Haaptsäit/Op engem/Juni

All Dag gëtt op der Haaptsäit eng kleng Lëscht vun deene wichtegsten Evenementer gewisen, déi op deem Dag geschitt sinn. Op dëser Säit sinn d'Schabloune vum Mount Juni.

Mee < < < Juni > > > Juli

1. Juni Marilyn Monroe 1904: Zu Lëtzebuerg ginn d'Auere vun der Lokalzäit op déi Mëtteleuropäesch Zäit ëmgestallt, a musse 35 bis 37 Minutten no vir geréckelt ginn. 1926: Déi US-amerikanesch Schauspillerin Marilyn Monroe gëtt gebuer. 1945: D'Société nationale des chemins de fer luxembourgeois gëtt gegrënnt. 1958: Doud vum lëtzebuergesche Violonist, Komponist an Orchesterchef Henri Pensis. 1958: De Generol Charles de Gaulle gëtt Regierungschef vu Frankräich. 1998: D'Lëtzebuerger Zentralbank gëtt gegrënnt. 2001: Am Nepal gëtt de Kinnek Birendra a bal seng ganz Famill vu sengem Jong Dipendra ëmbruecht, dee sech duerno selwer d'Liewen hëlt. 2010: De lëtzebuergesche Schrëftsteller Roger Manderscheid stierft.	2. Juni 1740: Gebuert vum franséische Schrëftsteller Marquis de Sade. 1800: De lëtzebuergesche Jurist a Politiker Charles-Gérard Eyschen gëtt gebuer. 1857: De brittesche Komponist Edward Elgar kënnt op d'Welt. 1904: Gebuert vum US-amerikanesche Schwëmmer a Filmschauspiller Johnny Weissmuller. 1909: De Lëtzebuerger Moler, Sculpteur, Graveur a Vitrier Théo Kerg kënnt op d'Welt. 1920: Den däitsche Literaturkritiker Marcel Reich-Ranicki gëtt gebuer. 1924: D'Indianer an de Vereenegte Staaten ginn als vollberechtegt US-Bierger unerkannt. 1942: Doud vum lëtzebuergesche Journalist a Schrëftsteller Frantz Clément.
3. Juni 1684: D'spuenesch Garnisoun vun der Festung Lëtzebuerg kapituléiert no der Belagerung duerch d'Truppe vum franséische Kinnek Louis XIV. 1902: Gebuert vum lëtzebuergesche Moler Prosper Friob. 1906: D'US-amerikanesch Dänzerin, Sängerin a Schauspillerin Josephine Baker kënnt op d'Welt. 1909: De lëtzebuergesche Moler Foni Tissen gëtt gebuer. De Franz Kafka 1910: Gebuert vun der US-amerikanescher Schauspillerin Paulette Goddard. 1924: Doud vum tschechesche Schrëftsteller Franz Kafka. 1931: De kubanesche Politiker Raúl Castro kënnt op d'Welt. 1958: Singapur deklaréiert seng Onofhängegkeet vu Groussbritannien.	4. Juni Angelina Jolie 1806: Gebuert vum lëtzebuergesche Politiker Vendelin Jurion. 1809: De lëtzebuergesche Journalist, Archivist a Politiker Mathias Hardt gëtt gebuer. 1872: De lëtzebuergeschen Architekt Alphonse Kemp kënnt op d'Welt. 1975: Gebuert vun der US-amerikanescher Schauspillerin Angelina Jolie. 1985: Doud vun der lëtzebuergescher Chef-Kächen Hélène Hiertz. 1989: Éischt fräi Walen a Polen. 1989: D'chineesesch Regierung léisst d'wochelaang Manifestatioun op der Pekinger Plaz vum Himmlesche Fridden (Tiananmen) néiermaachen; dausende vun Doudeger. 2005: De Lëtzebuerger Sculpteur Jeannot Bewing stierft.
