US-amerikanesch Schauspillerin Halle Berry, gëtt gebuer.
15. August 1769: Gebuert vum franséische Keeser Napoleon Bonaparte. 1900: Déi lëtzebuergesch Schrëftstellerin Ry Boissaux kënnt op d'Welt. 1914: Den 82 Kilometer laange Panamakanal gëtt ageweit. 1925: De kanadeschen Jazz-Pianist Oscar Peterson gëtt gebuer. 1935: Gebuert vun der franséischer Schrëftstellerin an Editrice Régine Deforges. 1947: Indien a Pakistan ginn onofhängeg. 1971: Bahrain kritt seng Onofhängegkeet. 1980: Doud vum lëtzebuergesche Schauspiller Hary Haagen.	16. August 1419: Doud vum Wenzel II. vu Lëtzebuerg ("de Lidderegen"), réimesch-däitsche Kinnek, als Wenzel IV. Kinnek vu Béimen, Kurfürst vun Brandenburg. 1845: Gebuert zu Bouneweg vum franséische Physiker, Erfinder an Nobelpräisdréier Gabriel Lippmann. 1884: De lëtzebuergesch/US-amerikaneschen Erfinder, Editeur a Schrëftsteller Hugo Gernsback kënnt op d'Welt. 1904: Den US-amerikanesche Biocheemiker, Virolog an Nobelpräisdréier Wendell Meredith Stanley gëtt gebuer. 1920: Gebuert vum US-amerikaneschen Dichter a Schrëftsteller Charles Bukowski. 1958: Déi US-amerikanesch Pop-Sängerin a Schauspillerin Madonna kënnt op d'Welt. 1960: Zypern gëtt onofhängeg vu Groussbritannien. 1977: Den US-amerikanesche Rock'n'Roll-Sänger Elvis Presley stierft.
17. August 1887: Gebuert vum Karl I., leschte Keeser vun Éisträich, Kinnek vun Ungarn (Karl IV.) a vu Béimen (Karl III.) 1893: Déi US-amerikanesch Schauspillerin Mae West kënnt op d'Welt. 1919: De lëtzebuergeschen Auteur Pir Kremer gëtt gebuer. 1932: Gebuert vum franséische Cartoonist Jean-Jacques Sempé an dem Schrëftsteller an Nobelpräisdréier aus Trinidad an Tobago, V. S. Naipaul. 1943: Den US-amerikanesche Schauspiller Robert De Niro gëtt gebuer. 1945: Indonesien gëtt onofhängeg. 1953: Déi rumänesch-däitsch Schrëftstellerin an Nobelpräisdréierin Herta Müller kënnt op d'Welt. 1960: D'Republik Gabon gëtt vu Frankräich onofhängeg.	18. August 1227: Doud vum Dschingis Khan, Grënner vum mongolesche Welträich. 1765: Mam Doud vum Franz I. Stephan vu Loutrengen regéiert säi Jong Joseph II. als Keeser vum Hellege Réimesche Räich. 1874: De lëtzebuergeschen Auteur a Politiker Auguste Liesch gëtt gebuer. 1920: Déi US-amerikanesch Schauspillerin Shelley Winters kënnt op d'Welt. 1932: Gebuert vum franséische Virolog Luc Montagnier. 1933: De polnesche Filmregisseur Roman Polański gëtt gebuer. 1937: Gebuert vum US-amerikanesche Schauspiller Robert Redford. 1957: Déi franséisch Schauspillerin Carole Bouquet kënnt op d'Welt.
19. August 1662: Doud vum franséische Philosoph, Physiker a Mathematiker Blaise Pascal. 1743: D'Madame du Barry, Maîtresse vum Louis XV., gëtt gebuer. 1819: De britteschen Erfinder (Dampmaschinn) James Watt stierft. 1848: Gebuert vum franséische Moler Gustave Caillebotte. 1861: De lëtzebuergeschen Auteur Pol Clemen kënnt op d'Welt. 1871: Den US-amerikanesche Fluchpionéier a Fligerbauer Orville Wright gëtt gebuer. 1875: Gebuert vum lëtzebuergesche Sproochfuerscher Joseph Tockert. 1946: Den US-amerikanesche Politiker (42. US-President) Bill Clinton gëtt gebuer.	20. August 1400: De Wenzel II. vu Lëtzebuerg (de Lidderegen) gëtt als däitsche Kinnek vun de Kurfürsten ofgesat. 1915: Doud vum däitsche Cheemiker, Medeziner a Serolog Paul Ehrlich. 1827: Gebuert vum belsche Schrëftsteller Charles De Coster. 1942: Den US-amerikanesche Museker Isaac Hayes gëtt gebuer. 1952: Den däitsche Politiker Kurt Schumacher stierft. 1960: Senegal gëtt vu Frankräich onofhängeg. 1968: Arméie vum Warschauer Pakt intervenéieren an der Tschechoslowakei a maachem dem "Prager Fréijoer" en Enn. 1988: Waffestëllstand tëscht dem Iran an dem Irak, Enn vum Éischte Golfkrich. 1991: Estland erkläert seng Onofhängegkeet vun der Sowjetunioun.
