Haaptsäit/Op engem/Oktober

All Dag gëtt op der Haaptsäit eng kleng Lëscht vun deene wichtegsten Evenementer gewisen, déi op deem Dag geschitt sinn. Op dëser Säit sinn d'Schabloune vum Mount Oktober.

September < < < Oktober > > > November

1. Oktober 1603: De Jesuitekolléisch, de spéideren Athenäum, gëtt an der Stad Lëtzebuerg ageweit. 1685: Gebuert vum Karel VI., Réimesch-däitsche Keeser an Herzog vu Lëtzebuerg. 1865: De franséische Komponist Paul Dukas kënnt op d'Welt. 1866: Den US-amerikaneschen Zänndokter Bernard J. Cigrand, Grënner vum Flag Day, gëtt gebuer. 1935: Gebuert vun der brittescher Sängerin a Schauspillerin Julie Andrews. 1938: däitsch Truppe marschéieren an d'Sudeteland an. 1949: D'Volleksrepublik China gëtt gegrënnt. 1960: Nigeria gëtt onofhängeg.	2. Oktober 1847: Gebuert vum däitsche Räichspresident Paul von Hindenburg. 1852: De schottesche Cheemiker William Ramsay gëtt gebuer. 1869: Den indesche Politiker a Mënscherechtskämpfer Mahatma Gandhi kënnt op d'Welt. 1890: Gebuert vum US-amerikanesche Komiker a Schauspiller Groucho Marx (Marx Brothers). 1904: Den englesche Schrëftsteller Graham Greene gëtt gebuer. 1917: De belsche Biocheemiker an Nobelpräisdréier Christian de Duve kënnt op d'Welt. 1987: Déi US-amerikanesch-englesch Schauspillerin Madeleine Carroll stierft. 1999: Doud vum däitsche Schrëftsteller Heinz Günther Konsalik a vum lëtzebuergesche Fotograf Marcel Schroeder.
3. Oktober 1817: Gebuert vum lëtzebuergesche Geeschtlechen a Geolog Nicolas Wies. 1889: De Journalist a Friddensnobelpräisdréier Carl von Ossietzky gëtt gebuer. 1897: De franséische Schrëftsteller Louis Aragon kënnt op d'Welt. 1920: Gebuert vum lëtzebuergeschen Auteur a Chronist Will Reuland. 1925: Den US-amerikanesche Schrëftsteller Gore Vidal gëtt gebuer. 1932: Den Irak gëtt vu Groussbritannien onofhängeg. 1990: D'Bundesländer um Territoire vun der fréierer DDR trieden der Bundesrepublik Däitschland bäi (Däitsch Erëmvereenegung). 2004: Doud vun der US-amerikanescher Schauspillerin Janet Leigh.	4. Oktober 1669: Doud vum hollännesche Moler Rembrandt van Rijn. 1830: D'belsch Revolutiounsregierung proklaméiert d'Onofängegkeet vun der Belsch vun Holland. 1859: De Feierwon gëtt fir d'éischt Kéier gesongen, an dat zur Feier vum éischten Zuch, deen aus der Gare vun der Stad ofgepaff gëtt. 1895: Gebuert vum US-amerikanesche Filmschauspiller a Regisseur Buster Keaton. 1910: De portugisesche Kinnek Manuel II. gëtt gestierzt; Enn vun der Monarchie a Portugal. 1915: Déi lëtzebuergesch Politkerin Madeleine Frieden-Kinnen kënnt op d'Welt. 1924: Den US-amerikanesche Schauspiller Charlton Heston gëtt gebuer. 1957: D'Sowjetunioun schéisst mam Sputnik 1 den éischte Satellit op seng Tier ronderëm d'Äerd.