5. Juni 1288: Schluecht vu Worringen; den Heinrich VI. vu Lëtzebuerg bleift do leien. 1864: Ons Heemecht gëtt zu Ettelbréck eng éischt Kéier ëffentlech gesongen. 1880: Doud vum lëtzebuergesche Kraaftmënsch Jean Wolf ("Herkul Wolf"). 1883: Den englesche Mathematiker an Ekonomist John Maynard Keynes kënnt op d'Welt. 1898: de spueneschen Dichter Federico García Lorca gëtt gebuer. 1900: Gebuert vum ungaresch-brittesche Physiker an Nobelpräisdréier Dennis Gabor. 1967: Ufank vum Krich vu Sechs Deeg tëscht Israel a sengen Noperen. 2004: Den US-amerikanesche President a Schauspiller Ronald Reagan stierft.	6. Juni 0068: Doud vum réimesche Keeser Nero. 1599: Gebuert vum spuenesche Moler Diego Velázquez. 1606: De franséischen Theaterschrëftsteller Pierre Corneille gëtt gebuer. 1799: De russeschen Dichter Alexander Puschkin kënnt op d'Welt. 1875: Gebuert vum däitsche Schrëftsteller Thomas Mann. 1926: De Lëtzebuerger Journalist a Schrëftsteller Nic Weber gëtt gebuer. 1937: Referendum zu Lëtzebuerg iwwer dat sougenannt Maulkuerfgesetz. 1944: Operation Overlord - déi Alliéiert Truppe landen an der Normandie.
7. Juni 1494: Am Traité vun Tordesillas deele Spuenien a Portugal hir Intressegebidder an den nei entdeckte Kontinenter op. 1654: De Louis XIV. gëtt zum Kinnek vu Frankräich gekréint. 1848: Gebuert vum franséische Moler Paul Gauguin. 1896: Den ungaresche Politiker Imre Nagy kënnt op d'Welt. 1958: Den US-amerikanesche Komponist, Museker a Sänger Prince gëtt gebuer. 2008: Den italieenesche Filmregisseur Dino Risi stierft. 2011: Doud vum spuenesche Schrëftsteller a Politiker Jorge Semprún. 2015: Bei engem konsultative Referendum iwwer méiglech Verfassungsännerungen zu Lëtzebuerg stëmmen jee no Fro tëscht ronn véier Fënneftel an zwee Drëttel dogéint.	8. Juni 1810: Gebuert vum däitsche Komponist Robert Schumann. 1815: Den Däitsche Bond gëtt gegrënnt. 1815: Den éischte Groussrabbiner vu Lëtzebuerg, Samuel Hirsch, gëtt gebuer. 1876: Doud vun der franséischer Schrëftstellerin George Sand. 1903: Déi franséisch Schrëftstellerin Marguerite Yourcenar kënnt op d'Welt. 1916: Gebuert vum englesche Physiker a Biochemiker Francis Crick. 1926: De lëtzebuergeschen Ekonomist a Politiker Ernest Mühlen kënnt op d'Welt. 1990: Éischt fräi Parlamentswalen zanter 1946 an der Tschechoslowakei.
9. Juni D'Bertha von Suttner 1672: Gebuert vum russeschen Zar Péiter de Groussen. 1781: Den engleschen Ingenieur George Stephenson kënnt op d'Welt. 1843: Déi éisträichesch Schrëftstellerin an Nobelpräisdréiesch Bertha von Suttner gëtt gebuer. 1870: Doud vum englesche Schrëftsteller Charles Dickens. 1891: Gebuert vum US-amerikanesche Komponist Cole Porter. 1963: Den US-amerikanesche Schauspiller Johnny Depp kënnt op d'Welt. 1967: De lëtzebuergesche Kënschtler Michel Majerus gëtt gebuer. 1974: De guatemalteekesche Schrëftsteller an Nobelpräisdréier Miguel Ángel Asturias stierft.	10. Juni 1580: Doud vum portugiseschen Dichter Luís de Camões. 1819: Gebuert vum franséische Moler Gustave Courbet. 1832: Den däitschen Erfinder Nikolaus Otto kënnt op d'Welt. 1903: Den däitsche Schauspiller Theo Lingen gëtt gebuer. 1915: Den US-amerikanesche Schrëftsteller an Nobelpräisdréier Saul Bellow kënnt op d'Welt. Oradour-sur-Glane 1940: Italien trëtt un der Säit vun Nazi-Däitschland an de Krich an, a gräift Südfrankräich un. 1944: Truppe vun der Waffen-SS ermuerden déi 642 Awunner vum Duerf Oradour-sur-Glane. 1965: Déi däitsch Schauspillerin Veronica Ferres gëtt gebuer.