21. August 1501: Doud vum Geeschtlechen, Bëschof an Diplomat François vu Bauschelt. 1830: Gebuert vum lëtzebuergesche Soziolog an Dokter Théophile Funck-Brentano. 1874: De brittesche Komponist Gustav Holst kënnt op d'Welt. 1879: De lëtzebuergeschen Editeur (Tageblatt, Les cahiers luxembourgeois) Paul Schroell gëtt gebuer. 1904: Gebuert vum US-amerikanesche Museker Count Basie. 1963: De Mohammed VI., Kinnek vu Marokko, kënnt op d'Welt. 1967: Bei der Explosioun vun engem Tankcamion, dee mat 47.000 Liter Flësseggas geluede war, zu Maartel, stierwen 22 Leit an eng ganz Rëtsch Haiser gëtt zerstéiert. 1991: Lettland gëtt vun der Sowjetunioun onofhängeg.	22. August 1843: Gebuert vum lëtzebuergesche Ringer a Gewiichthiewer André Hentges. 1862: De franséische Komponist Claude Debussy gëtt gebuer. 1874: Déi lëtzebuergesch Konscht- a Literaturfërderesch Aline de Saint-Hubert kënnt op d'Welt. 1908: De franséische Fotograf Henri Cartier-Bresson gëtt gebuer. 1914: De lëtzebuergesche Politiker Marcel Fischbach kënnt op d'Welt. 1917: Gebuert vum US-amerikanesche Museker John Lee Hooker. 1928: Den däitsche Komponist Karlheinz Stockhausen gëtt gebuer. 2011: Doud vum däitschen Humorist, Zeechner, Schauspiller a Regisseur Vicco von Bülow (Loriot).
23. August 0686: Gebuert vum fränkeschen Hausmeier Karl Martell, Ahnhär vun de Karolenger. 1754: De Louis XVI., Kinnek vu Frankräich, kënnt op d'Welt. 1821: Mexiko gëtt vu Spuenien onofhängeg. 1864: De griichesche Politiker a Regierungschef Eleftherios Venizelos gëtt gebuer. 1912: Gebuert vum US-amerikaneschen Dänzer Gene Kelly. 1939: De Stalin an den Hitler ënnerschreiwen den Däitsch-Sowjeteschen Netugrëffspakt 1962: Trinidad an Tobago gëtt vu Groussbritannien onofhängeg. 1990: D'DDR-Parlament stëmmt dem Bäitrëtt zu der Bundesrepublik Däitschland zou.	24. August 0079: De Vulkan Vesuv brécht aus, Pompeji an Herculaneum ginn zerstéiert. 1313: Doud vum Heinrich VII. vu Lëtzebuerg, Grof vu Lëtzebuerg a Laroche, réimesch-däitsche Keeser. 1572: Baartelméis-Massaker: Dausende vun Hugenotte ginn a Frankräich ëmbruecht. 1772: Gebuert vum Wëllem I., Kinnek vun Holland a Groussherzog vu Lëtzebuerg. 1857: De lëtzebuergesch-franséischen Naturfuerscher an Entdeckungsreesende Guillaume Capus gëtt gebuer. 1899: Den argentinesche Schrëftsteller Jorge Luis Borges kënnt op d'Welt. 1989: A Polen gëtt den Tadeusz Mazowiecki éischten net-kommunistesche Premier nom Zweete Weltkrich. 1991: D'Ukrain gëtt onofhängeg.
25. August 1530: Gebuert vum russeschen Zar Iwan de Schrecklechen. 1625: De lëtzebuergesche Missionär, Moler an Auteur Johann Philipp Bettendorff gëtt gebuer. 1744: Den däitschen Dichter, Philosoph, Iwwersetzer an Theolog Johann Gottfried Herder kënnt op d'Welt. 1902: Déi lëtzebuergesch Sproochewëssenschaftlerin Hélène Palgen gëtt gebuer. 1911: De vietnameesesche Generol a Politiker Võ Nguyên Giáp kënnt op d'Welt. 1918: Gebuert vum US-amerikaneschen Dirigent a Komponist Leonard Bernstein. 1930: De brittesche Schauspiller Sean Connery gëtt gebuer. 1964: Doud vum lëtzebuergesche Fotograf Théo Mey.	26. August 1346: An der Schluecht vu Crécy schloen déi zueleméisseg wäit ënnerleeën Englänner d'Fransousen, well si massiv hir Laangbéi asetzen. Bei dëser Schluecht vum Honnertjärege Krich stierft de Jang de Blannen. 1789: Frankräich: Deklaratioun vun de Mënschen- a Biergerrechter. 1830: Ufank vun der Belscher Revolutioun. 1880: De franséische Schrëftsteller Guillaume Apollinaire gëtt gebuer. 1898: D'Konschtsammlerin an Autorin Peggy Guggenheim kënnt op d'Welt. 1890: Doud vum italieenesche Schrëftsteller Carlo Collodi. 1906: Gebuert vum US-amerikanesche Virolog Albert Sabin. 1915: De lëtzebuergesche Schrëftsteller René Engelmann stierft.