5. Oktober 1713: Gebuert vum franséische Schrëftsteller Denis Diderot. 1859: De Grondstee vun der Aler Bréck an der Stad Lëtzebuerg gëtt geluecht. 1908: Éisträich-Ungarn annektéiert Bosnien an Herzegowina. 1908: Bulgarien erkläert seng Onofhängegkeet vum Osmanesche Räich. 1926: De lëtzebuergesche Comiczeechner Gab Weis gëtt gebuer. 1936: Den tschechesche Schrëftsteller a Staatspresident Václav Havel kënnt op d'Welt. 1965: Doud vum lëtzebuergesche Sculpteur Claus Cito (Gëlle Fra). 1975: Gebuert vun der brittescher Schauspillerin Kate Winslet.	6. Oktober 0877: Doud vum fränkesche Keeser Charles dem Plakkapp. 1773: Gebuert vum Louis-Philippe, dem leschte Kinnek vu Frankräich. 1887: De franséisch-Schwäizer Architekt Le Corbusier kënnt op d'Welt. 1897: De lëtzebuergesche Moler a Sculpteur Léon Nosbusch gëtt gebuer. 1908: Gebuert vun der US-amerikanescher Schauspillerin Carole Lombard. 1973: Ufank vum Jom-Kippur-Krich: Egypten a Syrien gräifen d'israeelesch Front un. 1981: Den egyptesche Staatschef Anwar as-Sadat gëtt ermuert; de Vizepresident Husni Mubarak gëtt säin Nofollger. 1989: Déi US-amerikanesch Schauspillerin Bette Davis stierft.
7. Oktober 1849: Doud vum US-amerikanesche Schrëftsteller Edgar Allan Poe. 1885: Gebuert vum dänesche Physiker Niels Bohr. 1929: Déi lëtzebuergesch Fraendoktesch Marie-Paule Molitor-Peffer kënnt op d'Welt. 1931: De südafrikanesche Bëschof Desmond Tutu gëtt gebuer. 1935: De "Loschbur-Mann", e ronn 8000 Joer aalt mënschtlecht Sklett, gëtt am Mëllerdall entdeckt. 1947: Gebuert vun der franséischer Sängerin France Gall. 1952: De russesche Politiker a President Wladimir Putin gëtt gebuer. 2000: De Groussherzog Jean vu Lëtzebuerg dankt zugonschte vu sengem Jong Henri of.	8. Oktober 1604: De lëtzebuergesche Geeschtlechen an Historiker Alexander Wiltheim gëtt gebuer. 1672: Gebuert vum Charles Bernard du Bost-Moulin, hien huet zu Lëtzebuerg d'Gromper agefouert. 1741: De Moler Jean-Louis Gilson (Brudder Abraham vun Orval) kënnt op d'Welt. 1856: Ufank vum Zweeten Opiumkrich tëscht Groussbritannien a Frankräich an dem Keeserräich China. 1949: Déi US-amerikanesch Schauspillerin Sigourney Weaver gëtt gebuer. 1959: Gebuert vum lëtzebuergesche Vëlossportler Claude Michely a vum lëtzebuergesche Graphiker Carlo Schmitz. 1992: Doud vum däitsche Bundeskanzler a Friddensnobelpräisdréier Willy Brandt. 2005: Bei engem Äerdbiewen am Kaschmir, an der Grenzregioun tëscht Pakistan an Indien, komme méi wéi 41.000 Mënschen ëm d'Liewen.