11. Juni 1554: D'Stad Lëtzebuerg gëtt duerch d'Explosioun vun engem Polvermagaséng an d'Feier duerno bal ganz zerstéiert. 1864: Gebuert vum däitsche Komponist an Dirigent Richard Strauss. 1885: De lëtzebuergeschen Turner a Weltmeeschter um Barren François Hentges gëtt gebuer. 1904: Éischten Doudegen zu Lëtzebuerg bei engem Verkéiersaccident mat engem Auto. 1910: Gebuert vum franséischen Ozeanograph Jacques-Yves Cousteau. 1913: Déi lëtzebuergesch Moler Roger Gerson an Émile Kirscht kommen op d'Welt. 1922: De griichesche Filmregisseur Michael Cacoyannis gëtt gebuer. 1979: Doud vum US-amerikanesche Schauspiller John Wayne.	12. Juni 1795: D'Éisträicher kapituléieren an iwwerloossen d'Festung Lëtzebuerg de Fransousen. 1890: Den éisträichesche Moler Egon Schiele gëtt gebuer. 1924: Den George H. W. Bush, 41. President vun den USA, kënnt op d'Welt. 1928: Déi lëtzebuergesch Schrëftstellerin Anise Koltz gëtt gebuer. 1929: Gebuert vum Anne Frank, Affer vun der Shoah. 1991: De Boris Jelzin gewënnt déi éischt direkt Presidentschaftswalen a Russland. 2003: Den US-amerikanesche Schauspiller Gregory Peck stierft. 2012: Doud vun der US-amerikanescher Politologin an Ekonomistin Elinor Ostrom.
13. Juni 1820: Gebuert vum Henri vun Oranien-Nassau, Läitnant-Gouverneur vu Lëtzebuerg. 1865: Den ireschen Dichter William Butler Yeats kënnt op d'Welt. 1870: De belsche Medezinner an Nobelpräisdréier Jules Bordet gëtt gebuer. 1888: Gebuert vum portugisesche Schrëftsteller Fernando Pessoa. 1923: De Lëtzebuerger Auteur Demy Schlechter stierft. 1925: Doud vun der lëtzebuergescher Fraerechtlerin a Publizistin Marguerite Mongenast-Servais. 1946: De lëtzebuergeschen Dokter a KPL-Politiker Charles Marx a seng Fra, d'Fraerechtlerin Fernande Marx, komme bei engem Autosaccident ëm d'Liewen. 1982: De Fahd ibn Abd al-Aziz Al Saud gëtt Kinnek vu Saudi-Arabien.	14. Juni 1833: Gebuert vum lëtzebuergeschen Affekot a Politiker Dominique-Alexis Brasseur. 1866: Ufank vum Preisesch-Éisträichesche Krich. 1871: De lëtzebuergeschen Entreprener an Autoconstructeur Théodore Pescatore gëtt gebuer. 1894: D'Groussherzogin Marie-Adélaïde vu Lëtzebuerg kënnt op d'Welt. 1899: De japanesche Schrëftsteller an Nobelpräisdréier Yasunari Kawabata gëtt gebuer. 1920: Gebuert vum lëtzebuergeschen Diplomat a Schrëftsteller Albert Borschette. 1928: Den argentineschen Dokter a kubanesche Revolutionär Che Guevara kënnt op d'Welt. 1985: D'Schengener Ofkommes gëtt zu Schengen vu 5 Länner ënnerschriwwen.