27. August 1517: Doud vum Jérôme vu Bauschelt (Jeroen van Busleyden), Conseiller um Grousse Conseil vu Mechelen. 1770: Gebuert vum däitsche Philosoph Georg Wilhelm Friedrich Hegel. 1868: De lëtzebuergesche Kraaftmënsch John Grün kënnt op d'Welt. 1883: De Vulkan Krakatau an Indonesien brécht aus, op d'mannst 36.000 Mënsche stierwen. 1888: De lëtzebuergesche Medeziner a Politiker Charles de Waha gëtt gebuer. 1908: Gebuert vum Lyndon B. Johnson, 36. President vun den USA. 1941: Déi kapverdianesch Musekerin Cesária Évora gëtt gebuer. 1991: Moldawien gëtt onofhängeg.	28. August 1749: Gebuert vum däitsche Schrëftsteller an Naturwëssenschaftler Johann Wolfgang von Goethe. 1826: De lëtzebuergesche Geeschtlechen, Politiker a Journalist Nicolas Breisdorff kënnt op d'Welt. 1884: De lëtzebuergeschen Historiker Camille Wampach gëtt gebuer. 1957: De chineesesche Kënschtler a Mënscherechtler Ai Weiwei kënnt op d'Welt. 1963: De Martin Luther King hält seng berüümt Ried "I have a dream". 1987: Doud vum US-amerikanesche Filmregisseur John Huston. 1988: Op der US-Airbase zu Ramstein rennen 3 Düsefligere bei engem Spektakel aneneen. Ee fält an d'Publikum; et gëtt 80 Doudeger an iwwer 500 Blesséierter. 1997: Dee leschte Lëtzebuerger Héichuewen, den Héichuewe B op Esch-Belval, geet fir ëmmer aus.
29. August 1632: Gebuert vum englesche Philosoph John Locke. 1780: De franséische Moler Jean-Auguste Ingres gëtt gebuer. 1812: De lëtzebuergeschen Architekt a Politiker Théodore Eberhard kënnt op d'Welt. 1857: Gebuert vum lëtzebuergesche Journalist an Editeur Jean-Nicolas Moes. 1915: Déi schweedesch Filmschauspillerin Ingrid Bergman gëtt gebuer; si stierft op den Dag genee 1982. 1920: Den US-amerikanesche Museker Charlie Parker kënnt op d'Welt. 1939: De lëtzebuergesche Gewerkschaftler a Politiker Mario Castegnaro gëtt gebuer. 1958: Gebuert vum US-amerikanesche Museker Michael Jackson.	30. August 1648: Doud vum Jean de Beck, Militär a Gouverneur vum Herzogtum Lëtebuerg an der Grofschaft Chiny. 1797: Gebuert vun der englescher Schrëftstellerin Mary Shelley (Frankenstein). 1852: Den hollännesche Cheemiker an Nobelpräisdréier Jacobus Henricus van 't Hoff gëtt gebuer. 1892: De Moler a Lithograph Nicolas Liez stierft. 1902: De lëtzebuergesche Journalist, Editeur a Schrëftsteller Nicolas Molling kënnt op d'Welt. 1942: Zweete Weltkrich: De Gauleiter Gustav Simon verkënnegt d'Zwangsrekrutéierung vun de Lëtzebuerger vun de Joergäng 1920 bis 1923 an d'däitsch Wehrmacht. 1972: Déi amerikanesch Schauspillerin Cameron Diaz kënnt op d'Welt. 1991: Doud vum Schwäizer Moler a Sculpteur Jean Tinguely.
31. August 0012: Gebuert vum réimesche Keeser Caligula (37 bis 41). 1880: Déi hollännesch Kinnigin Wilhelmina gëtt gebuer. 1929: Gebuert vun der lëtzebuergescher Filmschauspillerin an Dänzerin Germaine Damar. 1942: Generalstreik zu Lëtzebuerg géint déi däitsch Besatzung. 1945: Den israeelesche Violonist Itzhak Perlman kënnt op d'Welt. 1947: De lëtzebuergesche Schrëftsteller Guy Rewenig gëtt gebuer. 1991: Kirgisistan an Usbekistan ginn onofhängeg. 1997: D'Diana Frances Spencer ("Lady Di") stierft bei engem Autosaccident.