9. Oktober 1547: Gebuert vu spuenesche Schrëftsteller Miguel de Cervantes (Don Quijote) 1757: De franséische Kinnek Charles X. kënnt op d'Welt. 1804: Den Napoleon besicht d'Festung Lëtzebuerg. 1835: De franséische Komponist Camille Saint-Saëns gëtt gebuer. 1880: Gebuert vum lëtzebuergesche Schrëftsteller René Engelmann. 1904: De lëtzebuergesche Moler Jean-Pierre Thilmany kënnt op d'Welt. 1906: De senegaleesesche Politiker a Schrëftsteller Léopold Sédar Senghor gëtt gebuer. 1973: Generalstreik zu Lëtzebuerg.	10. Oktober 1813: Gebuert vum italieenesche Komponist Giuseppe Verdi. 1861: Den norwegesche Fuerscher a Friddensnobelpräisdréier Fridtjof Nansen gëtt gebuer. 1862: De lëtzebuergesche Schmelz-Entreprener Émile Mayrisch kënnt op d'Welt. 1901: Gebuert vum Schwäizer Kënschtler Alberto Giacometti. 1917: Den US-amerikaneschen Jazzmuseker Thelonious Monk gëtt gebuer. 1930: De britteschen Auteur Harold Pinter kënnt op d'Welt. 1941: Déi däitsch Zivilverwaltung muss hir Personenstandsaufnahme ofblosen, mat där se d'Lëtzebuerger wollte soen doen, si wieren "deutsch", wéi s'erausfannen, datt et an enger Majoritéit vun den Äntwerten "3 x Lëtzebuerg" heescht. 1985: Doud vum US-amerikanesche Schauspiller a Regisseur Orson Welles.
11. Oktober 1424: Doud vum Uféierer vun den Hussite Jan Žižka. 1884: Gebuert vun der US-amerikanescher Mënscherechtsaktivistin an Diplomatin Eleanor Roosevelt. 1825: De Schwäizer Dichter Conrad Ferdinand Meyer gëtt gebuer. 1885: De franséische Schrëftsteller François Mauriac kënnt op d'Welt. 1927: Gebuert vun der Joséphine-Charlotte, Prinzessin vun der Belsch a spéider Groussherzogin vu Lëtzebuerg. 1929: Déi Schwäizer Schauspillerin Liselotte Pulver gëtt gebuer. 1946: Den Damian Kratzenberg gëtt als Nazikollaborateur higeriicht. 2006: Beim Zuchaccident zu Zoufftgen komme 6 Leit ëm d'Liewen.	12. Oktober 1544: Gebuert vum Jean Bertels, Abt vun der Abtei Neimënster an Iechternach, Chronist an Historiker. 1576: Doud vum Maximilian II., Keeser vum Hellege Réimesche Räich. 1721: Den Emmanuel Limpach, Abt vun der Abtei Iechternach, kënnt op d'Welt. 1798: De Pedro I., Keeser vu Brasilien, als Pedro IV. Kinnek vu Portugal, gëtt gebuer. 1889: Gebuert vun der US-amerikanescher Diplomatin Perle Mesta. 1915: D'Regierung Mongenast gëtt vereedegt; si bleift just 25 Deeg am Amt. 1931: Zu Rio de Janeiro gëtt d'Christusstatu um Corcovado ageweit, déi vum Heitor Silva Costa entworf gi war. 1935: Den italieenesche Sänger Luciano Pavarotti kënnt op d'Welt.
13. Oktober 0054: Den Nero Claudius Caesar Drusus Germanicus gëtt Réimesche Keeser. 1801: Gebuert vum lëtzebuergeschen Theolog, Kaploun, Archeolog, Historiker, Numismatiker, Auteur a Pedagog Jean Engling. 1806: Den däitsche Cheemiker Otto Unverdorben gëtt gebuer. 1842: De lëtzebuergesche Rousenziichter Evrard Ketten kënnt op d'Welt. 1895: Gebuert vum däitsche Politiker Kurt Schumacher. 1921: De franséische Schauspiller a Chansonnier Yves Montand gëtt gebuer. 1925: Déi brittesch Politikerin Margaret Thatcher kënnt op d'Welt. 1977: D'Lufthansamaschinn Landshut vu Palma op Frankfurt gëtt an den Noen Osten an duerno op Mogadischu entfouert, wou se 5 Deeg drop vun enger däitscher Spezialunitéit befreit gouf.	14. Oktober 1066: Schluecht vun Hastings. 1633: Gebuert vum James II., Kinnek vun England, als James VII. Kinnek vu Schottland. 1809: De lëtzebuergesche Moler a Lithograph Nicolas Liez kënnt op d'Welt. 1890: Gebuert vum US-amerikanesche Generol a President Dwight D. Eisenhower. 1906: Déi däitsch-US-amerikanesch Politologin Hannah Arendt gëtt gebuer. 1912: Dat ëmstriddent Schoulgesetz trëtt zu Lëtzebuerg a Kraaft. 1947: Den Chuck Yeager durchbrécht als éischte Pilot d'Schallmauer. 1964: Den Nikita Chruschtschow gëtt als Staatschef vun der UdSSR a Generalsekretär vun der KPdSU gestierzt. Säin Nofollger gëtt de Leonid Breschnew.