15. Juni 1330: Gebuert vum Edward vu Woodstock, dem Schwaarze Prënz, Prënz vu Wales. 1843: Den norwegesche Komponist Edvard Grieg gëtt gebuer. 1862: De lëtzebuergeschen Historiker Frantz Funck-Brentano kënnt op d'Welt. 1943: De franséische Sänger Johnny Hallyday gëtt gebuer. 1946: Gebuert vun der franséischer Schauspillerin Brigitte Fossey. 1950: Den indeschen Industriellen Lakshmi Mittal kënnt op d'Welt 1977: Éischt fräi Walen no der Franco-Diktatur a Spuenien. 1996: Doud vun der US-amerikanescher Sängerin Ella Fitzgerald.	16. Juni 1607: Den Abbé vun den Abteien Neimënster an Iechternach Jean Bertels stierft. 1684: D'franséisch Truppe vum Louis XIV. huelen ënner dem Vauban d'Stad Lëtzebuerg an. 1829: De Apachen-Häuptling Geronimo kënnt op d'Welt.. 1870: De lëtzebuergesche Moler Jean-Pierre Huberty kënnt op d'Welt. 1890: Gebuert vum englesche Komiker a Filmschauspiller Stan Laurel (Den Décken an den Dënnen). 1892: Doud vum lëtzebuergesch-belsche Jurist, Industriellen, Journalist a Politiker Victor Tesch. 1958: Den ungaresche Politiker Imre Nagy stierft. 1976: Zu Soweto a Südafrika gi bei enger Manifestatioun vu Schüler a Studenten 566 Kanner a jonk Leit vun der Police an Arméi doutgemaach.
17. Juni 1818: Gebuert vum franséische Komponist Charles Gounod. 1890: Doud vum lëtzebuergesche Politiker Emmanuel Servais. 1882: De russesch-US-amerikanesche Komponist Igor Fjodorowitsch Strawinsky gëtt gebuer. 1889: De lëtzebuergesche Schrëftsteller Nikolaus Hein kënnt op d'Welt. 1936: Gebuert vum brittesche Filmregisseur Ken Loach. 1942: Den egypteschen Diplomat an Nobelpräisdréier Mohamed ElBaradei gëtt gebuer. 1944: D'Republik Island gëtt ausgeruff. 1945: De belsche Vëlossportler Eddy Merckx kënnt op d'Welt.	18. Juni 1815: Schluecht vu Waterloo. 1942: De brittesche Sänger, Museker a Komponist Paul McCartney kënnt op d'Welt. 1942: De südafrikanesche Politiker a Staatspresident Thabo Mbeki gëtt gebuer. 1946: D'Republik Italien gëtt proklamméiert. 1947: Gebuert vum franséische Schauspiller Bernard Giraudeau. 1949: Déi polnesch Politiker Jarosław a Lech Kaczyński kommen op d'Welt. 1952: Déi italieenesch Schauspillerin Isabella Rossellini gëtt gebuer. 2000: Ethiopien an Eritrea ënnerschreiwen e Vertrag, mat deem hire Grenzkrich ophält.
19. Juni Arno J. Mayer 1566: Gebuert vum James I., Kinnek vun England an Irland, als James VI. Kinnek vu Schottland. 1623: De franséische Mathematiker Blaise Pascal gëtt gebuer. 1926: De lëtzebuergesch/US-amerikaneschen Historiker Arno J. Mayer kënnt op d'Welt. 1928: Gebuert vun der däitscher Radiosspeakerin, Schauspillerin a Regisseurin Haidy Jacobi. 1930: Déi US-amerikanesch Schauspillerin Gena Rowlands gëtt gebuer. 1940: De lëtzebuergesche Graphiker an Zeechner Pit Weyer gëtt gebuer. 1945: D'Aung San Suu Kyi, Politikerin aus Myanmar, kënnt op d'Welt. 1961: Kuwait gëtt onofhängeg.	20. Juni 1791: De Kinnek Louis XVI. vu Frankräich versicht an d'Ausland ze kommen, gëtt awer bei Varennes gefaangegeholl. 1819: Gebuert vum däitsch-franséische Komponist Jacques Offenbach. 1894: De Bakteriolog Alexandre Yersin entdeckt d'Bakterium, dat d'Pescht ausléist. 1902: De lëtzebuergeschen Affekot, Nottär, Gaardenamateur a Konschtmäzen Tony Neuman gëtt gebuer. 1909: Den US-amerikanesche Schauspiller Errol Flynn kënnt op d'Welt. 1909: Doud vum lëtzebuergesche Soefuerscher Nicolas Gredt. 1933: Déi däitsch Politikerin a Fraerechtlerin Clara Zetkin stierft. 1963: De Grondstee fir d'Groussherzogin-Charlotte-Bréck ("Rout Bréck") gëtt geluecht.