15. Oktober 070 v. Chr.: Gebuert vum réimeschen Dichter Vergil. 1582: De Poopst Gregor XIII. féiert deen no him benannte Gregorianesche Kalenner an. Dobäi ginn zéng Deeg iwwersprongen. Op Donneschdes, 4. Oktober 1582 (Julianesch), koum direkt drop Freiden, de 15. Oktober 1582 (Gregorianesch). 1750: De lëtzebuergesche Moler Pierre Maisonnet kënnt op d'Welt. 1844: Den däitsche Philosoph Friedrich Nietzsche gëtt gebuer. 1879: Lëtzebuerg kritt säin éischten Code pénal. 1894: Ufank vun der Dreyfus-Affär: De franséischen Offizier Alfred Dreyfus gëtt wéinst Spionage verhaft. 1922: Gebuert vum lëtzebuergesche Politiker Robert Krieps. 2003: China schéisst d'Raumschëff Shenzhou 5 mat dem Taikonaut Yang Liwei an den All. Et ass domat dat drëtt Land op der Welt dat ee bemannte Weltraumfluch gemaach huet.	16. Oktober • 1813: D'Vëlkerschluecht bei Leipzig fänkt un. • 1854: Gebuert vum iresche Schrëftsteller Oscar Wilde. • 1893: De lëtzebuergesche Schrëftsteller Alexander Weicker gëtt gebuer. • 1927: Den däitsche Schrëftsteller Günter Grass kënnt op d'Welt. • 1934: D'chineesesch Kommunisten ënner dem Mao Tse-Tung fänken hire Laange Marsch un. • 1941: Vun der Stater Gare ginn déi éischt 323 Judden an de Getto op Litzmannstadt (Łódź) deportéiert. Nëmmen 12 vun hinnen iwwerliewen den Zweete Weltkrich. • 1946: Zéng zum Doud verurteelt Ugeklot aus dem Nürnberger Prozess ginn opgehaangen. • 1973: D'OPEC decidéiert, de Pëtrolspräis ëm 70% ze héijen; Ufank vun der éischter Pëtrolskris.
17. Oktober 1797: Traité vu Campo-Formio. 1798: Gebuert vum Quetschlik Godchaux, Duchfabrikant op der Schläifmillen. 1813: Den däitschen Theaterauteur Georg Büchner gëtt gebuer. 1824: De lëtzebuergeschen Industriellen Nicolas Gonner-Nau kënnt op d'Welt. 1868: D'Lëtzebuerger Constitutioun trëtt a Kraaft. 1918: Gebuert vun der US-amerikanescher Schauspillerin Rita Hayworth. 1933: Déi belsch Nonn a Sängerin Soeur Sourire kënnt op d'Welt. 1961: Zu Paräis ginn no enger net geneemegter Manifestatioun vun 30.000 Algerier eng onbekannt Zuel vu Manifestanten doutgemaach, dausende gi blesséiert a 14.000 festgeholl.	18. Oktober • 1685: De Louis XIV. revokéiert den Edikt vun Nantes. • 1777: Gebuert vum däitsche Schrëftsteller Heinrich von Kleist. • 1883: Doud vum lëtzebuergesche Politiker, Jurist an Auteur Charles-Théodore André. • 1896: Zu Iechternach gi fir d'éischt zu Lëtzebuerg Filmer gewisen, ë. a. L'arrivée d'un train en gare vun de Bridder Lumière. • 1920: Déi griichesch Schauspillerin, Sängerin a Politikerin Melina Mercouri gëtt gebuer. • 1926: Den US-amerikanesche Museker Chuck Berry an den däitsche Schauspiller Klaus Kinski kommen op d'Welt. • 1927: Gebuert vum US-amerikanesche Schauspiller a Regisseur George C. Scott. • 1931: Den US-amerikaneschen Erfinder Thomas Alva Edison stierft.
19. Oktober 1745: Doud vum englesch-iresche Schrëftsteller a Satiriker Jonathan Swift. 1862: Gebuert vum franséische Cheemiker an Entreprener Auguste Lumière. 1899: De guatemalteekesche Schrëftsteller Miguel Ángel Asturias kënnt op d'Welt. 1920: D'Hadir gëtt gegrënnt. 1931: De britsche Schrëftsteller John le Carré gëtt gebuer. 1943: Déi franséisch Sculptrice Camille Claudel stierft. 1959: Éischt deeglech Radios-Emissioun vum lëtzebuergesche Programm vun RTL op UKW am Kanal 18. 1967: Deen éischte Cactus-Supermarché mécht zu Lëtzebuerg seng Dieren op.	20. Oktober 1340: D'Schueberfouer gëtt vum Jang de Blannen agefouert. 1639: Gebuert vum franséischen Theaterschrëftsteller Jean Racine. 1677: De Stanislas I. Leszczynski, Kinnek vu Polen an Herzog vu Loutrengen, kënnt op d'Welt. 1740: D'Maria Theresia gëtt zur Äerzherzogin vun Éisträich a Kinnigin vun Ungarn a Béimen gekréint; dat léist den Éisträicheschen Ierffollegkrich aus. 1854: De franséischen Dichter Arthur Rimbaud gëtt gebuer. 1882: Gebuert vum ungaresche Filmschauspiller Bela Lugosi. 1977: Doud vum lëtzebuergesche Schauspiller Tun Deutsch. 2013: Den Ausgang vun de virgezunnene Chamberwale erméiglecht Verhandlungen iwwer eng sougenannt Gambia-Koalitioun.
21. Oktober 1772: Den engleschen Dichter Samuel T. Coleridge gëtt gebuer. 1790: Gebuert vum franséischen Dichter Alphonse de Lamartine. 1805: Koalitiounskricher: Schluecht vun Trafalgar, de britteschen Admirol Horatio Nelson stierft dobäi. 1833: De schweedeschen Erfinder an Industriellen a Stëfter vum Nobelpräis, Alfred Nobel, kënnt op d'Welt. 1913:De lëtzebuergeschen Auteur, Journalist, Geriichtschroniker an Editeur Tony Jungblut gëtt gebuer. 1917: Gebuert vum US-amerikaneschen Jazz-Trompettist Dizzy Gillespie. 1940: Lëtzebuerg: D'Monument du Souvenir (Gëlle Fra) gëtt vun den Nazien ofrappe gelooss. 1984: Doud vum franséische Filmregisseur a Schauspiller François Truffaut.	22. Oktober 0741: Doud vum Karl Martell, fränkeschen Hausmeier. 1755: De lëtzebuergesche Konschtschräiner Bernard Molitor gëtt gebuer. 1811: Gebuert vum ungaresche Pianist a Komponist Franz Liszt. 1844: Déi franséisch Schauspillerin Sarah Bernhardt kënnt op d'Welt. 1913: Gebuert vum US-amerikanesche Fotograf Robert Capa. 1919: Déi englesch Schrëftstellerin Doris Lessing gëtt gebuer. 1921: Gebuert vum franséische Chansonnier Georges Brassens. 1943: Déi franséisch Schauspillerin Catherine Deneuve kënnt op d'Welt.