21. Juni 1832: Gebuert vum lëtzebuergeschen Industriellen an Nottär Pierre Brasseur. 1905: De franséische Schrëftsteller a Philosoph Jean-Paul Sartre kënnt op d'Welt. 1914: Doud vun der éisträichescher Pazifistin a Friddensnobelpräisdréiesch Bertha von Suttner. 1921: Déi US-amerikanesch Schauspillerin Jane Russell gëtt gebuer. Benazir Bhutto 1953: Gebuert vun der pakistanescher Politikerin a Premierministesch Benazir Bhutto. 1955: De franséische Foussballist Michel Platini kënnt op d'Welt. 1980: Den däitsche Bandleader, Museksproduzent a Komponist Bert Kaempfert stierft. All Joers: Fête de la musique a ville Länner.	22. Juni 1767: Gebuert vum däitsche Geléierten a Staatsmann Wilhelm von Humboldt. 1788: Den engleschen Dichter George Byron kënnt op d'Welt. 1898: Den däitsche Schrëftsteller Erich Maria Remarque, gëtt gebuer. 1906: Gebuert vum éisträichesch-amerikanesche Filmregisseur Billy Wilder. 1910: De Bauingenieur an Erfinder vum éischte Computer Konrad Zuse kënnt op d'Welt. 1941: Däitschland iwwerfält d'Sowjetunioun ("Unternehmen Barbarossa"). 1949: D'US-amerikanesch Schauspillerin Meryl Streep gëtt gebuer. 1978: D'Lëtzebuerger Regierung erkläert, de Plang vun engem Atomkraaftwierk zu Remerschen net méi virundreiwen ze wëllen.
23. Juni Verfassung 1848 1845: De lëtzebuergeschen Architekt Antoine Luja kënnt op d'Welt. 1848: D'Assemblée constituante hëlt déi Lëtzebuerger Verfassung un. 1894: Gebuert vum US-amerikanesche Sexualfuerscher Alfred Kinsey. 1912: De brittesche Mathematiker a Kryptoanalytiker Alan Turing gëtt gebuer. 1917: De lëtzebuergeschen Auteur Émile Erpelding kënnt op d'Welt. 1948: Ufank vun der Blockad vu Berlin duerch d'Sowjetunioun. 1963: De Lëtzebuerger Nationalfeierdag gëtt fir d'éischt am Summer gefeiert, amplaz am Wanter. 2016: D'Britte stëmmen an engem Referendum majoritär fir en Austrëtt vun hirem Land aus der Europäescher Unioun.	24. Juni D'Grande Armée geet iwwer den Neman-Floss, deen d'Grenz mat Russland mécht. 217 v. Chr.: Am Zweete Punesche Krich gewënnt den Hannibal mat senger Arméi d'Schluecht beim Trasimenesche Séi géint d'Réimer. 1812: Den Napoléon gräift Russland un, mat senger 400.000 Mann staarker Grande Armée. 1865: Zu Lëtzebuerg gi bei engem Groussbrand an der Fiels 65 Haiser an d'Parkierch zerstéiert. 1891: Doud vum Lëtzebuerger Schrëftsteller Edmond de la Fontaine (Dicks). 1929: Gebuert vun der US-amerikanescher Astronomin Carolyn Shoemaker. 1930: De franséische Filmregisseur Claude Chabrol kënnt op d'Welt. 1943: De lëtzebuergesche Schlagersänger Chris Baldo gëtt gebuer. 2002: De lëtzebuergesche Politiker Pierre Werner stierft.