23. Oktober 1520: De Karl V. gëtt zu Oochen zum Keeser vum Hellege Réimesche Räich gekréint. 1888: De lëtzebuergeschen Industrielle Félix Chomé gëtt gebuer. 1905: De schwäizer-US-amerikanesche Physiker an Nobelpräisdréier Felix Bloch kënnt op d'Welt. 1940: De brasilianesche Foussballspiller Pelé gëtt gebuer. 1956: Ufank vum Ungaresche Volleksopstand. 1958: De lëtzebuergesche Schauspiller Thierry van Werveke kënnt op d'Welt. 1980: Doud vum lëtzebuergesche Sculpteur a Moler Auguste Trémont. 1989: D'Ungaresch Republik gëtt ausgeruff. Enn vun der Volleksrepublik Ungarn.	24. Oktober 1648: Mam Westfälesche Fridden geet den Drëssegjärege Krich op en Enn. 1917: Doud vum lëtzebuergeschen Industriellen a Schmelzhär Jules Collart. 1928: De lëtzebuergesche Politiker an Ingenieur Émile Servais stierft. 1927: Gebuert vun de franséische Sänger Gilbert Bécaud a Jean-Claude Pascal. 1929: Schwaarzen Donneschdeg op der New Yorker Bourse 1939: Den US-amerikanesche Schauspiller F. Murray Abraham kënnt op d'Welt. 1945: D'Charta vun de Vereenten Natiounen trëtt mat 50 Staaten als Grënnugsmemberen a Kraaft. 1966: D'Rout Bréck an d'Héichhaus um Kierchbierg ginn an der Stad Lëtzebuerg ageweit.
25. Oktober 0732: Den Hausmeier Charles Martell gewënnt zu Tours an duerno zu Poitiers géint d'Araber ënner dem Abd ar-Rachman. 1415: Bei der Schluecht vun Azincourt, am Kader vum Honnertjärege Krich, gewannen d'Englänner géint d'Fransousen. 1748: Mam Fridde vun Oochen geet den Éisträicheschen Ierffollegkrich op en Enn. 1760: De Georg Wilhelm Friedrich vun Hannover gëtt, als George III., Kinnek vu Groussbritannien a vun Irland. 1838: Gebuert vum franséische Komponist Georges Bizet. 1881: De spuenesche Moler, Sculpteur a Graphiker Pablo Picasso kënnt op d'Welt. 1931: Déi franséisch Schauspillerin Annie Girardot gëtt gebuer. 1987: Doud vun der lëtzebuergesche Kachbuch-Autorin Ketty Thull.	26. Oktober • 1759: Gebuert vum franséische Revolutionär Georges Jacques Danton. • 1795: A Frankräich trëtt de Regime vum Directoire a Kraaft. • 1863: Op enger internationaler Konferenz zu Genf gëtt d'Rout Kräiz als Institutioun gegrënnt. • 1916: De franséische Politiker a Staatspresident François Mitterrand gëtt gebuer. • 1919: Éischt Chamberwalen nom allgemenge Walrecht zu Lëtzebuerg. D'Rietspartei etabléiert sech als stäerkst politesch Kraaft. • 1947: Déi US-amerikanesch Politikerin Hillary Clinton kënnt op d'Welt. • 1994: Jordanien an Israel ënnerschreiwe e Friddensvertrag. • Nationalfeierdag an Éisträich.
27. Oktober 1728: De britteschen Entdecker a Séifuerer James Cook kënnt op d'Welt. 1858: Den US-amerikanesche Staatspresident an Nobelpräisdréier Theodore Roosevelt gëtt gebuer.< 1914: Gebuert vum brittesche Schrëftsteller Dylan Thomas. 1918: Déi US-amerikanesch Schauspillerin Teresa Wright kënnt op d'Welt. 1923: Den US-amerikanesche Moler a Graphiker Roy Lichtenstein gëtt gebuer. 1942: Déi lëtzebuergesche Schrëftstellerin José Ensch gëtt gebuer. 1956: Am Traité vu Lëtzebuerg gëtt festgehalen, datt d'Saarland den 1.1.1957 Däitschland bäitriede géif. 1961: Beim Grenzpassage Checkpoint Charlie, an der Berliner Mauer, sti sech US-amerikanesch a sowjetsch Tankse géintiwwer, prett fir ze schéissen.	28. Oktober 1704: Doud vum englesche Philosoph John Locke. 1883: Gebuert vum Felix vu Bourbon-Parma, Prënz-Consort vu Lëtzebuerg. 1892: De lëtzebuergesche Politiker Pierre Frieden kënnt op d'Welt. 1909: Den iresche Moler Francis Bacon gëtt gebuer. 1918: Proklamatioun vun der Tschechoslowakei. 1940: Italien erkläert Griicheland de Krich a gräift et vun Albanien aus un. 1967: Déi US-amerikanesch Schauspillerin Julia Roberts kënnt op d'Welt. 2007: Déi däitsch Schauspillerin Evelyn Hamann stierft.
29. Oktober 1911: Doud vum amerikanesche Schrëftsteller Joseph Pulitzer, Stëfter vum Pulitzer-Präis. 1911: Déi lëtzebuergesch Foussballnationalekipp spillt hiren éischten offizielle Lännermatch, de Géigner ass Frankräich. Lëtzebuerg verléiert 1:4 an den Albert Elter schéisst den éischte Gol. 1917: Gebuert vum US-amerikanesche Sänger a Schauspiller Eddie Constantine. 1930: Déi franco-amerikanesch Kënschtlerin Niki de Saint Phalle gëtt gebuer. 1956: No der Verstaatlechung vum Suezkanal duerch Egypten falen israeelesch Truppen an d'Sinai-Hallefinsel an: Ufank vum Suezkrich. 1976: Den SED-Chef Erich Honecker gëtt Staatsrotspresident vun der DDR. 2004: Zu Roum gëtt den Traité iwwer eng Constitutioun fir Europa ënnerschriwwen, en trëtt duerno awer ni a Kraaft, well en net vun all Land ratifizéiert gouf. 2010: Doud vum lëtzebuergeschen Auteur Fernand Barnich.	30. Oktober 1735: Gebuert vum 2. President vun den USA, John Adams. 1839: De franséische Moler Alfred Sisley gëtt gebuer. 1840: De lëtzebuergesche Mathematiker Joseph Jean Baptiste Neuberg kënnt op d'Welt. 1885: Gebuert vum amerikanesche Lyriker Ezra Pound. 1887: Den däitsche Lyriker Georg Heym gëtt gebuer. 1911: Zu Lëtzebuerg gëtt d'ARBED gegrënnt. 1938: D'Radiosemissioun vum Héierspill The War of the Worlds nom Roman vum H. G. Wells vum Orson Welles an dem Mercury Theatre on the Air léist an den USA bei verschiddenen Nolauschterer eng staark Veronsécherung aus. 1997: Doud vum amerikanesche Filmregisseur Samuel Fuller.
31. Oktober 1711: Déi italieenesch Philologin Laura Bassi gëtt gebuer. 1760: Gebuert vum japanesche Xylograph Katsushika Hokusai. 1856: Doud vum lëtzebuergeschen Entreprener, Editeur a Politiker Jacques Lamort. 1887: De chineesesche Politiker Chiang Kai-shek kënnt op d'Welt. 1922: An Italien kënnt de Benito Mussolini un d'Muecht. 1947: D'Allgemengt Douanes- an Handelsofkommes (GATT) gëtt zu Genf vun 23 Staaten ënnerschriwwen. 1961: Den neiséilännesche Filmregisseur Peter Jackson gëtt gebuer. 1984: Déi indesch Ministerpresidentin Indira Gandhi gëtt vun zwéi Leifwiechter ermuert.