25. Juni 1741: D'Maria Theresia vun Éisträich gëtt zum Kinnek vun Ungarn gekréint. 1852: Gebuert vum spueneschen Architekt Antoni Gaudí. 1903: Den englesche Schrëftsteller George Orwell gëtt gebuer. 1926: Déi éisträichesch Schrëftstellerin Ingeborg Bachmann kënnt op d'Welt. 1928: Doud vum lëtzebuergeschen Industriellen a Politiker Léon Metz. 1950: Déi nordkoreanesch Arméi iwwerfällt Südkorea; Ufank vum Koreakrich. 1975: Mosambik gëtt onofhängeg vu Portugal. 1991: Kroatien a Slowenien ginn onofhängeg.	26. Juni 1730: Gebuert vum franséischen Astronom Charles Messier. 1807: Duerch d'Explosioun vum Polvertuerm um Verluerekascht, an der Stad Lëtzebuerg kommen 32 Leit ëm d'Liewen an 120 ginn der schwéier blesséiert. 1824: De brittesche Physiker William Thomson, 1. Baron Kelvin, kënnt op d'Welt. 1892: Déi US-amerikanesch Schrëftstellerin Pearl S. Buck gëtt gebuer. 1904: Gebuert vum US-amerikanesch-ungaresche Filmschauspiller a -regisseur Peter Lorre. 1913: De franséische Schrëftsteller a Politiker Aimé Césaire an de Lëtzebuerger Ekonomist an Editeur Carlo Hemmer gi gebuer. 1945: D'Vereent Natioune gi gegrënnt. 1960: Madagaskar gëtt vu Frankräich onofhängeg.
27. Juni 1462: Gebuert vum Louis XII., Kinnek vu Frankräich. 1550: Gebuert vum Charles IX., Kinnek vu Frankräich. 1831: Doud vun der franséischer Mathematikerin Sophie Germain. 1869: Déi litauesch-US-amerikanesch Anarchistin, Feministin an Auteure Emma Goldman gëtt gebuer. 1880: Déi US-amerikanesch Schrëftstellerin Helen Keller kënnt op d'Welt. Isabelle Adjani 1928: Gebuert vum lëtzebuergeschen Turner Josy Stoffel. 1941: De polnesche Filmregisseur Krzysztof Kieślowski gëtt gebuer. 1955: Déi franséisch Schauspillerin Isabelle Adjani kënnt op d'Welt.	28. Juni 1491: Gebuert vum Henry VIII., Kinnek vun England. 1577: De flämesche Moler Peter Paul Rubens kënnt op d'Welt. 1655: Doud vum franséische Schrëftsteller Cyrano de Bergerac. 1712: De franséisch-Schwäizer Philosoph Jean-Jacques Rousseau gëtt gebuer. 1914: Attentat vu Sarajevo bei deem den éisträicheschen Trounfolger Franz Ferdinand a seng Fra Sophie ëm d'Liewe kommen. 1915: Gebuert vum lëtzebuergesche Schauspiller a Radio-Animateur Ger Schlechter. 1919: Den Traité vu Versailles gëtt ënnerschriwwen. 1926: Den US-amerikanesche Schauspiller a Regisseur Mel Brooks kënnt op d'Welt.
29. Juni De Robert Schumann 1886: De franséische Politiker Robert Schuman gëtt gebuer. 1900: Gebuert vum franséische Schrëftsteller a Pilot Antoine de Saint-Exupéry. 1911: Den US-amerikanesche Komponist an Dirigent Bernard Herrmann kënnt op d'Welt. 1929: Déi italieenesch Journalistin a Schrëftstellerin Oriana Fallaci gëtt gebuer. 1940: Doud vum däitsche Moler Paul Klee. 1967: Déi US-amerikanesch Schauspillerin Jayne Mansfield stierft. 1976: D'Seychelle ginn onofhängeg vu Groussbritannien. 1995: Doud vun der US-amerikanescher Schauspillerin Lana Turner.	30. Juni 1808: Gebuert vum lëtzebuergesche Jurist a Lepidopterolog Auguste Dutreux, 1892: Doud vum lëtzebuergeschen Industriellen Jean-Pierre Heintz. 1893: De Walter Ulbricht, Staatsrotspresident vun der DDR, kënnt op d'Welt. D'Lea Massari 1911: De polneschen Dichter a Literaturnobelpräisdréier Czesław Miłosz gëtt gebuer. 1926: Gebuert vum éisträicheschen Entertainer, Showmaster, Sänger a Schauspiller Peter Alexander. 1933: Déi italieenesch Schauspillerin Lea Massari kënnt op d'Welt. 1960: De belsche Kongo, a kuerz duerno de franséische Kongo, proklaméieren hir Onofhängegkeet. 1997: Hongkong geet u China zeréck.